الموضوع: اسال ويجاوبك مهندس نجاد من بريدجستون

المشاركة الأصلية كتبت بواسطة mtageldeen

المهندس نجاد
إطارات عربيتي الريجاتا مقاسها الأصلي 165/70/13
ولكن الموجود بالسيارة حالياً 165/80/13 وكنت أود شراء عجلتين حيث أن هناك عجلتين في الخلف جداد فعلاً وعجلتين في الأمام حالتهم غير جيدة

هل أشتري عجلتين مقاس الفبريكة أم إشتري عجلتين علي المقاس الخطأ الموجود بالسيارة؟

وما سعر العجلتين لديكم إن توفر المقاس؟

وشكراً

العضو العزيز اذا كنت عايز تغير عجلتين بس لازم تكون الاطارات كلها فى السيارة مقاس واحد وبالطبع الرجوع للمقاس الاصلى هو الاصح لان الفرق كبير بين المقاس الخطأ والمقاس الاصلى وذلك فيه عدم أمان وخطورة على السيارة ومن بداخل السيارة
سعر الاطار هو 280جنية

المشاركة الأصلية كتبت بواسطة mechatronics

عايز اعرف سعر الأطار 255/40 r17
245/40 r17
235/40 r17

255/40 ار17 سعره 1006جنيه ويطبق خصم3% لحامل ستيكر نايل موتورز.. اما المقاسان الآخران فلا يتم استيرادهما حاليا

المشاركة الأصلية كتبت بواسطة tlrsiap

سلام عليكم باشمهندس نجاد
انا كنت مليت الكاوتش عندي نيتروجين في بريدجستون عباس العقاد من اسبوعين تقريبا

اللي حصل اني بعد فترة حسيت ان العربية مش مظبوطة (تقيلة و مش مستقرة على الأرض و هي ماشية ) , و لما ده يحصل اول حاجة باشك فيها ضغط الهوا في الكاوتش

المهم
اخدت بعضي و طلعت على بريدجستون عباس العقاد , من عندي لحد هناك مشوار حوالي 13 كيلو

الراجل هناك قاس لقى الضغط جوا الكاوتش زايد
و اندهش جدا و انا كمان طبعا كنت زيه , المهم هو ظبطه
لما سألته ازاي ده , رد عليا رد غير منطقي بالمرة
"تلاقي حد اديته العربية و ظبطها لك ولا حاجة"
و طبعا قلت له ان الكاوتش ده ما اتلمسش من ساعة آخر مرة

انا محتاج اعرف ايه التفسير لو حضرتك تتكرم ان الضغط جوا الكاوتش يبقى زايد ؟
ظني انا ان اللي شحن الكاوتش نيتروجين ما فضاش الهوا منه كويس

رأي حضرتك ايه ؟

مهندس تامر ... بعد التحية يؤسفنى ان اتعبك واطلب من حضرتك تشرفنا مرة اخرى وتقود مشوار الـ 13كم من عندك لعندنا تانى ولكن المرة دى لأتشرف بزيارتك وكذلك لنبدل لك النيتروجين فى الاطارات الاربعة لأن ما ذكرته حضرتك كده ان الفنى اثناء شحن الاطارات بالنيتروجين المرة الأولى لم يتخلص من الهواء بشكل صحيح فبقى بعض الهواء بالاطار مما ادى الى تمدده بعد مشوار الـ 13كم واكرر اعتذارى لك ... وتفسير هذا الموضوع هو كذلك رد على استفسار بعض الاخوة على موضوع النيتروجين وانه اشتغاله وكلام من هذا القبيل..

• الذى يحدث فى الاطار المملؤ بالهواء عندما يبدأ فى التحرك والاحتكاك بالارض يسخن المطاط ويكتسب حراره وبالتبعيه يكتسب الهواء داخل الاطار هذه الحرارة بسهولة وبسرعة مما يؤدى الى تمدد الهواء داخل الاطار وزيادة الضغط داخله، اما فى حالة النيتروجين ونتيجة لخواص النيتروجين التى هى خواص الغازات الخامله فلا يكتسب تلك الحرارة ولا يزيد الضغط داخل الاطار بل بالعكس فالضغط داخل الاطار المملؤ بالنيتروجين يبقى ثابتا دون تغير بالزيادة (او النقصان فى حالة انخفاض درجة الحرارة)
• ونتيجة لوجود بخار الماء مع الهواء يمكن ان يحدث صدأ للجنط اذا كان حديد بمرور الوقت وكذلك ممكن ان يؤدى الى صدأ لطبقات السلك الموجوده اسفل مداس الاطار، ولكن النيتروجين يكون جافا ولا يحتوى على بخار ماء مما يجنبنا حدوث هذة المشاكل.
• التسرب الطبيعى للهواء بين طبقات المطاط يكون اسرع من النيتروجين وذلك لان جزيئات النيتروجين حجمها ثلاث اضعاف جزيئات الاوكسوجين (الغاز النشط فى الهواء) مما يعنى ان تسرب النيتروجين يحتاج 3 اضعاف الوقت الذى يحتاجه الاوكسوجين للتسرب وعلى هذا الاساس ننصح بالكشف على الاطارات المشحونه بالهواء مره كل اسبوع الى 10 ايام اما المشحونه بالنيتروجين فننصح بفحصها مره كل 3 اسابيع الى شهر.
• بريدجستون اجرت تجربة وكانت من نتايجها ان الاطارات المشحونه بالنيتروجن مرونتها 2.5مرة اكثر من مرونة الاطارات المشحونه بالهواء وكانت فترة هذه التجربة 7 سنوات ، فنخلص من هذا الى شيئين

1- ان النيتروجين يحافظ على الاطارات لان الاطار القديم يفقد مرونته ويصبح صلبا مما يجبرنا على تغييره ولكن اذا كان الاطار المشحون نيتروجين مرونته مرتين ونصف اكبر من المشحون هواء فاذا النيتروجين يحافظ على الاطارات
2- وبالتبعيه يطيل فترة استخدامنا للاطار

فهذه تقريبا هى مميزات النيتروجين وارجو ان اكون وفقت فى توضيح هذا الموضوع.

المشاركة الأصلية كتبت بواسطة zkralla

الف شكر على الموضوع الجميل والردود

بس كان فى استفسار فى توبك تانى عن فائده النتروجين للاطارت واحد الاخوه بالرد التالى

.....................
الأخوان الكرام
النيتروجين أخف في الكثافة من الأوكسجين و ثاني أوكسيد
.......... انتهى التعليق



ارجوا من حضرتك التوضيح هل فعلا النتروجين لا فائده منه ؟

العضو الكريم...ارجو من حضرتك الاطلاع على الرد اعلاه مع تحياتى
http://www.nilemotors.net/Nile/31221...post3872349897

يابشمهندس نجاد
حضرتك ماراديتش على سؤالى

السلام عليكم باشمهندس نجاد والاخوة الاعضاء
سؤالي متي يتم تبديل الكاوتش بتاع العربية؟موديل 2009 وعاملة 10000كم؟ ومتي يتم الكشف علي الكاوتش بة نيتروجين من حوالي ستة شهور وشكلة مضبوط تقريبا ثابت وشكرا

المشاركة الأصلية كتبت بواسطة مهندس_حسام حسين

السلام عليكم باشمهندس نجاد والاخوة الاعضاء
سؤالي متي يتم تبديل الكاوتش بتاع العربية؟موديل 2009 وعاملة 10000كم؟ ومتي يتم الكشف علي الكاوتش بة نيتروجين من حوالي ستة شهور وشكلة مضبوط تقريبا ثابت وشكرا

المهندس حسام.. لو رجعت لكتالوج عربيتك ستجد ان تبديل اماكن الاطارات كل 8000 الى 10000كم. اما النيتروجين فللاسف حضرتك متاخر كتير فى الكشف على النيتروجين فلازم حضرتك تكشف عليه كل شهر والشكل مش هو الحكم فى هذا الموضوع بل الفحص بالمقاس هو المطلوب.

المشاركة الأصلية كتبت بواسطة cosmicone

بشمهندس نجاد

انا عندى سيفيك 2007 قاربت على تغيير الكوتش بتاعها و عاوز كاوتش يكون ناعم على الأسفلت المحبب لأنوا مع الكوتش الدانلوب بيعمل فيبرشن فى العربيه و يكون هادى و متماسك على الأرض مع اداء فرامل كويس

ايه رأى حضرتك فى الجى أر 80 او ال er30 لو متوفر و ممكن اسعارهم بعد اذنك؟
تانى حاجه انا عندى المقاس 65/195 r15 هل فى مشلكه لو ركبت 60/205 r15؟؟

العضو العزيز ال جى ار 80 لو حضرتك رجعت للردود فى هذا الموضوع ستجد شرح وافى عن مميزات هذة النقشة وهى افضل نقشة موجودة حاليا من انتاج بريدجستون وسعره 535جنية للاطار
... واكيد لو حضرتك عاوز تغير المقاس لازم نرجع للكتالوج او للقايم بتاع باب السيارة الامامى شمال فستجد عليه المقاس المستخدم والبدائل المتاحة.
اشكركم

العضو العزيز برجاء الرجوع لهذا الموضوع :-http://www.nilemotors.net/Nile/31221-a-37.html#post3872057563