الموضوع: تحذير ونصيحة- محدش يشترى الصنى الجديدة لعدم توفر قطع الغيار ( تم حل مشكلة العضو )

المشاركة الأصلية كتبت بواسطة mollaelolla

شكرا على زوقك
انا كنت شاكك فى كلام المهندس بتاع السبع انه بينيمك فى الخط
لدرجة انى حاولت اكلم مهندس اسلام فى قطع غيار اوتو ايجبت
و كلمت استاذ حاتم saint و لو تلاحظ انه دخل شارك فى الرد على مشكلتك بعد مشاركتى
عشان انا كلمته يدخل يشوف المصيبة دى و نحاول نشوف ايه الحل
تقدر تساله
و بعت لاحمد مصطفى على الخاص عشان مشكلتك لسه لم نجد لها حل و الاخ اير ديفل ( تقدر تسالهم)

كل ده علشان قلت انى مستغرب و اكيد فى شىء غلط؟؟؟؟ و هوا انا حكدبك ليه؟؟؟؟ انتا راجل عايز تخلص المشكلة لانك عطلان النهار ده قبل بكره... انما الشيء الغريب هوا النتائج اللى انتا وصلت ليها
انا ما شكتش فيك انا شكيت فى الناس اللى قالو ليك كده فى مهندسين السبع لكن ما رضيتش اقول ده حتى لا اقزف تهم بدون دليل و لمجرد انى مستغرب من الموقف
و ااادى النتيجة
و ذكرت لك الموضوع بتاع قطع الغيار عشان الناس تعرف ان دى مش اول مرة و لما الاخ حسن احتاج قطع الغيار اتوجدت ؟؟؟؟ طيب الراجل ده بيقولولو بعد 3 شهور لييييييييييه؟؟؟؟ ما القطع بتيجى يعنى مالهومش حجة؟؟؟ لا يكون حد بيوزعه و خلاص!!!
كل ده دار فى دماغى لكن لا يمكننى ان اتهم احد
و ادى النتيجة
حسبنا الله و نعم الوكيل
و لا حول ولا قوة الا بالله
سامحك الله
و شكرا على سوء ظنك

أنا هبدأ بالى حضرتك نهيت بيه خير الكلام
حسبى الله ونعم الوكيل ولا حول ولا قوة الا بالله

سيدى الفاضل حضرتك قولتلى فى تعليقك (أنا مش بشكك فى حد بس الموضوع غريب جدا)
من غير ما تفسر بتشكك فى مين.
تفتكر سيادتك أفهم ايه من كده فى الظروف الى أنا فيها دى ؟؟!!

على العموم يا سيدى حقك عليا. حقكو كلكو عليا يا جماعة وياريت تقدرو الظروف الى أنا فيها
بس قولوى أعمل ايه فى الى أنا فيه ده؟!!!

حضرتك قدمت شكوة و لا لسه لحماية المستهلك ، كان في أستاذ هنا عنده مشكله في قشقاي و خد حقه كامل، ممكن حماية المستهلك يجبروهم ان يغرولك العربيه خالص لو مصلحولهاكش بسرعه ، خد حقك كامل ، متحولش تصالحها و خلاص

المشاركة الأصلية كتبت بواسطة peaceman

استاذ أنس :

انا اتصلت بمودرن شبين الكوم عندي ..
لاقيت الاكصدام = 770 جنيه
شبكة أمامية = 530 جنيه

و كمان جبت لك رقم تليفون مدير قطع الغيار بمودرن ابورواش لأن ممكن تلاقي عنده بقية قطع الغيار .

أ / سعيد البحيري 01116777928

اتصل بيه و طمنا و ان شاء الله خير

أستاذ بيشوى
شكرا ليك أنا بحاول أكلم الرقم الى حضرتك قولته بقالى ساعة بس مش بيرد
على العموم أنا حفضل وراه ولو رد هقول حضرتك قالى ايه
شكرا ليك مرة تانية

المشاركة الأصلية كتبت بواسطة peaceman

استاذ أنس :

انا اتصلت بمودرن شبين الكوم عندي ..
لاقيت الاكصدام = 770 جنيه
شبكة أمامية = 530 جنيه

و كمان جبت لك رقم تليفون مدير قطع الغيار بمودرن ابورواش لأن ممكن تلاقي عنده بقية قطع الغيار .

أ / سعيد البحيري 01116777928

اتصل بيه و طمنا و ان شاء الله خير

كلمته يا باشا و برضه معندهوش للأسف

شكرا لاهتمامك

دا تهريج و استهتار ياريت كل واحد حاجز العربيه دى يدخل على الموضوع و يشوف الشكاوى ازاى و يبقى احسن له يلغى حجزها و يريح نفسو

الله يكون فى عونك ، انا متعاطف جدا مع حضرتك وانا النهاردة بعمل صيانة 25000 فى سيارتى التيدا فى اوتو ايجيبت ابو رواش وعرضت المشكلة على مهندس الاستقبال الذى استقبل عربيتى ووعدنى بمقابلة مهندس هانى فؤاد مدير ادارة قطع الغيار بعد الراحة وصلاة الظهر، وبالفعل تمت مقابلتة وعرضت علية المشكلة والاصناف اللى سيادتك محتاجها ، وكانت المفاجاة ان الاصناف كلها موجودة عدا فبرة الصدر وتم طلبها وسيتم توفيرها خلال اسبوع ان شاء الله وان سيادتك تستطيع الحضور لشراء الاصناف ومقابلتة، وتحية لهذا المركز واهتمامهم.

وشكرا على التطويل

أسف على التطويل