مبروك . الحكومة هاتعطف علينا ب 5 لتر بنزين كل يوم

**M.Ayman** · 02-01-2013 05:59 AM

المشاركة الأصلية كتبت بواسطة al_manara

80 لتر في الاسبوع . طريق شغلي 55 كيلو رايح وزيهم راجع . دة غير الزحمة طبعا .

الرد في مشاركة العضو الفاضل بعد الرد . وهازودلك شوية حاجات بسيطة . وبعدها انا معاك نشيل الدعم

+
6- مطلوب مستوي معيشة للافراد زي الدول الي مافيهاش دعم
7- مرتبات
8- شوارع مضائة
9- شفافية (الفلوس التي يتم توفيرها في الدعم هاتروح فين بالضبط)
10- مصاريف ليس لها لازمة في اجرائات استخراج رخص السيارات (زي التامين)
11- ........................

لو حابب كمان ممكن اكتبلك

:ta_clap[1]:

والله العظيم بفرح لما بلاقي ناس ماشاء الله عارفه ترد ازاي و عارفه ايه ليها و ايه عليها ،، ياريت بقي الاقي الناس دي هي المسئوله عن القرارات في البلد ، الدراسات مهمه بس حالة الشعب مينفعش يتم تجاهلها برضه

**amr5500** · 02-01-2013 06:07 AM

المشاركة الأصلية كتبت بواسطة tutankhamoun

أنا مش مشجعين الأخوان ... و لكن أحقاقا للحق .

و له لهم ذنب في اللي بيحصل

مبارك مسلمها خرابة ........ و الشعب بيكمل عليها .

مظاهرات فئوية بالجملة .... القوى السياسية غير متعاونة مع بعضها بما فيها الاخوان و محدش عايز يوصل لطريق وسط و المعارضة المدنية بتتلكك للأخوان و شايفينهم غلط في غلط ...... و الأخوان شايفينهم غير وطنيين و بصراحة الطرفين طمعانيين في السلطة .

لو هانتكلم عن الثورة ........ قطع الدعم الحكومي .... و خلق فرص عمل حقيقية هو الثورة الصحيحة .
و إلا كان مبارك فضل الرئيس و نفضل طول حياتنا نأخد دعم
و لكن لا يوجد صناعة و لا جودة في التعليم و الصحة و خلافه .

الشعب المصري و مصروفاته أكبر من دخل مصر و أيراداتها .
الزيادة في المصروفات نتيجة للزيادة السكانية و ما يتبعه من زيادة على الطلب للطاقة و الطعام و مستلزمات الحياة هو أقل من الأنتاج الفعلي و بالتالي هانفضل نشعر أن البلد تعبانة

طول ما المعادلة دي مش مظبوطة
اللي عايز يشوف الحقيقة بشكلها القبيح هايشوفها ......... و اللي عايز يلوم أي حد و خلاص على مشاكلنا هايعمل كدا برضه و كل له وجهه نظره طبعا .
مع تحياتي

كلام سليم مليون في الميه
تحياتي

**M.Ayman** · 02-01-2013 06:11 AM

المشاركة الأصلية كتبت بواسطة mahmoud_anwar

بطلو اشاعات شوية انا لسه قارئ انهارضة في جريدة الاهرام علي لسان هشام قنديل لا نية لرفع سعر البنزين
جريدة الاهرام يوم الاثنين بتاريخ 31-12-2012 علي فكرة الفترة القادمة هتظهر اشاعات كتير غرضها زعزعة الاستقرار

عارف انا ايه اكتر حاجه منرفزاني

اني بحس ان في ناس

بتتعامل مع غيرها علي اساس انهم صهاينه و عملاء للامريكان و مروجي اشاعات عايزين يخربوا البلد مش علي انهم مواطنين زيهم و ميقلوش حاجه عنهم ،، و علي فكره مروجي الاشاعات اللي حضرتك بتتكلم عليهم هما الحكومه نفسها لإنها غير قادره علي انها تصدر قرار واحد حتي يوحد ربنا صحيح !!! فاللي بيحصل انها عايزه تطلع قرار تخلي حد يصرح بيه عشان تشوف رد الفعل ايه و بعد كده تكدبه

و شويه تروح مسرباه تاني و تشوف رد الفعل بقي معارض قد ايه و هكذا لحد ما الناس تبقي خدت انها تسمع القرار ده و الشعلله تنطفي ، بعدها نقوم في يوم نلاقي القرار اتهبد في وشنا

تحياتي

**windofchange** · 02-01-2013 07:02 AM

حسبي الله ونعم الوكيل لو ده حصل تبقي مصيبة

**أبو_يوسف** · 02-01-2013 09:14 AM

احنا سمعنا كتير من خبراء اقتصاد ان الغاء الدعم وتوصيله للناس عن طريق كوبونات او كروت بيكون سبيل لتحسين الاقتصاد.. يتبقى الخلاف حول مقدار الدعم.. ودا اكيد بيتناسب مع اقتصاد البلد واكيد مش هايرض كل الناس انما على الاقل بيكون مناسب للاستهلاك المتوسط اللي معظم الناس ماشيه بيه.. يعني لو 1800 لتر هايعملوا 18 الف كم في السنة .. هو دا فعلا استهلاك اغلبية الناس..

الجانب المضيء في الموضوع ان الزحمة هاتخف شوية علشان الناس اللي بتلف في الشوارع على الفاضي تقعد في بيوتها بقى...:)

**amr5500** · 02-01-2013 09:21 AM

المشاركة الأصلية كتبت بواسطة timtim

احنا سمعنا كتير من خبراء اقتصاد ان الغاء الدعم وتوصيله للناس عن طريق ككم في السنة .. هو دا فعلا استهلاك اغلبية الناس..

الجانب المضيء في الموضوع ان الزحمة هاتخف شوية علشان الناس اللي بتلف في الشوارع على الفاضي تقعد في بيوتها بقى...:)

فعلا خلي الشوارع تفضي واللي عايز يخرج ويلف هنا وهناك يبقي يدفع من جيبه مش علي حساب الناس المطحونه

**Mahmoud Mosaad** · 02-01-2013 12:17 PM

المشاركة الأصلية كتبت بواسطة tutankhamoun

عملنا ثورة علشان نحسن حال البلد .... و لكن الناس فاكرة ان الثورة ..... فلوس و أنت قاعد في البيت .

يا جدعان الدعم كارثة على الأقتصاد و غير عادل في توزيعه

ازاي دعم الطاقة أكبر من دعم الصحة و التعليم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

اللي عايز يتفسح و يخرج و يصيف يبقى من جيبه مش على حساب الحكومة و على حساب بقية الشعب اللي مش بيطول 10 % من الدعم اللي أحنا (أصحاب السيارات ) بنحصل عليه مقابل أننا معانا عربيات ....

آحييك على ردك

**Ahmed Selim** · 02-01-2013 12:28 PM

و ليه ما يتمش تخفيض الإنفاق الحكومي ؟

تأمين........مواكب..........عربيات فارهة........الخ ( و كلامي مش على الرئيس تحديداً )

على ما أذكر كان فيه خبير إقتصادي قال أن الإنفاق الحكومي فى الحاجات المماثلة لو أتخفض هيعمل فرق كبير مش قليل.

على الأقل الشعب يحس أن الحكومة بتشارك...........ولا أيه ؟

**Ahmed Selim** · 02-01-2013 12:32 PM

المشاركة الأصلية كتبت بواسطة tutankhamoun

فعلا حكومة هشام قنديل محتاجة تتغير .... و لكن حكومة هشام قنديل معملتش حاجة لا بالسالب و لا بالايجاب .

أنت عندك معادلة بسيطة

مصروفات مقابل ايرادات .
أنت مصروفاتك أعلى من أيراداتك .
و أستهلاكك أعلى من أنتاجك

مبارك كان مقضيها شوية شحاتة على شوية مشاريع تعبانة لا تضيف للأقتصاد أي شئ و ده كان مقصود علشان منبقاش وحش أقتصادي .

دلوقتي بقى أنت طلعت الأسد من قفصه .......

فكل الكلاب بتحدف عليك سهام لأيقاعك صريعا على الأرض
أو لأدخالك القفص تاني .

الخليج (الحكام ) مش عايزين الثورة تنجح لتأثيرها السلبي على شعوبهم ..... و أمريكا و أسرائيل و أوروبا عايزينك متخلف و نايم في العسل علشان ما تبقاش قوة أقتصادية تهددهم .

و طبعا ده بالاضافة للخونة من الداخل .......... أو الأغبياء اللي بيعارضوا بحسن نية و لكن بطريقة غلط و طريقة سلبية عليهم و على البلد .

أنا مش أخواني و لم أنتخب الأخوان و لن أنتخبهم لو كملوا المشوار بطريقة الأقصاء السياسي .
و لكن دي كلمة حق .... مش كل حاجة تحصل في البلد نقول الأخوان .

الأخوان أصلا مش عارفين يعملوا حاجة لأنهم بيحاربوا قوى الظلام للبقاء (فإزاي هايشتغلوا أصلا ؟)

أنا بش هعلق على نقطة الجمارك.........

الجمارك أصلاً محطوطة بنسبة عالية جداً علشان دعم الوقود......أى دولة تانية فى العالم هتلاقي الجمارك فيها من 2 ل 10% على حد علمي........مش 40%!!!!!

يبقى على الأقل يتم تخفيض الجمارك و تبقى 10% بدل 40%.

و لا هو أى حاجة الحكومة مش لاقية حل يبقى نستسهل و نلم من الناس و خلاص ؟

-

الموضوع: مبروك . الحكومة هاتعطف علينا ب 5 لتر بنزين كل يوم

LinkBack

أدوات الموضوع

عرض

-

-

-

-

-

-

المواضيع المتشابهه

الف مبروك علينا عمرو السيد منسق قسم لوجان

مبروك علينا عودة المنتدى... ماروتي اجمع هنا

مبروك علينا جميعا عودة المنتدى بس ليا طلب صغير

الف مبروك علينا تمت اضافه مطبين جدد

الكلمات الدلالية لهذا الموضوع

المفضلات

المفضلات

ضوابط المشاركة