الموضوع: العربية الخفيفة أحسن من العربية التقيلة!!! اتعرف على أساسيات ثبات السيارات

بالنسبه للمرسيدس ( e200 موديل من 94 الى 99)
موقفها ايه من الموضوع ده ؟ وخصوصا ان وزنها اكتر من 1300 كيلوا يعنى ضخمه بالنسبه لعربيه سيدان
و تاخد كام من 10
ياريت حد يجاوب فى اقرب فرصه

المشاركة الأصلية كتبت بواسطة borio1704

حضرتك أكيد قصدك على مرسيدس الفئة E اللي اسمها الكودي W210



الموديل ده بدايته من 1995 لحد 2002

من ناحية الثبات... فمعظم عربيات مرسيدس معروفة بثباتها العالي وكمية عالية من التكنولوجيا اللي بتساعد في زيادة الثبات بشكل عام... حتى مع الوزن العالي


بس زي ما قلنا... الوزن العالي معناه زيادة استهلاك وقود.. وخصوصا إن العربية عليها موتور يعتبر ضعيف بالنسبة للوزن ده (التسارع من 0-100 كم/س في حدود الـ10 ثواني)



خلي بالك .. لو انت بتشتريها عشان سعرها رخيص مقارنة بالتكنولوجيا اللي فيها... فعايز أقوللك معلومة مهمة (يمكن بره موضوعنا شوية)... إن إنتاج مرسيدس في الفترة دي كان من أسوأ فترات مرسيدس من ناحية الجودة... والموديل ده على وجه التحديد معروف بمشاكل كتير في العفشة الأمامية والسست تحديدا. بالإضافة إلى مشاكل الصدأ والتآكل في أجزاء العفشة بشكل عام.

فاعمل حسابك على شوية أعطال إصلاحها مكلف جدا

شكرا يا باشا على الافاده
انا معرفشى كتير فى السيارات بس ليا راى وياريت اعرف وجهه نظرك واستفيد من خبرتك
اولا انا فى دماغى مرسيدس اما ( E200 موديل 1998 او موديل 1994 اخر موديل فى الزلموكه)
ثانيا بالنسبه للتسارع انا مابعديش 100 او 120
انا يهمنى 1/ الامان ثم الامان 2/ الراحه فى القياده
ثالثا بالنسبه لللى سمعته ان العيون E200 وزنها اتقل من الزلموكه على مكنه 2000 س س
بس احب اقولك الجمله اللى قالوهالى دايما ان " الخواجه الالمانى لو عارف ان الوزن هايؤثر على العربيه كان مانزلشى 2000 س س من الاساس علشان سمعه مرسيدس ماتتهانشى فى الاسواق"

بالنسبه لسعرها دى معديه 170 الف وده مبلغ مش قليل !
ولو تعرف اى معلومه ياريت تقولها وماتبخلشى برضوا اخد فكره

المشاركة الأصلية كتبت بواسطة borio1704

بس زي ما قلنا... الوزن العالي معناه زيادة استهلاك وقود.. وخصوصا إن العربية عليها موتور يعتبر ضعيف بالنسبة للوزن ده (التسارع من 0-100 كم/س في حدود الـ10 ثواني)

خلي بالك .. لو انت بتشتريها عشان سعرها رخيص مقارنة بالتكنولوجيا اللي فيها... فعايز أقوللك معلومة مهمة (يمكن بره موضوعنا شوية)... إن إنتاج مرسيدس في الفترة دي كان من أسوأ فترات مرسيدس من ناحية الجودة... والموديل ده على وجه التحديد معروف بمشاكل كتير في العفشة الأمامية والسست تحديدا. بالإضافة إلى مشاكل الصدأ والتآكل في أجزاء العفشة بشكل عام.
فاعمل حسابك على شوية أعطال إصلاحها مكلف جدا

ياااه اسوء فترات مرسيدس !!!!
طب اما هى اسوء باعت كل البيع ده عندنا وبره ليه يعنى اضرب لمعاليك مثل انت بتقارن بين مثلا عربية زى ماحضرتك بتقول مشاكلها كتير وعربية تانية مشاكلها اقل الرد الطبيعى لاى واحد عاقل هيقولك ابعد عناللى مشاكلها كتيييير دى مكنتش باعت كل ده وهى ماتتركبش صح ولا كلامى فيه حاجة غلط ؟؟؟
اما حوار بقى صدا السوست والحاجات دى انا عايز موضوع فيه مشكله ف العفشة الامامية واتكررت بشكل عام مع كل المرسديس 200 E من 94 ل 99 بس اكيد فى حالات صاحبها بيبقى معتنى بيها اى حاجة بتعوزها بيغيرها بالمانى اصل استيراد حكاية العفشة الامامية دى امرها سهل خد معاك عفشجى وانت رايح تشترى لو فيها مسمار بتخصم من تمنها لان الالمانى القديم حالته اما ع الاقل 90 بالمكنة والفتيس او بلاش تشترى
بالنسبة لقطع الغيار اللى بيشترى مرسيدس مريحاه مابيهموش تمن قطع الغيار بس عايز اقول لمعاليك ان قطع غيارها مش مبالغ فيها اى كده
بس النقطة اللى فيها اختلاف ان العربية دى لو موديل 97 وحالة نضيفة بص معاليك ع الاسعار اللى هما بيطبوها 180 على طول من غير مايقول حتى سلام عليكم يبقى فين تمنها بالنسبة للتكنولوجيا
بالنسبة لموضوع المكنة هو حضرتك عندك حق بس اكتر من كده هتستهلك اكتر برده يعنى ممكن ال 240 ال مكنة 2400 سى سى اظن دى وحش كاسر مش حاجة قليلة
السؤال بقى عمرك شوفت عربية مرسيدس متبهدلة وحالتها تقرف وماشية بتتطوح ع الطريق اكيد لا المرسيدس لو ماشية على عجلة واحدة ثابتة جدا

متاسف لتكرار المشاركة لان النت عندى بطئ

غلط ليه ؟؟؟؟
انت لو بتقارن بين لوجان على سبيل المثال وعربية اعلى ف الجوده هقولك روح اشترى لوجان مع ان فيها كذا وكذا وكذا !!
ولا هقولك لا اشترى التانية ؟؟
معاك ف اللى انت قولتله ف الحتة بتاعه الصعود والهبوط دى بس حكاية اقل ف الجوده دى ليا فيها سؤال عمرك شفت 200 e من 94 ل99 التابلوه بتاعها شقق بعدها بسنتين ؟؟؟
النقطة اللى بعدها لو مافيش اى ازعاج لمعاليك هاتلى ياسيدى الموضوع اللى معاليك بتقولى عليه
حكاية ركبة العربية اللي قدام تنفصل تماما والعربية تبرك مكانها ده اكيد صاحبها مهمل رسمى ياريت لو تجيبلى الموضوع ده كمان لو سمحت
معاليك بتقول ان السوق بيحكم وان دى بتتباع سمعه وخلاص طيب انا اتفق معاك فى جزء من الكلام ده ان السوق اساسا بيخلى عربية كموديل حاجة وتمانين ب 90 الف حكاية سمعة وخلاص ده يمكن نظرية حضرتك بس ده معناه ان العربية دى ورق ومكنة وصالون اى كلام طيب هضرب الوالد كان يعرف واحد معاه عيون 96 فل اوبشن خليجى والراجل عمره مااشتكى منها ف حاجة ابدا مع انه كان بيسافر بيها من المنصورة للغردقة شغله هناك كل 3 اسابيع بيسافر بيها يعنى دى اتفحتت رسمى غير المشى كمان ف الزحمة هنا مااشتكاش من الركبة او العفشة الامامية جايز تكون حالات فردية نتيجة الاهمال بس انا عايز اقولك ان ده انا سافرت معاه مره من 5 سنين عربية تحفة ماحستش بانه كان ماشى على 140 غير لما بصيت ف العداد بلاش ده فى واحد من قرايب الوالد معاه زلموكة 94 خليجى برده السواق بتاعه قلب بالعربية مرتين والحمد لله محصلش للراجل حاجة غير كام كدمة وشوية جروح ده دليل ان العربية دى مش ورق بلاش الوالد شخصيا كان ماه تمساحة بس حالتها مكنتش ممتازة بس تقدر تقول جيدة بس الشهادة لله المكنة كانت فابريكة كانت محتاجة شوية شغل ف العفشة نتيجة اهمال المالك الاول ومع ذلك مكنتش بتحس بالطريق الى حد ما وكانت ثابته بعد لغاية 120
حكاية بقى قطع الغيار اكيد احد شارى عربية ب 185 الف مش هيجى ويهملها ف حاجات بسيطة

انا مش بدافع عن المرسيدس من الهوا دى اكتر من تجربة مع المرسيدس

موضوع فوق الممتـاز
تحياتي .. ّ ّ