الموضوع: مبروك . الحكومة هاتعطف علينا ب 5 لتر بنزين كل يوم

المشاركة الأصلية كتبت بواسطة eslamrace

اقولك انا الوضع يمشى ازاى بس الاول نتكلم بالسنه يعنى (2500*12) = 30000 سنويا
قول مصروفات المدرسه لو خاصه للعيل متوسط 3000 جنيه *2 عيل = 6000 سنويا

بالنسبه للعيال و مصروفهم
هم مكن هيروحوم من غير كتب ولا كشاكيل ولا يجيبوا حاجه ولا هتوديهم و مقنط عليهم ذنبهم ايه يحسوا انهم أقل من زمايلهم ده غير مصاريف المرواح أو الباص اللي حضرتك ما حسبتوش !
بلاش يا سيدي خليها ميكروباص مش أوتوبيس مدرسه ولا تاكسي خصوصي و خليه تاكسي جماعي
قول كهربا وغاز وموبايل و مياه حوالى بالميت 2000 جنيه سنويا

2000/12 = 166.6666667 ده ايه الجمال و الحلاوه ديه
حضرتك عايش معانا في مصر متأكد ؟!؟!
عندك بقى اكل وشرب حنقول فى اليوم متوسط 40 جنيه / يوم * 365 =يطلع حوالى 15000

4 أفراد فرضا ان كل واحد 3 فول *4(عدد الافراد) =12 سندوتش *3(عدد الوجبات) =36 سندوتش

لو الساندوتش ب 1.5 جنيه = 48 و ده فول يا جدعان مش كافيار ولا مارون جلاسيه
هوالواحد بياخد واحده من بيتها يكرمها و يجيب عيال يسعدهم و يبسطهم ولا واخد واحده يهينها و يعيشها قحط و جايب العيال يكدرهم
عندك بنزين للعربيه حنقول راجل موفر وبيحط 80 نقول 10 جنيه / يوم * 365 يوم = حوالى 4000

ده علي أساس انه معاه 128 !
و لو معاه 128 هي عربيه زيرو مش بتصرف ولا محتاجه ترخيص ولا سمكره ولا صيانه

+ اهلاك عربيه وزيت وغسيل وجراج بالميت 1500 جنيه سنويا

أقل جراج سمعته كان 100 جنيه و أغلي جراج كان 500
نحسب علي الصغير 100*12 =1200 و زيت مرتين في السنه 10000 يبقي زيت = 280*2 = 560

طبعا بقى عندك نثريات وزيارات وعلاج وترفيه ويحوش لمستقبل العيال من الباقى اللى هو (30000-6000-2000-15000-4000-1500)=1500 جنيه سنويا

بتضحك حضرتك !
الله يسامحك
يحوش 1500 جنيه !
وليه يحوش ده بذخ حتي و اسراف و الله لا يحب المسرفين !
و ليه يصيف وليه يركب عربيه أصلا ما يروح و يجي مشي !
هيعمل كل ده ب 1500 جنيه

بس ده طبعا على شرط متحصلش مفاجات خلال السنه عربيه اتخبطت حد تعب جامد لازم مستشفى جاله خصم فى الشغل ....الخ الخ

الا حضرتك عملت حسابك ان الضرايب هتستقطع بكام
طب بلاش ديه التأمين الصحي قد ايه
طب مصاريفه هو الشخصيه اليوميه
الراجل نفسه هفته يجيب باكو بسكوت ولا شوكولاته جيرسي(ما قلتش كيت كات أو جالاكسي أو كادبوري)
انا فعلا محتاج جالاكسي عشان هي اللي بتصبرني علي اللي انا عمال أقراه

كان الله فى العون بصراحه
يا رب اللهم أمين لكل الناس اللي مضحوك عليها بكلمه البلد بتقع و شد الحزام و معلش و تعالي علي نفسك و الدعم المفروض يتشال و لو واحد منهم سافر بره هيعرف يعني ايه بني أدم و معامله البني أدمين !

اما بالنسبه للضرايب فبصراحه انا معرفش النسبه

هو حضرتك اتخرجت أو شغال
أصل كم الاحلام الورديه و النموذج و السيناريو المثالي ده بصراحه أحسدك عليه لو بعد كل طلعت متجوز و مخلف و عايش كده بالضبط

طب أقولك حاجه تبعتلي ال CV يتاعك و أدورلك علي شغل بالمبلغ ده و نشوف هتعرف تمشي كده ولا لا !

عندنا في الهندسه و تحديدا في التصميم لما بنيجي نحسب الاجهادات و القوي و الحاجات ديه
اياك ثم اياك ثم اياك تعمل DESIGn علي ال OPERATING CONDITIONS بالعكس انت بتعمل DESIGN علي ال WORST CASE , و بتاخد FACTOR OF SAFETY كمان

ما ينفعشي أفترض ان مفيش اجهادات ولا قوي ولا حمل و أقولك أقل التكاليف أهي في التصميم ده
طب فين الكود و ال STANDARD و ال MINIMUM SAFETY REQUIREMENTS

انا قاري الكلام من الصبح بس قولت أرد عليك لما أفضي و أرجع البيت عشان لاجل الامانه حضرتك و كلامك ضايقني لما حضرتك مواطن و زينا و بتفكر كده أومال بقي المسئولين اللي مش حاسين بينا و فوق نقولهم ايه و كل واحد في ملكوته

ما ينفعشي الكلام ده

يا رب مكني انني أعرف أخدم البلد ديه و أصلح فيها و أخليها زي بره علي حق ربنا عشان النماذج اللي زي حضرتك تعرف قد ايه الكلام اللي بتقال ليها كله فشنك

تصبح علي خير