الموضوع: تحذير ونصيحة- محدش يشترى الصنى الجديدة لعدم توفر قطع الغيار ( تم حل مشكلة العضو )

بسم الله الرحمن الرحيم

فى البداية قبل ما حد يقرا كلامى
احب اوجه كل تحية وتقدير وكل محبة
لكل شخص كان لى خلاف معاه او نقدنى ونقد قسم نيسان
ونقد نايل موتورز

وهذا التوضيح عام ولتهدئة الامور لفهمها باسلوب صحيح
ومحاولة الرجوع الى طريق الاخوية والحب بيننا

وكلامى عام وليس موجه الى شخص بعينه ..

ارجوكم يا جماعة لو فى مشكلة ارجوكم نراعى شعور بعض .. وبلاش عملية التخوين .. وبلاش نفسر الكلام من طرف واحد وبنية كل شخص بيقرا الكلام .. وندخل فى مشحنات جانبية

فى فرق لازم اوضحه

احنا متفقين ان فى مشكلة لعميل وعضو مالك لسيارة نيسان .. سواء كانت مشكلة فردية او مشكلة عامة
ولكن الفكرة اللى مش واصله للناس ابدا .. اننا مش حنفضل نسخن صاحب المشكلة

لاننا اتفقنا ان فى مشكلة .. يبقا نقطة ومن اول السطر

وهى ازاى نحل المشكلة .. وازاى نوصل صوتنا .. وازاى نتدارك هذه المشكلة ونخرج من سلبياتها ونحولها الى ايجايبات لمصلحتنا جميعا .. فمش حنفضل ندخل ونولع الامور .. لان ممكن والله صاحب المشكلة ضغطه يعلى وبالكلام اللى بيقرائه يتعبه نفسيا اكتر .. وصدقونى كلامى عن تجربة .. وممكن بسبب انه من جواه معبأ بطاقة غضب اللى نابعة عن مطالبته لحقه.. تخليه يصدر كلام خارج .. فتخليه يضيع حقه .. ويصبح فى النهاية مدان للمكان اللى له حق ومشكلة فيه

تانى وبكرر اى عضو له مشكلة وتم حلها وعلاج الاخطاء فيها بيعود علينا جميعا بالنفع .. لان اكيد الوكيل بيعرف وبيتعلم من اخطائه .. ولو التوكيل تمادى او مركز الخدمة فى الخطاء وتكرر مع عملاء كثيرين وبدون ارضائهم وحل مشاكلهم والوقوف على التطوير من نفسه اكيد حيعود عليه وعلينا بالضرر

====

والاعضاء اللى بتحكى اننا السبب فى شراء الاعضاء اى سيارة لنيسان .. ودى حقيقة لم نكرها جميعا .. ولكن

الحمد لله كل الاعضاء يشهد عليهم الله وكل من تعامل معنا على الحيادية التامة

احنا بنجرب اى عربية وبنسوقها .. وبنقول اللى لاحظناه فيها .. وده من تجربة لساعات .. مش لفترة طويلة .. يعنى بنوصل جزء من المعلومة .. والباقى لصاحب القرار والمشترى هو اللى مسئول عن قراره

ومع ذلك دايما بردوا بنراعى النقطة دى ان ممكن محدش قادر ياخد قرار فى الشراء عشان كدا كنا بنادى بان الاعضاء والمالكين يعملوا تقارير مستمرة بعد شرائهم للسيارة عشان يبلغونا عن انطباعتهم لانهم عاشوا مع السيارة ايام وشهور .. فلازم اللى بيشترى يقرا كل التقارير .. وكمان يكون مقتنع جدا قبل اتخاذ القرار ..

وكمان وارد لو حد اشترى العربية يكون حظه ان العربية مفهاش حاجة ويشكر فيها .. فهل كدا ضللنا !! .. ووارد ان شخص اخر يكون حظه سيئ مع سيارته وبتحصل فى ارقى واشهر واغلب توكيلات السيارات العالمية زى بى ان ومرسيدس وغيرهم فى العالم وفى مصر ..
فمينفعش اقول فى الاخر ما تقاريركم دى اصلها خلت الراجل اشترى ..

لاننا هنا ليس محل التوكيل وملزمين باعطائه سيارة بديلة !

فى ناس استلموا صنى ومفيش مشاكل وسعداء وناس استلموا قاشقاى وسعداء وتيدا وجوك
وفى ناس بردوا استلموا صنى وفيها مشاكل وقاشقاى وتيدا وجوك .. وكل شى وارد

وفى ناس بردوا اتعاملوا مع التوكيل واخد مميزات ..
وفى ناس اتعاملوا مع التوكيل واخدوا عيوب .. وفيه اللى تم ارضائه وفيه لا

وفى ناس داخوا مع التوكيل فى حل المشاكل وحلوها بره التوكيل عند اى ميكانيكى
وفى ناس داخوا بره التوكيل مع الميكانيكة ومش حله مشكلتهم الا مع التوكيل .. وده عن تجربتى فى عربيتى فى تشخيص عطل كنترول ال abs .. غير اللى راح عند الميكانيكة وممكن يبوظله حاجة فى العربية ولما يدور على حقه عنده يضرب بمفتاح عشرة !

المهم .. كل ده احنا مالناش ذنب فيه .. ودايما بنوضح المميزات والعيوب وده موجود فى تقاريرنا كلها اللى موجودة فى الموضوع المثبت فى اعلى صفحات القسم واسمه المكتبة الشاملة ..

ودايما بنحرص على ان الاعضاء يقولوا انطباعتهم مع اى منتج بيتعاملوا فيه لسياراتهم وحتى انطباعتهم مع مراكز الخدمة
فمحدش يحملنا اى كلام ويحور الكلام وفقا الى رغباته المكنونة

لاننا عمرنا ما بنقول لحد ما تكتبش مشكلتك ابدا .. واطرحها .. ولا بنقفل فم احد ابدا

====
توضيح عام للاعضاء اللى شافت اللينكات اللى فيها مشاكل فى اول صفحة فى قسم نيسان وحابة تفهم الامور .. وليس غرض التوضيح الهجوم على احد او الهجوم على اصحاب هذه الموضوعات .. لاننا بردوا متعاطفين مع اصحابها


* فى موضوع فيه مشكلة فردية والعضو صاحب المشكلة كان مفروض يتجه ويرجع مرة اخرى الى مركز الخدمة .. وبالفعل المركز دخل وقاله اللى انت عايزه حعملهولك .. ومحدش يقول مينفعش اى مركز خدمة مش يغلط سواء يابانى او اوروبى او كورى او او .. حتى لو كان انسان الى .. لان الكمال لله .. ولازم بيحصل اخطاء

المهم المكان الصح والناجح اللى يعالج الخطاء ويحول اخطائه الى سلبيات ويرضى عميله ..

ولو متمش ده يبقا حيكون لنا وقتها رد عنيييف جدا .. ومساعدة العضو الى اللوجوء لحماية المستهلك


* ولينك اخر تم الاعتذار فيه بتاع الكاوتش منتهى الصلاحية لان العميل قراء الرموز خطا ..

* وموضوع اخر العميل تنازل عن ذهابه الى مركز الخدمة لتغير الزجاج فى الضمان ..

* وفى موضوع تاخير حجز السيارة والعميلة استلمت السيارة ..

* ولينك اخر لمشكلة اخ عزيز لينا عنده مشكلة فى صاجة التيل الخلفى ومتبلغ بيها فى مركز الخدمة .. ومركز الخدمة منتظر لما الصاجة تيجى حيكلموا عشان فى طلبات عليها ..

* وفى كمان لينك كان لعضو دخل وقال وهم التوكيل .. ومش قالنا اسم المركز ولا اسم المهندس اللى قاله روح بره واستعدل الاسكترا !! ولازم نعرف مين المركز واسم المهندس .. عشان لو حصل الكلام ده يبقا لازم المهندس يتحاسب على كلامه وعلى تقصيره فى شغله

يعنى من الاخر موضوعات متنوعة ومختلفة عن بعضها و7 موضوعات او 10 او او .. طيب محدش دخل ليه موضوع مكتبة القسم وجاب منه موضوعات مفهاش مشاكل !! او كان فيها مشاكل واتحلت ..

اعتقد ان فيها موضوعات لا حصر لها فى المكتبة عشان ادور واحكم .. وده اللى مفروض استشهد بيه .. مش الموضوعات اللى فى اول صفحة وصفحتين فقط

وايضا اذا حابب افيد واكد ان فيه مشكلة عامة ومينفعش يتسكت عليها يبقا اجيب لينك مشابه لموضوع الاستاذ انس صاحب المشكلة الحالية .. زى ما هو تكرم وقال ان مشكلته فى عملاء اشتكوا منها قبل كدا .. وانا من متابعتى معاه بتفق مع كلامه جدا وباستشهاده بالمشاكل المشابهة لمثل مشكلته

فارجوكم التروى عند النقد

انا مش بعتبر نفسى انى ماسك كيبورد وقاعد براحتى وبكتب كلام وخلاص .. لان احيانا الكلام ممكن يخرج زى الطلقات .. وممكن يجرح .. وممكن كمان يدنى ويوقعنى فى غلط بسبب الانفعال
ولابد ان استغل هذا المنبر فى تقويم الامور وتوصيل صوتنا

وكلنا اخوة ولازم نراعى شعور بعض
وتاكدوا عمرنا ما حنسيب حق اى عضو اشتكى وتم تجاهله ابداااااااا
=====
اما بخصوص اتهامنا اننا بنهاجم اراء الناس لما بيقولوا رائيهم فى الصنى او القاشقاى او اى سيارة نيسان

والرد مكنش فيه اتفاق مع رائيه او رغباته او ميوله يبقا ياخد انطباع اننا بنهجمه .. فبلاش الظنون دى .. لان كل عربية فيها ميزة وفيها عيب يا جماعة والله .. وكل واحد بيشوف سيارة بيقميها وفقا لثقافته وظروفه واحتياجاته وعوامل اخرى كثيرة

وتانى ومليون مرة بنقول بلاش تفسير الكلام بسوء الظن .. لان الكلام بالاتهامات دى وبالظنون دى مش بيهدى صاحب المشكلة ده بيسخن الامور وبيوقع الاعضاء فى بعضها ومش بيخلى حد عارف ياخد القرار فى الاختيار وانه يقتنع

=====

اسف على الاطالة
بس لازم كنت اوضح عشان ملاحظ ان الامور بتتفهم بشكل خاطئ كثيرا اليومين دول

واتمنى ان الهدوء والاخوية ترجع مرة اخرى بين الاعضاء
لاننا كلنا فى مكان واحد بنكن فيه كل الاحترام لبعضنا البعض

"وفقنا الله وإياكم لما يحبه ويرضاه من القول والعمل ورزقنا وإياكم نيةً صادقة وهمةً عالية للدعوة إلى دينه الحق"

=====

بالفعل دكتور علاء .. بعتلى رسالة على الخاص عشان مشكلة حضرتك يا استاذ انس ..

معلش يا دكتور .. استاذ انس لازم نعذره .. لانه اخونا .. واخ عزيز علينا .. وبنتشرف بوجوده .. والله يعينه ويصبره على اللى هو فيه

وحصل سوء تفاهم

وبندعيله ان الامور تسير على خير

وجزاك الله خيرا يادكتور على سوالك ومساعدتك

وباذن الله بكرة حتصل بحضرتك يا استاذ انس اولا عشان اتشرف بيك .. وكمان ربنا يقدرنا ونعرف نحل المشكلة دى لحضرتك فى اقرب فرصة باذن الله .. والله المستعان

وتحياتى للجميع