الموضوع: اسال ويجاوبك مهندس نجاد من بريدجستون

السلام عليكم مهندس نجاد
انا عندى الأربع فرد بريجيستون تمام المهم من فترة كنت بزود العجل الواد قالى مظبوط مع إن فى فردة تحس إنها مريحة شوية روحت عند واحد تانى قالى نفس الكلام بعد كام يوم بردوا نفس الكلام مع إنها ما كانتش كدا خالص فهل دا عيب من الكاوتش ولا من حاجة تانية
انا بظبطه على 30 على طول صيف و شتا

المشاركة الأصلية كتبت بواسطة buzzy

مهندس نجاد..بجد بشكرك على مجهودك معانا و على وقتك..

كان عندي سؤال بخصوص النيتروجين .. انا عملاه في فيت اند فيكس عباس العقاد

المهم بقى هل يجوز لاى ظروف لو مافيش نيتروجين و عجله نامت انها تتزود هوا عادى لحد ما اروح اقرب فرع ؟؟

و شكراً جزيلاً لحضرتك

انا باشكر كل اعضاء المنتدى اللى بيسمحوا لى ان ارد على اسالتهم واستفسارتهم لكى يستفيد الجميع ان شاء الله ويكون فيه خير ولو قليل ان شاء الله... بخصوص النيتروجين لو حصل ان فى حالة طارئة ولازم تزودى العجل هوا طبعا ما فيش مشكله طالما ان حضرتك مضطرة وسوف تشرفينا فى اى فرع ونبدل الهواء الى نيتروجين فى اسرع وقت بعد ذلك..

المشاركة الأصلية كتبت بواسطة lancerevolution

السلام عليكم مهندس نجاد
انا عندى الأربع فرد بريجيستون تمام المهم من فترة كنت بزود العجل الواد قالى مظبوط مع إن فى فردة تحس إنها مريحة شوية روحت عند واحد تانى قالى نفس الكلام بعد كام يوم بردوا نفس الكلام مع إنها ما كانتش كدا خالص فهل دا عيب من الكاوتش ولا من حاجة تانية
انا بظبطه على 30 على طول صيف و شتا

عزيزى العضو ... الوضوع محتاج من حضرتك زيارة لنا فى اى فرع نكشف على الاطار اللى حضرتك شاكك فى حالته ونقدر نفيدك بعد الكشف عليه
تحياتى للجميع وفيفا ايجيتو....... تحيا مصر ومليون مبرووووووك من الاعماق والى الامام وبالتوفيق يارب والسلام عليكم ورحمة الله وبركاته
:POINTI~2[2]: - ZERO

المشاركة الأصلية كتبت بواسطة mohamedway

بشمهندس نجاد.....كل سنه و حضرتك طيب
كنت عاوز أسأل حضرتك على الفردة الأدرينالين هل هى متوفرة بالمقاس 195/60/r15 عشان عربيه لانسر 1600 و ياريت سعرها لو متوفرة و كنت عاوز رأى حضرتك فى إنى أركب فردتين فقط فى الخلف لزيادة تماسك العربيه من الخلف ولا تنزلق فى الغرز و الملفات الجامده و فى الأمام أنا مركب بالفعل فردتين gr-80 و مش عاوز أبدا أحط أى حاجه تانيه قدام غير الموديل ده لأنه هو الوحيد اللى زبط فرامل الانسر معايا اللى كل الناس بتشتكى من انها بتصرخ جامد و مش بتمسك كويس و أنا إكتشفت بالفعل حل جميع مشاكل فرامل الانسر فى الفرده ده و ياريت تبقه متوفره دايما فى السوق بالمقاس 195/60/r15 لكى لا أضطر أركب حاجه تانيه قدام.

العضو العزيز اشكرك وآسف على التاخر فى الرد بس لا يوجد مقاس 195/60ار15 ادرينالين وطالما ان ال gr80 ضبط معاك الفرامل خليه ورا وقدام وان شاء الله ما تغيرش بغيره... اشكرك على الثقة الكبيره فى اطارات بريدجستون

المهندس نجاد
إطارات عربيتي الريجاتا مقاسها الأصلي 165/70/13
ولكن الموجود بالسيارة حالياً 165/80/13 وكنت أود شراء عجلتين حيث أن هناك عجلتين في الخلف جداد فعلاً وعجلتين في الأمام حالتهم غير جيدة

هل أشتري عجلتين مقاس الفبريكة أم إشتري عجلتين علي المقاس الخطأ الموجود بالسيارة؟

وما سعر العجلتين لديكم إن توفر المقاس؟

وشكراً

الف شكر على الموضوع الجميل والردود

بس كان فى استفسار فى توبك تانى عن فائده النتروجين للاطارت واحد الاخوه بالرد التالى

.....................
الأخوان الكرام
النيتروجين أخف في الكثافة من الأوكسجين و ثاني أوكسيد الكربون
و بالتالي فهو المفروض يحسن من أداء العربية عن طريق تخفيف وزن الاطار ككل و تقليل سخونته
و لكن اشتغالااااااااااااااااااا اااااااااااات
الهواء العادي ( اللي انت بتملاه ) يحتوي علي 80 % نيتروجين أصلا
النيتروجين اللي انت بتعبيه ( لو كانت المكنه سليمة ) مش نقي .. ده بطريقة المرور المركز السريع و يعطي نقاوه 90 - 95 %
يعني انت في النهاية بتزود 10 % نيتروجين .. حينقصو وزن كاوتشنا المتواضع ال 15 - 16 بوصه تحت ضغط 28 - 30 بتاع 10 جرام
يعني أقل من زلطه اتحشرت بين الكاوتش !!!
علي عكس كاوتش الفورميولا 1
و بالشفا .. لكل واحد دفع ال 20 جند في اشتغالة النيتروجين .. و واظب علي العلاج 3 مرات بعد الأكل
.......... انتهى التعليق



ارجوا من حضرتك التوضيح هل فعلا النتروجين لا فائده منه ؟

السلام عليكم باشمهندس نجاد والاخوة الاعضاء
سؤالي متي يتم تبديل الكاوتش بتاع العربية؟موديل 2009 وعاملة 10000كم؟ ومتي يتم الكشف علي الكاوتش بة نيتروجين من حوالي ستة شهور وشكلة مضبوط تقريبا ثابت وشكرا