[QUOTE=beeko;3874642545]!!!! ممممممممممم انا مش هاقول غير أن والدي مش في مصر أصلا هو في السعودية +
انا رقمي 01003885717 و أقسم بالله ان محدش اتصل بيا + مش المفروض ان المكالمات بتتسجل دا لو فيه مكالمه اصلا ..
Youssef.Awad انا مش مسطول عشان يكلموني و اقولهم كده او ادلهم رقم حد تاني !!!!
و انا بجد مش هسكت غير لما تجبولي دليل !! اصل هقول ايه بجد !!
و لو عايزني اصورلك العربية من عنيا الاتبين هجبلك صورتها إنشاء الله لو دا هيريحك .
و يارات تسمعو مني قبل ما تحكمو على الموضوع اني انا الغلطان او انا رضييت و بعمل كل ده عشان اتسلا !!!!!!
و لكن انا مسافر بكره إنشاء الله خارج مصر لمده اسبوع واحد , و إن شاء الله هكلمهم و احكي كل الي حصل و الموجود بالظبط في الموضوع . [/QUOTE]
اولا: تروح وترجع بالسلامة وتكمل حل مشكلتك على خير باذن الله وتطمنا طبعا وفى انتظار الصورة والاهم منها هو رضاءك التام ..
ثانيا: اغلب شغل التوكيلات فى كل مكان هو الاستبدال 80-90% وليس الاستعدال 10-20% حسب مكان الخبطة .. وعلاوة على ذلك ليس بالضرورة ان كفاءة الشغل تكون 100% مع كل الحالات والعملاء .. لأنه بكل بساطة الامر يحتاج لمهارة يدوية اكثر منها فنيا واللى بيحصل ان لو فيه صنايعى شاطر طبيعى انه هايفتح ورشة لنفسه برة ومش هايشتغل فى توكيل حتى وان كان شغال فى بى ام دبليو مش نيسان بغض النظر عن العائد المادى (دى حقيقة مؤكدة) .
ثالثا: ماحدش قال ان حضرتك بتتسلى او بتدعى حاجة ماحصلتش .. انا عن نفسى فعلا سمعتك وكل المشاركات كانت بقصد الاستفسار عن ملابسات اللى حصل معاك وطريقة التواصل وكل اللى حصل معاك بالتفصيل بالاضافة لسماع الطرف الاخر .. واللى حصل ان كل واحد رد بوجهة نظره حسب ما قرا وحلل واستنتج واقتنع .
رابعا: موضوع تسجيل المكالمات من عدمه بيكون حسب كل شركة يعنى ليس قانون .. فممكن يكون بيتطبق فى خدمة عملاء نيسان 16244 وليس فى خدمة عملاء مراكز الخدمة اللى غالبا بيتكلموا من موبايلات او خطوط ارضية .. والله اعلم
[QUOTE=الغزالى;3874641005]
يبئى حضرتك موصلكش ردى السابق مش لازم انى يكون ليا مشكله عشان ترد عليا .. وده اولا
.. انما الطبيعى لما حضرتك ترد يبقى الرد حيادى مش انك تطلع صاحب المشكله غلطان .. مع انه راح هناك من كلامكم وشكر الناس فى المركز .. يعنى الكلام والثقه الى جاتله من عندكم مش من عندى ...
واخيرا فكره انك ترد على صاحب الموضوع ده .. فده شىء منطقى لا خلاف عليه
انما ان حضرتك شايف انك متردش غير على صاحب المشكله هوا بس فامعلش اعذرنى يبئى كده تبعتله رقم تليفونك او العكس او تتاوصلوا بطريقه ميكونش فيها ناس بتشوف النقاش ده وبتقراه على الملاء كده ... [/QUOTE]
1. حضرتك انا لست مطالب انى ارد على كل مشاركة بتتضاف الى اى موضوع .. الا اذا لقيت ان ردى هايضيف او رد على سؤال ليا ومش معناها انى مطنش او متجاهل الرد عليك .
2. انا لو موجود فعلا فى مصر كنت اتصلت بصاحب الموضوع والشكوى ونصحته لوجه الله دون مقابل ومش بعيد كنت قابلته وروحت معاه وشوفت بعينى ايه اللى حصل - لأنى ليا نظرة والحمد لله - او عالاقل كنت بعتله نمرتى فى رسالة ع الخاص وهو يكلمنى لأن المفروض اى حد عنده مشكلة هو اللى مفروض يجرى ورا حلها وليس العكس .
3. انا بطبعى والحمد لله اللى اقوله فى السر باقوله فى العلانية بدون تغيير حرف واحد وطريقتى واحدة فى كل المواقف وثقتى بنفسى والحمد لله برضه بلا حدود يعنى مش بتأثر بردود مع او ضد ..
ولو قصد حضرتك على مشاركتك التالية:
[QUOTE=الغزالى;3874630348]معلش ليا استفسار هوا طالما .. التوكيلات مش بتسمكر بتغير على طول بجديد ودول قالو سمكره على طول يبئى كده برضو مشكله مركز خدمه مش مشكله عميل . .. هوا رايح لمكان المفروض انه مضمون ( على حسب كلام وخبرات الاعضاء جوه المنتدى وبره المنتدى ... ) وبالتالى العميل لما راح لهم اخد كلامهم الى بيقوله ثقه خصوصا ان صاحب المشكله نفسه بيقول انه صدق كلام المهندس وانه هايرجعها جديد والا يبئى مفرقش عن السمكريه الى بره ...[/QUOTE]
واللى كان المفروض حضرتك تحطها تانى او عالاقل تكتب رقم المشاركة بدل من الاشارة الغير مباشرة كما يلى:
[QUOTE=الغزالى;3874642640]
ثانيا برضو بقولها تانى مش لازم يبئى ليا شكوى عشان ترد عليا .. انا مجرد سئلت سؤال فى وسط الموضوع وكنت محتاج اجابه عليه بأما انك منسق فى القسم و كمان حضرتك مهتم بحل المشكله
وبرضو مش شايف من حضرتك اى تحليل ايجابى للمشكله عشان توصل لحلها انت كل رد من اوتو ايجبت مسلم بيه ومفيش اى تعليق عليه .. وبتعلق على كلام صاحب المشكله بس وبتتناقش فيه
[/QUOTE]
انا شايف ان ده استفسار عام وليس موجه ليا لا لشخصى او صفتى كمنسق مساعد للقسم !!!
وليا عدة نقاط اود توضيحها كمايلى:
1. مشاركات اتوايجيبت كانت مرتين فقط .. انما مشاركات صاحب الموضوع اكبر بكتير ولازم اى واحد عاقل يسمع للطرفين ويحكم بالعقل بناءا على اثباتات وبراهين وردود .
2. ردى هو انه مفيش قاعدة ثابتة لا فى نيسان ولا فى اى مكان تانى واللى بيحكم هو حالة العربية وطلبات العميل نفسه .. وما تنساش اننا ما كناش معاهم وما نعرفش ايه اللى حصل بالتفصيل وبنعتمد فى تفسيراتنا واستنتجاتنا على ما ذكره الطرفين .
3. فعلا المكان اللى راحه مضمون زى ما ذكرت لكن اغلب العملاء بيكونوا رايحين لعمل صيانات دورية او استبدال قطع غيار فى الضمان ونسبة اعمال السمكرة والدهان من اعضاء سبق لهم التعامل معاه وتم طرح تقارير لهم بالقسم لا تتعدى 10% .
4. كان من باب اولى صاحب الموضوع يطلب مشورتنا قبل ما ياخد القرار زى ما كتير بيعملوا .. لكن فى الاول والاخر ده نصيب .
5. موضوع التحليل الايجابى من السلبى او مع او ضد اى طرف ده امر نسبى وليس مطلق وليا اسبابى فى ذلك ولست مضطر ان ارد على حضرتك بإجابة اتفاق او تصديق وان خالفتك الرأى أكون غير محايد .. لأننا الحمد لله شوفنا وعيشنا مشاكل اكبر من دى بكتييييييييييير فى القسم على مدار السنتين اللى فاتوا .
6. كل قول او فعل يحتمل الصواب والخطأ من أى شخص كان من كان .. وبالتالى مفيش داعى ان حضرتك تقول رد مسلم بيه ورد باتناقش فيه .. لأن الردود بتختلف سواء كانت كافية وبتجاوب على تساؤلات بدون ما تسال وردود غير كافية تحتاج الى استفسارات .
تحياتى ..
المفضلات