الموضوع: قالك أبو رواش مافيش احسن منه " حسبي الله و نعمه الوكيل "

المشاركة الأصلية كتبت بواسطة ahsd2000

مش عارف ليه حاسس ان حضرتك بتتكلم كتير وبردود مطوله مش موجهه ليا وبتخاطب ناس تانيه خالص بردود معلبه .
ومش فاهم ايه كلام اللي مش واصلني ؟؟؟؟ انا بقولك فاهم وعارف وحافظ ان سيادتك حامي حمى عرين النيسان فهمناها والله .... بس نقطه نقدي هي اللي مش واصلاك .
وماطلبتش منك تشرح وجهه نظرك اللي عاجبه ناس كتير واللي بتسترضي بيها ناس كتير وعايز توصل بيها لحاجات كتير .
عموما مش عارف على اي اساس بتفترض اني مش متابع , مش علشان مش من ملاك النيسان هكون مش متابع زي ما حضرتك بتفترض , لانك لو لاحظت ان بدايه نقدي كنت بقولك انا ملاحظ في ردودك .

خلاص يا سيدي انا اسف والله اسف انت صح وستين صح , بس برضوا انت ماتقبلتش النقد وكانه بيلمس نقطه حساسه . ماتتعبش نفسك في ردود لاني مش هدخل الموضوع تاني .

سيدى الفضل
لقد اوضحت بنفسك انتقادك للاخ احمد منسق القسم
و هذا لا يصح هكذا على الملأ بينما الموضوع مخصص لحل مشكلة العضو صاحب القشقاى
ثانيا انت اخطأت احمد ليس حامى حمى نيسان اخطأت
اذا كان هناك عرين يحميه فهو هذا المنتدى و اعضائه
و الرجل لم يقل انهم لم يخطئوا فى اوتو ايجبت بل قال " ان اخذ الحق حرفة" و قال للعضوا انه سيساعده فى حل مشكلته و ان لم تحل فعليه بالتوجه لحماية المستهلك
ف بالله عليك الا يوضح هزا ان مصلحة العضو اهم عنده من هذا التوكيل؟
و بعدين حضرتك بتقول انك نتابع
طيب يا سيدى ما انا كمان دخلت و قلت ان " سيارة عضو صنى الشكل الجديد و الوحيد اللى قدر يحل المشكلة كان اوتو ايجبت و السيارة عادت كالجديدة" فلماذا لم تتهمنى انا ايضا بالتحيز لهذا الوكيل؟
و لا هوا الكلام ده بيتقال لاحمد بصفة شخصية؟؟
و بعدين انت تكلمت على الملأ ؟؟؟ فكيف تطلب الا يتدخل الاعضاء ؟؟؟
ان اردت ان يكون الحوار بينك و بينه فلتكلمه على الخاص
لكن تريد ان تهاجم رجلا كان عونا لنا جميعا هنا ولا نرد!!!!
و بعدين انت تفول انه يتكلم بردود مطولة؟؟؟ طب ما حضرتك اتكلمت كتير و لم يمنعك احد و الرجل رد عليك و على غيرك.... قهل اخطا بانه يرد؟؟؟ و هذه الردود التى تراها " معلبة" فمع اختلافى معك ان كانت لا تعجبك يمكنك ان تتركها ولا تقراها
لكن فى نفس الوقت الرجل له الحرية فى ان يتكلم كما تعطى انت الحرية لنفسك
و هو لم يفرض رايه على احد لكن انت تصر على ان يعترف هو انك انت على صواب
رايك يعبر عنك انت و ليس فرضا على احد
و اى شخص له ان يقبله او يرفضه او يختلف معه ولك انت ايضا نفس الحق
و بعدين لو تكرمت ممكن تعرفنا " ايه الحجات التانية اللى احمد عايز يوصلها" بارائه دى
لان الكلام ده يحتمل معانى كثير و من حقه انه يفهم كما من حقنا اننا نفهم معنى كلامك ما دمت قلته امامنا على الملأ فقراناه جميعا
و شكرا
و مرحبا بك فى قسم نيسان

المشاركة الأصلية كتبت بواسطة beeko

بسم الله

بداية كده انا معايا و الحمد لله نيسان قاشقاي مانيول و استلمتها اول دفعة نزل مصر بفضل الله.

من 5 شهور تقريبا عربية نص نقل نزلة من الكبري بسرعة و لطشطني في الرفرف الامامي ال شمال و طبعا حاول يجري و كده بس جبتو و طبعا بلطجة و قلة ادب و فالاخر طبعا هما 200 جنية بلخناق ... ما عالينا

المهم رحت مركز صيانة أبو رواش كنت هعمل صيانة ال 5000 و اعمل سمكرة للرفرف ,
كام السمكرة 900 جنيه حضرتك !! انا طبعا اتفاجئت بس قلت هعمل ايه , كل اصحابي كانو بقولولي اعملها فالحرفيين و مش حاتحس بالفرق , انا قلت لأ اكيد التوكيل هيكون احسن .

سألت البشموهندس أحمد عبد العزيز ( انا لازم اقول اسم كل الناس الي اتعاملت معاهم ) قلي متقلقش هيرجع زي الأول امال ايه الفرق بنا و بين برا , اقنعني , هابها كام يوم ؟؟ قلي 2 يومين و يستحسن تيجي تالت يوم الصبح هتستلمها على طوول , رحت تالت يوم من الساعة 10 ---> 5.30 عشان استلمها !!! انا طبعاً جبت أخري ,,, و المفاجئة السمكرة مش مزبوطه مع الاكسدام !!
السوكه مش مشي مع الا:سدام خاالصص دي في نحيه و دي فنحيا تانيا خلص !!
قلي احنا اسفين تحب حضرتك تسبهلنا نزبطهالك قلتيلو انتا عايزني بعد ما اعدتني 7 ساعات و انا ساكن في مصر الجديدة و اجي بعد كام يوم تاني !!! قلتلو خلاص انا هستلمها كده و أمري لله بجد ......


و روحت و انا دمي محروووق بجد

انتو فاكرين ان الموضوع كده انتهى ؟!!!!!!

بعد اسبوعين رحت اغسل العربية لأنهم مشلووش حتا مطرح البولش و الكمبوند و كان مش رادي يتشال !! بعد ما اتغسلت لقيت عند طرف الرفرف البويا بدأت تتقشر !!!!!!!!!!!!!!!!!!!!!!!!!!!!!!!!!!!

رحت بعد رمضان ليهم و قلتلهم ازاي دا يحصل و هابيت فيهم طبعاً
جالي البشموهندس أحمد عبد العزيز و قلي احا نتأسفين و دا طبعا حقق و شويت كلام طلع انو ملهوش اي لازمة و راح جاب البيشرف على عمال السمكرة تقريبا و بكل بجاحه قلي اسلن احنا مبنروشش كده دي يستحيل تكون طلعه من عندنا !!! روحت جيبلو الفطورة حطتها في وشو



طبعا اتكتم و سكت .... قالي اليشموهندس تعاللنا في اي معاد انتا تحددو و احنا هنعملهالك اكيد من غير اي تكلفة و بالمرة هنزبتلك السمكرة ..

رحت قبل العيد الكبير باسبوعين عشان اعمل صيانة 10000 من 11 ----> 5:30 برضو قاعد و في اخر اليوم رحت سألتو هاا ايه النظام قلي فيه مشكله و المدير عايز حضرتك
طبعا المدير الاستاذ احمد الازاز تقريبا مش فاكر الاسم ,,, و طبعا شويت كلام بتوع السوق
و المفاجئة ................

" قلي انو كان بيلف في الورش و شاف الرفرف العمال بحطو علية معجون بالهبل راح قال طبعاً دا مينفعش و قال لازم اشوف العمييل .... قلتلو ماشي و المطلوب ؟؟؟
قلي عندك 2 اختيارات دا طبعا بعد ما قلتيلو انا مش هاجي المشوار دا تاني , قلي طيب ابعتلك واحد ياخد العربية قلتلو لأ مضمنش هيسقها ازاي ,, فكر شويا و قلي طيب لو ونش , انا طبعا وفقت و حسيت انهم ناس بتحاول تردي العميل فعلن و تصلح غلطهم ( و دا طبعا طلع وهم ) ..... قلي الاختيارات :

1- نجبلك وينش ياخد العربية منك مكان منتا موجود و نعملها سمكرة تاني بس على نضافة بس ماتجيش تشتكي لأن السمكرة حتاخد معجون كتيير و بكدة اي خبطه بسيطة في الرفرف هيتقشر تاني .

2 - نجبلك وينش ياخد العربية منك مكان منتا موجود و تشتري رفرف جدييد و نرشهولك و نرجعهالك تاني و [OVERLINE][OVERLINE][OVERLINE]هيكون الرفرف القديم في العربية [/OVERLINE][/OVERLINE][/OVERLINE].... طبعاً انا قلت اكييد رفرف جدييد و انا على نيااتيي أوي قلتلو و انا هدفع كام ( هتدفع 1100 جنية ) !!!!!!! اصل الرفرف ب 1800 قلتيلو طيب ما انا دفعت اصلن 900 سمكرة , ماهو لو حد كان قلي ان الرفرف لازم يتغير اكييد مكنتش هعملو .. طبعاُ بعد محاولاات و انا بجد كان نفسي اضرب حد فيهم و أقول الفااظ زباله للناس دي بجد ...

طبعا اتفقنا بعد الخصم بتاع الستيكر نيل موتور
1050 جنية و مش هاتدفع للونش حاجة أنا قلت أمري لله

بعد ما طلعت من عنده رحت اعمل كومبلين ( شكوه فيهم و المفروض انها بتوصل للشركة الأم )
جالي الراجل و باين انو واخد الموضوع جد و مهتم بسمع كل حاجا و قلي لازم هتلاقي حد اتصل بيك عشان يتأكد من الحصل , أدينا 3 أيام بالظابط ........ انا داخل على شهر و يمكن اكتر و محدش كلمني ..................................

تاني يوم جالي الونش و اخد العربية و تلب إكرامية قلتلو هما متكفلييين بكول حاجة اعد يأاوح قلتلو هوا دا العندي ...... جت الساعة 7 و اتصلت بالراجل المسئول عن الونش و تسليم العربية
و قلي الفطورة حتكون 1200 جنية !!! لييه إن شاء الله ؟!!!! قعد يهبل بكلام انا بصراحا مركزتش فيه و قلتيلو ماشي عشان أخلص ..... جتلي العربية و الراجل مارديش يمشي غير لما ياخد فلوس بردو و طلب 30 جنيه قلتيلو اتفضــــــل و روحت البيت و انا بحاول انسا بجد بس افتكرت انو محطليش الرفرف القديم و اخدووه و انا متأكد انو هيتباع .....


انا بس عايز حد لو كلن مكاني كان هيعمل أيه ؟؟؟

حسبي الله و نعه و الوكيل فيهم هو دا الي أقدر اقولو بجد .

معلش بس انا قلت لازم الناس كلها تعرف الي حصل عشان واضح ان الناس وخدة فكرة غلط

عــــــــــــــــــادى ... ممكن اضيف حاجه بسيطه .. انا معايا نيسان صني 2010 .. استلمتها فى اول 2010 .. روحت التوكيل مره واحده :D كنت بربط عفشه .. من الساعة 10 الصبح لحد الساعه 1:30 دقيقه ظهراً :D كان احساس جميل قد ايه دفعت فى تربيط عفشه عربيه عاديه 180 جنيه غير انى كنتى مرزي علي قهوة عبال ما البهوات يخلصو ( العفشه ) اللى هى طبعا حاجه صعبه جداً و من يومها مش بنزل منطقة الحضرة دى اصلا .. و اظن نيسان الاسكندرانيه عارفين انا بتكلم عن ايه بس بلاش فضايح .. و عندى ملاحظة ان فى ناس كيتير بتتريق على الصنايعيه اللى برة التوكيل .. و انا اخدت النصيحه من واحد من اكبر تجار عربيات اسكندرية .. ( الصنايعي الشاطر .. مش هيشتغل فى التوكيل و يستني المليمين اللى بيمنوا عليهم اخر الشهر .. الصنايعي الشاطر بيفتح ورشة و يقعد من اول الشهر لحد اخرة يعمل فلوس )

استاذ ahsd2000
انت اللى قلت ان احمد عايز يوصل لحجات تانيه
و بما ان كل واحد مسؤل عن كلامه
يبقى اسالك انت مش هو
فياريت توضح و ما تهربش من الاجابة
و على فكرة انا لست عضو جديد انا داخل على خمس سنوات هنا
و شكرا