الموضوع: قالك أبو رواش مافيش احسن منه " حسبي الله و نعمه الوكيل "

المشاركة الأصلية كتبت بواسطة karim_monir

داخل ارد ولسه بعمل ريفريش لقيت شنوري سبق ووفر عليا كلام كتير قوي
بس ده لا يمنع اني برضه اقول ردي باختصار
شنوري انت فعلا زي ما قولت لو فكرت تقول كلام مش كويس على المنسقين تبقي هاتهين نفسك اول واحد لانك حامل لنفس اللقب
اللقب ده يشرفني انا شخصيا لاني اول حامل للقب ده في المنتدي وكان اول لقب احصل عليه (المنسق العام للمنتدي)
ولقب منسق دي مسئولية كبيرة جدا وفي الشركات والكيانات الكبيرة معروف ان المنسق ده بيقوم بدور خزعبلي وطول مالدنيا هادية وماشية كويس تعرف انه فاحت نفسه شغل
فالمنسقين عندنا هما حلقة الوصل بين 3 نقاط
الاعضاء وهم محور او لب الموضوع
والتوكيلات ومراكز الخدمة كمقدمين للخدمات للاعضاء
والادارة كوسيط بين الاتنين لتوفير مكان محترم يتم فيه نقاش موضوعي
ماينفعش ابدا اقول ان المنسق ليه مصلحة
المنسق ده شخص تبرع بوقته وجهدة واعصابة عشا يحاول يوصله وجهة نظهر مقدم الخدمة للعميل والعكس
لكنه غير ملزم بالرضاء التام م العميل
ديمسئولية مقدم الخدمة
وكتير جدا م المنسقين هنا بيتعاملو بدون جود توكيلات وراهم زي دايو وهوندا وبي واغيرها من الاقسام
كلامي اللي فات مش ليك يا شنوري ولكن توضيح لدور المنسقين بصفة عامة

اما احمد مصطفي كشخص هو مثال لتجربه فريدة كان فيها قبلها في قسم بروتون لكن مكنتش بنفس نجاح واخلاص شخصية احمد مصطفي
ونهضة قسم نيسان في خلال الاربع سنوات الماضية بالارقام هو دليل واقعي على كونه تجربة فريدة ساندتة فيها ادارة المنتيد ودعمته بكل قوتها عشان يكون مثال يحتذي بيه لباقي الاقسام

صاحب المشكلة
بحكم امتلاكي الشخصي لمركز سمكرة ودهان باحد الاماكن الصناعية
احب اعرفك ان في اخطاء واردة في المهنة دي منها اختلاف اللون
وده خطأ طبعا واللي يقول غير كدة يبقي مابيعرفش عن الموضوع
ورغم اختيار العامل للون بكود صحيح الا ان (التجهيز) السابق لعملية الرش هو اللي ممكن يعمل كدة واحيانا العوامل الجوية من رطوبة وحرارة وغيرها ولكن بنسب بسيطة

الاهم هو اني لاول مرة اشوف توكيل بيدخل يرد على العميل وطالب رضائة
وده اللي مكوناش بنشوفوه قبل كدة اطلاقا
عشان كدة احب اقول شكرا لاوتو ايجبت على اهتمامها بالعميل
شكرا لاحمد مصطفي وكل منسقي نيسان وكل منسقي نايل موتورز على اهتمامكم بالاعضاء
شكرا نايل موتورز نفسه للخطوة اللي وصلنا ليها دي من النجاح

اخيرا وليس اخرا لصاحب المشكلة
تليفوني الشخصي
01001263030
ليس معي سوي رقم واحد وبرد دايما لو مش في اجتماع او نايم
لو ماتحلتش مشكلتك اتفضل عندي وهارشلك العربية بضمان سنة بدون ما تدفع مليم واحد
ولكني على ثقة شديدة باوتو ايجبت وبكفائتها في خدمة عملاء نيسان وده قول جربته بدل المرة 6 مرات ومنغير ما يعرفو اني اللي كنت باعت العربيات دي

تحياتي الخاصة
كريم منير
رئيس مجلس ادارة المنتدي

كلامك بيزيد الحافز لى ولاسرة منسقى القسم وبيزيد حبنا وتقديرنا لهذا المكان المحترم .. والادارة العاقلة بحكمة منك .. تستطيع ان تقييم الامور وتحلها بهدوء وتروى .. فهى تدل على النجاح .. ونجاح نيسان نجاح لنايل موتورز
لان نيسان نايل موتورز اصيل هو جزء من هذا الكيان
وبردك ده يا كريم اعتقد ان ده بياكد اتفاقك معانا بادارة القسم وفقا لقواعد الموقع بحكمة
والحمد لله بعد سنين من تعب فى قسم نيسان .. قدرنا نحل جزء من مشاكل الاعضاء فى التوكيل .. ويكون لينا دور فعال فى توصيل صوتنا وكل المشاكل التى تواجه ملاك سيارات نيسان
وايضا نحن قبل ان نكون منسقين فنحن ملاك لسيارات نيسان ولايمكن ان نسكت على تقصير فى تقديم خدمة ما بعد البيع لاى مالك وعضو فى القسم .. لان سوء تقديم الخدمة سوف ينعكس علينا ايضا

طبعا بوجهلك كل الشكر والتقدير على كلامك الطيب وتقديرك الغالى تجاه اسرة المنسقين فى قسم نيسان وعلى دورهم .. وايضا بوجه لك كل التحية والتقدير على تقديرك الشخصى تجاهى

وانت تعلم مدى حبى وتقديرى لك ولهذا المكان ولاعضائه اخوانى واصدقائى فى الله