الموضوع: ..:: التقرير الشامل النهائى لتويوتا كورولا 2014 ::..

يا جماعه انا بفكر في التويوتا الشكل الجديد وبفكر أشتري كسر زيرو ولما باجي بخش علي كونتكت كارز أستغرب جدا من كم العربيات التويوتا الشكل الجديد اللي معروضه للبيع وكلها كسر زيرو هموت واعرف السبب عشان ده موضوع ميطمنش وياريت حد يفسرلنا الظاهره دي لو ليها تفسير

كوناكت كار فية عربيات تويوتا كسر زيرو كتير معاك حق وليها اسباب كتير
1* عربية ماشاء الله بتبيع كتير جدا فرد فعل طبيعى تلاقى ليها عدد كبير بيبع
2* عربية عليها حوجزات بالشهرين ونص والتلات اشهر برغم انها بقالها سنه فى السوق تستشف انها بتبيع فالناس بتيع العربيات وبتكسب فيها
3 * فية نااس بتحرق العربيات علشان تكسب والناس دى شغلانته كدة تجيب عربية وتحرقها وتقلب عيشها
4 * تويوتا واعادة البيع دى معروفه فالناس بتشترى عربيه وعارفة انها لو عرضتها للبيع هتتباع لانها تويوتا
5 * ممكن واحد يكون كان راكب المانى وركب الكورولا معجبتوش ودة احتمال وارد برضة
6 * ممكن ناس استلمت العربية وهى واطية قبل التعديل ومعرفتش ان التوكيل نزل ليها تعديل فى الارتفاع فبيبعها
7 * فية ناس مقلقة من تعديل التوكيل ف الارتفاع فبتبيعها علشان تروح تشترى الى نازله متعدلة من المصنع جاهزة
8 * فية ناس استلمت قبل التعديل ومن كتر المطبات الى فى شوارعنا اتعقدت من العربية علشان واطية



اسباب كتير جدا ومتقدرش تحكم ع الناس كلها
بس انا واحد من الناس كنت راكبها واطية وبعد ما اتعدلت ماشاء الله والعربية معايا بقالها سنه بالضبط والحمد لله وماشاء الله تحفه بجد
صلى صلاه استخارة واستعين بالله وربك يهيدك للخير والصواب