..:: التقرير الشامل النهائى لتويوتا كورولا 2014 ::..

**bassem.naguib** · 02-08-2014 12:51 AM

المشاركة الأصلية كتبت بواسطة abofandy

مش فاهم يعنى اية الجافة احسن للشاسية
ايه علاقة البطارية بالشاسيه ؟

علشان متسيلش في الحوض

**hazem.elderwy** · 02-08-2014 07:57 AM

المشاركة الأصلية كتبت بواسطة M.Azab

اللون برونزي ، بيج من الداخل بصراحه عجبني اللون ده جديد كدة.

بس عاوز أروح أركب فرش جلد علي شان أنت عارف البيج بيتوسخ بسرعه. إن شاء الله هروح أعمله في أسرع وقت.

صحيح يا دكتور حضرتك عملت اية في الكاسيت كنت شوفت حضرتك كتبت أنك عاوز تغير للكاسيت التاتش بالكاميرا حضرتك عملت أية علي شان أنا ناوي أغير بس مستني أفرح بالعربية جديدة الأول وسألت علية في فرع التجمع قالي مش موجود دلوقتي هيجيلي بعد العيد وهيكون في حدود 4800 جنية مش عارف مفيش أي حد من الناس الموجودين غير الكاسيت بتاعه أو يعرف أي حاجة عنه.

السلام عليكم..
أنا كمان بصدد استلام كورولا 2015 الأسبوع ده، ونفسي أعرف أي تقييم عن الكاسيت التاتش المتاح في التوكيل.. أنا سألت عليه، وشفته في أبو رواش... هو سعره بالظبط 4850 جنيه (شامل التركيب)..
أنا حاسس إن السعر ده مبالغ فيه جداً، خصوصاً إن الجهاز صيني وماركته مجهولة!!!
وكمان موقع Souq عليه جهاز (أعتقد إنه هو اللي في التوكيل) سعره 2650، والرابط هنا:
TOYOTA Corolla 2014 DVD Player price, review and buy in Egypt, Alexandria City, Cairo | Souq

**hazem.elderwy** · 02-08-2014 08:13 AM

والتوكيل كمان عنده جوز مساند الرأس بالـ DVD Display ماركة Symphony بـ 1200 أو 1400 (مش فاكر بالظبط)!

وكمان موجود عندهم طقم الزينون Osram بـ 2200 جنيه.... والعربية يلزمها طقمين (للنور العالي والواطي).. والشبورة مش بيركبوا لها زينون.. يعني الليلة تتكلف 4400 جنيه!

الأسعار دي عادية، ولا مبالغ فيها؟!

ملحوظة: هم كمان عندهم طقم زينون تاني صيني تعبان بـ 700 جنيه، بس أنا في حوار الزينون ده، إما Osram.. أو Philips.. غير كده ماليش فيه!