الموضوع: تحذير ونصيحة- محدش يشترى الصنى الجديدة لعدم توفر قطع الغيار ( تم حل مشكلة العضو )

والله انت تمام أوى ياريت "إخواننا" كانوا زيك
+111111

المشاركة الأصلية كتبت بواسطة Ahmed.TV

يا جماعة .. ياريت نهدى شوية .. وبلاش نغمة التشكيك فى نوايا الاعضاء ونوايانا جميعا
ارجوكم بلاش تحليل الكلام من وجهة نظر كل واحد بالطريقة اللى شايفها

طالما كلنا فى مكان واحد يبقا ياريت نسمع لبعض بهدوء .. ونحلل الامور مش بهجوم

احيانا فى اعضاء بتتكلم بوجه عام .. ومش قصدها توجه لشخص معين كلام

واى عميل له مشكلة وقدم شكوى ولم يتفاعل معها التوكيل ولم يحلها للعميل يبقا فى كلام تانى وعمرنا ما حنسكت ولازم نقف فى صفه

لكن عميل اتنازل عن حقه او مرحش للتوكيل اوقال للمركز عندى مشكلة ومتحلتش بعد ما قدم شكوى يبقا ساعتها ننتقد بشدة


اما موضوع استاذ انس
دى مش مشكلة فردية .. ومشكلة نخاف لتكون عامة لان فى كام عميل اشتكى من عدم توافر قطع الغيار الهامة .. ومع انها وصلت قطع الغيار المطلوبة بعد فترة من انتظار .. لكن يجب على نيسان ان تتحرك بسرعة فى هذا الموضوع .. حتى لا تخسر ثقة عملائها

العربية بتتجمع هنا .. ومفروض فعلا يتم استيراد طلبيات لقطع الغيار لخدمة ما بعد البيع وده لازم يكون متوافر لنجاح السيارة .. والعملاء مالهمش ذنب ان العربية لسه بقالها شهور من انتاجها فى مصر عشان كدا مش متوافر لها قطع غيار

وياريت يا استاذ انس بعد اذنك .. تبعتلى بيانات العربية ورقم تليفونك وده انا طلبته من حضرتك فى مشاركة سابقة
وياريت تقولى ايه قطع الغيار كلها اللى ناقصة عندك

يا أستاذ أحمد أنا بعت لحضرتك بياناتى قبل كده لما حضرتك طلبتها وعلى العموم بياناتى أهى تانى ومش على الخاص ولا حاجة لأنه مش سر

رقم العربية ى س س 382
موجوده الأن فى توكيل السبع مع المهندس وائل فى الورشة
كلمت نيسان وعملت شكوى ورقمها 3613
رقم طلبيات قطع الغيار من السبع للمصنع و الى ردو عليها النهاردة أن قطع الغيار غير متوفرة وده من مدير قطع الغيار بالسبع وقالى كمان انه ممكن يتأخر 3 شهور كمان

s465 - s464

ورقم تليفونى 01002223897

المشاركة الأصلية كتبت بواسطة limo81

والله انت تمام أوى ياريت "إخواننا" كانوا زيك
+111111

يااخى الكريم بارك الله فيك

ماهو الناس مش فاهمه ان احنا كنا زمان بيتسرق حقنا لكن دلوقتى لا والف لا

انا فى عقد بينى وبين الوكيل هو انا اشترى وهو بيضمن صيانه وقطع غيار السياره امام مقابل مادي

والفيصل بيننا هو جهاز حمايه المستهلك (جهاز حمايه المصنع)

يبقى مفيش غير الحل ده

وهو مجرب فى بلاد كتيره جدا وفى امثله كتيره

وانا بكرر تأكيدى لتحملى طبع الاستيكر على جوانب السياره كلها والخروج مع صاحب السياره المتضرر الى كل مكان يريد ان يذهب ويرسل اليه رساله

وايضا تحملى كافه مصاريف الانتقال بالسياره واستضافه صاحب السياره

المشاركة الأصلية كتبت بواسطة Ahmed.TV

يا جماعة .. ياريت نهدى شوية .. وبلاش نغمة التشكيك فى نوايا الاعضاء ونوايانا جميعا
ارجوكم بلاش تحليل الكلام من وجهة نظر كل واحد بالطريقة اللى شايفها

طالما كلنا فى مكان واحد يبقا ياريت نسمع لبعض بهدوء .. ونحلل الامور مش بهجوم

احيانا فى اعضاء بتتكلم بوجه عام .. ومش قصدها توجه لشخص معين كلام

واى عميل له مشكلة وقدم شكوى ولم يتفاعل معها التوكيل ولم يحلها للعميل يبقا فى كلام تانى وعمرنا ما حنسكت ولازم نقف فى صفه

لكن عميل اتنازل عن حقه او مرحش للتوكيل اوقال للمركز عندى مشكلة ومتحلتش بعد ما قدم شكوى يبقا ساعتها ننتقد بشدة


اما موضوع استاذ انس
دى مش مشكلة فردية .. ومشكلة نخاف لتكون عامة لان فى كام عميل اشتكى من عدم توافر قطع الغيار الهامة .. ومع انها وصلت قطع الغيار المطلوبة بعد فترة من انتظار .. لكن يجب على نيسان ان تتحرك بسرعة فى هذا الموضوع .. حتى لا تخسر ثقة عملائها

العربية بتتجمع هنا .. ومفروض فعلا يتم استيراد طلبيات لقطع الغيار لخدمة ما بعد البيع وده لازم يكون متوافر لنجاح السيارة .. والعملاء مالهمش ذنب ان العربية لسه بقالها شهور من انتاجها فى مصر عشان كدا مش متوافر لها قطع غيار

وياريت يا استاذ انس بعد اذنك .. تبعتلى بيانات العربية ورقم تليفونك وده انا طلبته من حضرتك فى مشاركة سابقة
وياريت تقولى ايه قطع الغيار كلها اللى ناقصة عندك

و بالنسبة لقطع الغيار المطلوبة كلها موجوده فى الموضوع الى عملته و بأسعارها كمان و اللينك أهو:

http://www.nilemotors.net/Nile/319228-2013.html

المشاركة الأصلية كتبت بواسطة grader

نفسك تشترى الصنى الجديده ؟!:y_hi_3[1]:
بتقول انها يابانى
بتقول ان الوكيل بتاعها ممتاز
بتقول انها بتتجمع فى مصر و مش هتلاقى مشكلة فى قطع الغيار؟!!!
فاكر أنك لما تحصلك مشكلة هتكلم خدمة العملاء والخونة والمأجورين :) وهيحلولك المشكلة فورا؟؟

أنا أسف انى اقولك انك موهوم وهتاخد أكبر مقلب فى حياتك واليكم المفاجأة الكبرى من أحد ملاك الصنى الجديدة

النيسان صنى الجديده يا حضرات مالهاش قطع غيااااااااااااااار

انا كنت كتبت قبل كده نزلت موضوع بيتكلم عن الحادثة بتاعتى لما خبطت كلب وده اللينك بتاع الموضوع

http://www.nilemotors.net/nile/319228-2013.html

و برغم التلفيات المهوله الى حصلت فى العربية من مجرد خبطة كلب
وبرغم التكاليف المبالغ فيها بالنسبة لتغيير حاجات مش كتير فى العربية نتيجة الحادثة (13000 جنيه مبدئيا بالاضافة لما يستجد)
الا أنه حتى هذة اللحظة و بعد مرور حوالى أسبوعين 15 يوم لا يوجد قطع غيار للعربية عشان يبدأو اصلا !!!!!

العربية عند السبع وسألت عند الوكيلين التانيين أوتو ايجيبت و مودرن وبرضه مفيش قطع الغيار علما بأن قطع الغيار الى بتكلم عنها دى تافهه والله تافهه ومفروض تكون مرمية عند التوكيلات كلها (قنطرة ريداتير و اكصدام وشبكة وحاجات تانية )

15 يوم ياسادة بدون أى بارقة أمل ان قطع الغيار تتوفر ورد التوكيل بكل بساطة (المهندس وائل) هنبقى نبعت ايميل للمصنع عشان يبقو يردو علينا فى خلال أسبوع بايميل تانى يحددولنا فيه معاد عشان نبقى نروح نستلم قطع الغيار !!!!!

طب يا بشمهندس أبعتنى أنا المصنع أجيب قطع الغيار ... لا مستحيل يا فندم ده يبقى ضد الدستور !!!
طب يا بشمهندس ادينى نمرة المسئول فى المصنع أكلمه و أحاول أستعجل الحاجة..... لا مش ممكن دا يخالف تعاليم الشريعه !!!!!

طب أعمل ايه ؟؟؟؟ أنا بدفع كل يوم حوالى 100 جنية مواصلات من غير العربية ولا عارف أروح شغلى ولا أعمل أى حاجة فى حياتى

فقررت أنى أكلم نيسان نفسهم و أكيد هما هيشوفولى حل فورا عشان دول توكيل محترممممم وفعلا كلمتهم فحولونى على الشكاوى الى حضراتهم اتعاملو معايا كأنى بشتكى من واحد عاملنى وحش مثلا فى التوكيل أو حاجز عربية مثلا واتأخرت عشان الحجز كتيير ولاقيتهم بيقولولى بكل شياكة و أدب عشان يحرقو دمى أكتر أن دى شكوى وان شاء الله هنبقى نبعت ايميل للادارة عشان يبقو يبتدو يدرسو الشكوى وان شاء الله حد هيبقى يعبرك فى خلال 72 ساعة عمل وطبعا الكلام ده كان قبل أجازة نهاية الاسبوع بتاعهم يعنى فيها 5 أيام كمان !!!!

طبعا اتنرفزت جدا وطلبت أكلم المدير و اترجيتهم على الأقل يشوفو الموضوع وصل لحد فين ويرضو عليا علطول بدل ما أستنى 5 أيام خاصة وان دى مش شكوى دى مصيبه ان قطع غيار مش متوفرة و ده يستدعى على الأقل رد فورى من أى مسئول فى نيسان لأن دى غلطتهم مش أستنى زى أى حد 72 ساعة!!!

كانت الاجابة بكل أدب برضه فيما معناه أخبط دماغك فى الحيط أحنا مانقدرش نكلم الادارة ولا المصنع ومفيش قنوات اتصال بيننا !!!!!!!!!!!!!!!!

وده معقول يا جماعة مفيش اتصال بين خدمة عملا نيسان وادارة نيسان ومصنع نيسان !!!!!!!!!!

ولما هددتهم انى أكلم جهاز حماية المستهلك أو أشوف الناس الى حصل معاهم نفس المشكلة قبل كده (أنا مش أول واحد يحصل معاه المشكلة دى على فكرة وفى ناس معانا فى المنتدى حصل معاهم نفس الكلام قبل ده و اشتكو من عدم توافر قطع غيار للعربية دى وأنا ساعتها ماصدقتش وقولت دا ممكن يكون مشكلة وقتية وهتتحل بعد كده بس الواضح أنها مشكلة مستديمة وليس لها حل)

وقولتلهم أنى هشوف الناس الى حصل معاهم كده و ناخد ضدكم اجراء قانونى قالى بكل هدوء برضه (أستاذ هشام مدير خدمة العملاء) محدش قال لحضرتك اننا مش هنديك قطع الغيار !!!!!!!!!!

يعنى من الأخر احنا مأمنين نفسنا كويس ومش هتعرف تعمل حاجة واترمى اصبر أو أخبط دماغك فى الحيطة!!!!
وبعد وجع قلب قالى طب ادينى فرصه وهرد عليك حالا وطبعا لا رد عليا ولا عبرنى ولما كلمتهم تانى و طلبت أكلمه الموظف قالى أنه مش موجود على مكتبه !!!!!!

وخلاصة القول أنى اشتريت عربية ب 102000 جنيه مالهاش قطع غيار !!!!!

ده أسلوب يا حضرات؟؟
دى خدمة عملاء محترمة؟؟
ده وكيل محترم؟؟
دى عربية تستاهل الطوابير الى واقفة عليها؟؟

أنا عارف أن فى بعض السادة الأعضاء فى المنتدى هيعارضونى ويقولو أن ده أحسن توكيل فى الدنيا بس كان لازم أوصل للناس الحقيقة عشان يعرفو ايه هو وكيل نيسان

انا محبط جدا و بدعو كل واحد حصل معاه نفس المشكله أنه يتواصل معايا عشان فعلا هبتدى أشوف رد أقوى من كده للرد على تجاهل الوكيل للمشكلة اخطيرة دى و أسف للأطالة

بص وعن تجربة مع فودافون وغبور سيبك من مصر أدخل على النت ودور على موقع شكاوى العملاء بتاع نيسان العالمية مش بتاع مصر وابعت شكوى محترمة بالأنجليزى وهما حيجروا وراك للأسف برة فاهمين يعنى عميل وسمعة شركة

customercare@nissan-me.ae

دوس على اللينك ده وابعت شكوى محترمة باللغة الأنجليزية ده موقع شكاوى نيسان الشرق الأوسط

المشاركة الأصلية كتبت بواسطة m_love4me

لا حول ولا قوه الا بالله العلي العظيم

مع الاسف الشديد و الاسي ال اكيد كلنا بنشعر بيه نتيجه للمشكله ال حضرتك بتمر بيها

مع تذكري انى نصحت حضرتك ف الموضوع السابق وقولتلك اسحب العربيه من عند السبع تماما

اولا نصابين وحراميه , ثانيا جهلاء ومايعرفوش اى حاجه
اكتر من انك تعمل صيانتك شكرا

عربيتي فضلت شهر على مشكله لا تكاد تذكر ,, واير الفتيس كان اتقطع والعامل ال غيره ماركبش الغطا بتاع الفتيس ال اسفل العربيه
وفضلت اعاني من سخونه رهيبه بداخل كونسول العربيه , والعربيه شهر ف التوكيل بيدوروا على حل
بالذات المهندس الفاشل ال اسمه عبدالرازق , انسان رخم وفاشل بكل الوصف

فعلا فشله الكليات بيرموه ف التوكيلات دي , وعمال ليس لديهم اى شكل او نوع من انواع الخبره او المعرفه


حضرتك اسحب عربيتك من عندهم واركنها ف اى حته وجمع قطع الغيار براحتك

انا كنت عملت موضوع , قولت انى كنت معجب جدا بالعربيه لكونها نيسان فقط
لكن لما نزلت اشتري العربيه لصديقي , قارنت بينها وبين عربيات تانيه من حيث الخامات و الجوده
العربيه زباله وان الموديل القديم افضل وانظف منها مليون مره واقوي

والناس هنا كتير هاجموني وقالول انت تعرف ايه قصاد توفير البنزين وقصاد الوسع و العفشه المريحه
قولتهم شكرا

ابعد عن السبع بالذات لانهم فشله بمعنى الكلمه
يمكن محترمين وقليل فيهم , ولاحقاق الحق , المهندس احمد ناجي فقط هو ال فيهم , الباقي كلهم اشكال ربنا يعلم بيها

السبع كان افضل توكيل بالنسبه ليا طول ما انا بعمل صيانات عاديه , ومع اول حادثه ف العربيه
اتصدمت فعلا بغباءهم وجهلهم الشديد
وما تخافش العربيه مش هتطلع من الضمان

انا عربيتي غيرت فيها رفر واكصدام و رادتير و وسربنتينه وكلها حاجات من التوكيل
ما عدا السربتنينه

لكن عملت كل حاجه بره عند ناس ف الزقازيق عندنا
والعربيه ممتازه والحمدلله
وغيرت الايرباج كمان , بس ماجبتوش من التوكيل , اشتريتوا من الخارج ,,
والعربيه لسه ف الضمان والحمدلله

لكن للاسف انا مش هروح التوكيل تاني , الا لو فاضى مثلا وعاوز اربط عفشه واغير زيت


حضرتك اسأل كويس ف الحرفين عند العالميه , واحمد جابر وغيرهم

لو تحب خد رقمي 01000843813 وانا اسأل لحضرتك

ياريت تجيب ارقام قطع الغيار
لان القطع كلها ف الكاتلوج نفس الشكل

بس ال بيفرق كود المصنع
هات ارقام الاكواد بتاعتها من وائل ولا اى حد ف التوكيل

واحنا نشوفلك القطع على النت ونشتريها بأذن الله


تحياتى لك

يا باشا أنا الى مصبرنى على السبع أنه جنب البيت أولا بدل الشحططه
ثانيا أن قطع الغيار دى مش موجوده عند أوتو ايجيبت ولا عند مودرن ولا حتى عند التجار برة
وعشان كده عملت الموضوع ده لأنى لو كنت لقيت قطع الغيار عند وكيل تانى يبقى دى مشكلة عارضة وانقل عربيتى فورا وخلص الكلام
بس الى خلانى أعرض المشكله على حضراتكم انى لاقيتها مشكلة كبيرة وسببها سياسات الوكيل الظالمة للعملاء بتوعة. يعنى المشكلة فى نيسان مصر وليست مع السبع ولا أوتو ايجيبت

أهم 3 قطع غيار موقفينلى كل حاجة و أكوادهم كالأتى :

1- قنطرة ريداتير أو حامل الريداتير و الكود بتاعة : f2530/1haeh
2- ركبة يمين و دى الى بتبقى بين قنطرة الريداتير و الشاسية والكود بتاعها : g51f0/3hdma
3- ماسورة تكييف الى خارجة من سربنتينة التكييف والكود بتاعها : 92440/1hp0a

لو حد من حضراتكم عرف يوصلهم فى أى حتة ياريت يعرفنى مشكورا وان كنت مش مصدق ان احنا الى بندور على قطع الغيار والتوكيل مكبر دماغه وسايبنا نخبط دماغنا فى الحيط.

المشاركة الأصلية كتبت بواسطة zambarota

السلام عليكم ورحمه الله وبركاته

اولا احب اشاركك معاناتك النفسيه تجاه الى بيحصلك

ثانيا الحل موجود وسهل جدا واتعمل قبل كدا ومجرب

الحل فى



طالما كل الحلول السلميه اتعملت يبقى مفيش غير الحل ده

نلزق استيكر على كل جهات السياره ونكتب لاتشترى سياره نيسان الجديده فلايوجد قطع غيار لها فى مصر

وانا اقسملك بالله قدام كل الناس والاعضاء مستعد الزق الاستيكر على العربيه بتاعتى فى كل جوانبها

واقف معاك امام معارض نيسان باكملها وايضا مراكز الخدمه وامام مصنع نيسان نفسه

لان كل فرد فينا معرض انه يحصله كدا

الشركه يهمها سمعتها فى السوق ولو اتهزت سمعتها فى السوق اكيد القطع الغيار الموجوده فى المصنع لتصنيع وتجميع السيارات الجديده هاتكون انت اولى بيها

لو عايز تتفاعل ونبتدي نزلق الاستيكر ونرتب المواعيد انا مستعد وتواصل معايا على الخاص

يا باشا أوعدك انى أفكر جديا فى الموضوع ده بس أول ما اعرف اتحرك بالعربية عشان أنفذ
و أشكر ليك شجاعتك و صدقك فى عرضك وبجد دى ممكن يبقى ليها تأثير بالغ على الشركة الى مش بتحترم عملائها