الموضوع: قالك أبو رواش مافيش احسن منه " حسبي الله و نعمه الوكيل "

المشاركة الأصلية كتبت بواسطة shnory

علي فكره انا سؤالي كان بلهجه استنكار للوضع والدفاع عن التوكيل والقاء العيب علي العضو نفسه
حتي لو العضو بيشتغلنا ومفيش مشكله من الاساس
انا عارف ان المنسقين عملهم تطوعي بدون اجر
ومفيش حد بيشتغل باجر في نايل موتورز اصلا وكل الناس عملهم تطوعي سواء منسقين او مشرفين
بس اي حد غريب حيقري الكلام حيشوف فيه محاباه كبيره اوي للتوكيل

مفيش محاباة ولا حاجة وان كان البعض القى الغلط على العضو في نقطة انو استلم وهي على هذا الحال اعتقد لما تقول لحد اوعى تستلم من التوكيل مش بيدافع عن التوكيل بالعكس بيقول للعضو والناس اللي بتابع الموضوع عشان لو حصل مع حد حاجة بعد كده انو ميسلتمش الا وعربيتو معمولة بشكل مرضي
ونقطةالسؤال انا وضحت ان اكيد اللفظ خانك :) بس مكانش ليه لازمة

اشمعني لحد صفحه 4؟؟؟
حصل ايه بعدها ؟؟؟
لان بدا الموضوع يدخل في سكة تانية للاسف وبدا يبعد عن فحواه لحد رد اوتو ايجبت


الكلام بعيد تمام البعد عن اشخاص ومتحولش كلامي العام لاتهام شخص بعينه
انا عارف كويس احمد مصطفي بيعمل ايه وبيتعب قد ايه
وبرضه دا في الاخر تطوع واجتهاد شخصي منه
وكل منسقي المنتدي واعضائه بيجتهدوا في خدمه الناس
احمد سعد ياما راح مع ناس توكيل كيا
العضوه لولي ياما خدمت ناس في كيا
وايمن الشرباصي في بروتون
وناس كتير مجهوداتهم لا تخفي علي احد وكانت تطوعيه برضه
وفيه ناس ماسكين المنتدي من اوله لاخره ومجهودهم يخفي علي الجميع ومتطوعين برضه

حبيبي واخي شنوري انا تكلمت عن كل المنسقين بشكل عام في القسم وتكلمت عن احمد مصطفى بشكل مخصوص لانو من اكثرهم تعب ومن اكثرهم فائدة للقسم
فلم اقصد اني اخص كلامك على حد لان انت تكلمت بشكل عام ومخصصتش مين من المنسقين تقصد بكلامك
وكلامي مش رد عليك انت بس كلامي رد على الكل

فيه فعلا تهدئه ودي حاجه متخفاش علي حد
بس برضه جانب التوكيل متاخد وانه مبيغلطش وفيه تشكيك في كلام صاحب الموضوع

ممكن يكون بعض الاعضاء بعد رد التوكيل بداوا يتعاطفو معاه ومتقدرش تقول انهم غلطانين
كل واحد شاف وجهة نظر كل طرف والاعضاء ميعرفوش بيكو شخصيا ولا يعرفوا التوكيل شخصيا
وجهة نظر بنيت على الكلام انا شخصيا شايف ان التوكيل غلطان عشان ميفنعش اللون يطلع بالمنظر ده من عندهم
وناس لامت العضو انو مرحش التوكيل اول ما اكتشف الموضوع
لكن في نفس الوقت كلو بيطالب من العضو انو يرجع للتوكيل عشان يراضيه
ودي من احد الاسباب اللي قلتلك تابع لصفحة 4 بس لان الكلام كان من طرف العضو والناس كلها تعاطفت معاه


اخي اسامه
انا مفيش حاجه كبيره ولا صغيره في المنتدي مبشوفهاش

طب ده شيء كويس ويختصر كتير من الكلام

يا باشا يعني هو اللي ميعرفش احمد مصطفي يبيع عربيته ويشتري هيونداي مثلا؟؟
يعني انت بتقول احمد مصطفي ومجهوده اللي لا يخفي علي احد ومحدش يقدر ينكره
طيب يعني الي ميعرفش احمد مصطفي يولع في عربيته ؟؟
معني كده ان التوكيل لازمله واسطه ؟؟
فرضا احمد مصطفي ربنا كرمه وربنا يكرمه ويوسع عليه ويرزقه علي قد مجهوده وجاتله سفريه بره مصر
الناس حتبطل تشتري نيسان ؟
ولا اللي عنده مشكله حيعمل ايه ؟؟
ولا احمد مصطفي اشتريناه وملهوش حقوق علي نفسه ولا بيته ليه حقوق عليه ؟؟؟
الموضوع مش موضوع احمد ولا بيشوي ولا يوسف ولا المنتدي اصلا
الموضوع اكبر من كده
ان المواطن في مصر حيدفع مئات الالفات في شويه حديد بكاوتش
وحيفضل ملهوش حق برضه

انا جيبلك الرد بتاعي عليك
لكن يكون في علمك محدش قصد احمد مصطفى ومحللهوش مشكلتو وده كلو بدون اي مقابل بل انو بيقتطع من وقتو ومالو وجهدو وعلى حساب اسرتو
كل اللي قلتو ان احمد مصطفى بيحاول يساعد على قد ما يقدر وكان قصدي منها ان احمد لما بيرد في موضوع مش بيرد ويدخل ينام عشان الناس تقول عليه متحيز او تقول انو بيحمل العضو الخطا احمد اول حاجة بيعملها بيتصل بالعضو وبالتوكيل ويحاول يحل المشكلة
فميش حاجة في الجملة دي معناها ان الناس حتبطل تشتري لو احمد رفع ايدو
ومحدش مشاكلو مش حتتحل لولا احمد لان ربك اكبر مني واكبر منن احمد
محدش جاب سيرت الكلام ده
انا بوضح ان احمد بيعمل ما هو ابعد انو منسق على صفحات المنتدى وبيحاول يكون اقصر طريق لحل المشكلة

حبيبي يا شنوري باشا :)