الموضوع: اسال ويجاوبك مهندس نجاد من بريدجستون

م/نجاد عايز اعرف الكاوتش الrunflat مقاس 205/55/16 بريدجستون بكام و موجود في انهي معرض؟

المشاركة الأصلية كتبت بواسطة thefirst2005

61 خابور للاربع كاوتشات فى سيارة ماتيريا ... فى ساعة واحدة

عاجل الى المهندس نجاد (جزاك الله عنا كل خير)ز

السلام عليكم

حصلت معايا مشكلة بايخة جدا وانا هكتبها عشان الناس تاخد بالها ما يحصلهاش اللى حصل معايا.

اتناء رجوعى الى المنزل مع زوجتى من المستشفى حيث انها كانت مريضة وكنت انا وهى فى غاية الارهاق نتيجة ما حدث لها، حدث الاتى:

1-بعدى على مطب فى الشارع ، فؤجت بواحد بيقولى العجلة نايمة فهديت عند اول محطة بنزين قابلتها عشان فيها ورشة كاوتش، وطلبت منة فحص الكاوتش من غير ما انزل من السيارة من كثرة الارهاق والضيق لما حدث لزوجتى. ( بعد كدة عرفت ان الراجل اللى قالى العجلة نايمة تابع لورشة الكاوتش).

2-عامل الورشة قالى فى كذا خرم فى الكاوتشات هركب لهم خابور وثمن الخابور 10 جنية.

3-وافقت (قلت فى نفسى : انا تعبان ومش فارقة ...هيطلعو اتنين.. تلاتة .. مش مهم... المهم نروح انا وزوجتى بعد كل اللى شفناة الفترة السابقة).

4-الباشا خلص التصليح وطب منى الحساب. كام الحساب ؟... 610 جنية لأنة لقى 61 خرم فى الاربع كاوتشات. انا اتصدمت واتخانقت معاة وطلعت قرف الايام السابقة علية.

المهم: اتصلت بصاحب الورشة وصاحب البنزينة، وصاحب البنزينة طردهم لأنهم مستاجرين للمكان فقط،، فصاحب الورشة طلب منى السماح عشان ما يتخربشى بيتة وقالى انة هيربى الصنايعى بتاعة عن طريق:

1-تحملة للـ 610 جنية .

2-كتب لى ايصال امانة (فى حالة تلف الكاوتش فى خلال شهر هيقوم بشراء كاوتشات جديدة لي)

عمرى ما تخيلت ان قلة الضمير توصل للدرجة دى ... حسبى الله ونعم الوكيل فيهم.

السؤال الان:

الكاوتشات اصبحت فى حالة بالية .. كل يومين اصلح وانفخ ... وبقالى يومين مش عارف اتحرك بالعربية عشان الكاوتش اليمين كل يوم بيجى على الارض وبقى عندى هبد طول ما انا ماشى على الطريق.

سألت اصحابى فقالولى عوضك على اللة للاسباب الاتية:

انا سيارتى ماتيريا 2007 فضلت فى معرض دايهاتسو لمدة سنتين ما بتتحركش وانا اشتريتها فى شهر 7 - 2009 فقط (كانت عاملة 50 كيلو) عاملة الان 16000 كيلو.

قالولى ان نتيجة العربية كانت واقفة لمدة سنتين داخل المعرض .. دة خلى الكاوتش ينشف وبالتالى لما مشيت على زجاج سيارة كان مكسر فى الشارع اتخرم بسرعة نتيجة انة ناشف. هل الكلام دة صحيح؟

حاليا مش عارف اعمل اية

1-معروض على كاوتش nexon مقاس 15-60-185 وانا مقاس كاوتشى 15-55-185 هل اشترية لأن بريدجستون غالى

2-هل nexon دة نوع كويس

3 - وهل اسامح الراجل وعوضى على اللة ، ولا من افسد شئ فعلية اصلاحة.

ارجو النصيحة عشان عندى بكرة السبت صيانة 15000 فى ديهاتسو ان شاء الله وكنت عايز اشترى واركب الكاوتشات النهاردة عشان اعملهم ترصيص بكرة ان شاء الله.

وشكرا جزيلا.

ربنا يعوض عليك لأنى اعتقد أنك لازم تغير 4 فرد كاوتش ممكن تنقى افضل واحده من القديم وتخليها استبن لكن طبعا رأى المهندس نجاد هو الى هيكون القول الفصل فى الموضوع عشان هو من اهل الذكر فى موضوع الكاوتش

موضوع العوض ده حلال حلال حلال حلال حلال حلال حلال حلال حلال حلال حلال حلال حلال حلال حلال حلال حلال حلال حلال حلال حلال حلال حلال حلال حلال حلال حلال حلال حلال حلال
على عكس الشائع بين الناس الى بيقولوا ما نقبلش عوض ؟لأ اقبل عوض لكن لو حد مش معاه فقير مثلا ممكن تتصدقك عليه بالفلوس وتسيبهم غير كده خد فلوسك ومفيش الهوا ولو عاوز حتى ما تغيرش الكوتش برضه فلوسك اشترى بيها موز وبرتقال ولحمه وفراخ ومفيش اى حرمانيه

يا ريت تقولنا مكان البنزينه فين عشان حصل معايا موقف مشابه بس فى خرم واحد عشان نزلت بسرعه من العربية لانى عارف الاصناف ديه من البشر وما ردتش اعمل العجله عنده ورحت عملتها فى بريد جستون لانه اكيد كان هيزود اخرام وهو شغال ( البنزينه على الكورنيش قبل حدائق حلوان بشويه على اليمين )

جزالك الله خيرا المهندس نجاد على ذوقك وعملك الى مش بتبخل بيه على حد

كنت عاوز استفسر هل لحام الخوابير افضل ام اللحام بالمكواه


يا ريت حضرتك تجيب لنا قائمة باماكن بريد جستون أو تحط لينك فيه الموضوع ده

والف شكر