الموضوع: المكنة رزعت منى فى العيد . الغلط فييييييين ؟؟؟

المشاركة الأصلية كتبت بواسطة dr.hazem

طيب انا الصور حالا ظهرتلي وعندي سؤال...
في الصوره مؤشر الحرارة اعلى من ال90 فهل ده طبيعته في الالفا ولا هو هنا كان كده لان انت بقالك مسافه ماشي عالار بي ام ده؟؟
تحياتي

الصورة أوضح لأمبير الحرارة عندى علشان هو ظاهر فى الصورة انه اكتر من 90 لكن ده غير صحيح

sent from my xperia arc s using forum runner

المشاركة الأصلية كتبت بواسطة romieh

قدر الله وما شاء فعل وربنا يعوض عليك ويرزقك بموتور احسن منه ان شاء الله

هو ايه اللمبة الحمراء اللى منورة فى أول صورة دى؟؟

وهل وضع درجة حرارة العربية انه يكون فوق التسعين؟؟ هو ده طبيعى؟؟

طيب اخبار تقرير الزيت بيقول ايه؟؟ حضرتك بتقول ان نسبة الالمونيوم عالية وده دليل على ان فيه بستم اتكسر بس لما فكيت الموتور لقيت البساتم سليمة

الحمد لله على كل شئ طبعا وانا والله العظيم مش زعلان و الحمد لله انا جبت موتور و العربية شغالة دلوقتى زى الفل بس كان يهمنى اعرف السبب الفعلى لتجنب الاخطاء مستقبلا

وبالنسبة لسؤالك فالحرارة كدة طبيعية جدا وصورة الامبير اوضح فوق بس بصفة عامة الايطالى كله 92 ده معدل طبيعى للحرارة

وتقرير الزيت زى ما رفعت صورته بيقول ان وضع الزيت طبيعى جدا و البساتم فعلا سليمة بس ما صورتهاش لكن لو حبيت تشوف صورتها مستعد اصورها وارفعها

المشاركة الأصلية كتبت بواسطة saddam

صديقي المواطن
ثق وإعتقد حطيت إجابة مطولة لموضوعك ورفعتها مرتين بس النت غدر بيا وتعبت من الموضوع ده ولكن الخلاصة صدقني ورغم كراهيتي لزيوت وولف فالعيب عندك ليس بسبب الزيت وإنما ظروف تشغيل وهلاك عادي ودرجة حرارة مرتفعة نسبيا وعلو لفات اﻵر بي إم لفترات طويلة ولو حللت الزيت مهما حللت ومهما جبت من أسطوات فصدقني العيب مش زيت ومهما كان.وولف غير كفوء فهو قطعا أفضل من موبيل والتعاون ولو مش مقتنع بالكلام أحاول للمرة الثالثة أرفع الموضوع ده بس لما أستريح شوية.
ولكن أنا عارف إنك بتحب اﻹلحاح وإنك إنضريت وصرفت فلوس ولكن صدقني حتى لو تجاوبنا معك زورا وبهتانا وقلنالك الموضوع موضوع زيت فإيه اللي حيفرق عندك هل متخيل إن حد حيعوضك ويصلحلك موتورك مثلا أو مجرد تثبت إنهم غشوك وحطولك زيت بواقي مطعم فول وطعمية في عربيتك فجابت مكنة
صديقي المواطن لازم.تكون سمح وتتعود تصبر وتكظم.الغيظ على ما إبتلاك الله به وأساسا موضوعك بسيط رنجات إتكسرت عادي وبتحصل كتير ولا داعي لشراء مكنة إستيراد كنت عملت بتاغتك وكمان معروف إن أي مكنة إستيراد الله أعلم قعدت أد إيه وساعتها كان حالتها إيه قبل متنزل من عربية تانية ومعروف إن مكن اﻹستيراد إن عاجلا أو آجلا خلال من 6 شهور إلى سنة ونص لو ركب من غير ميتعمل نص عمرة فتأكد إنك حتفتح تاني لعمل نص عمرة
ونصيحة.يا مواطن زود عدد المراوح عندك لو لقيت مكان فاضي وحط ثرموستات ثمانينات وبلاش التسعينات ورب العة أنا عندي عربية فيها مروحة كلتش فبريكة ومش بتسخن رحت مركبلها 3 مراوح كهربائية إضافية وخد عندك كل مروحة بكتاوت وتأسيس مستقل لوحده وركبتهم على ثرموستات سبعينات ثمانينات وبمشي 220 مستريح وعايش اللحظة

الحالة الوحيدة اللي ممكن يكون التزييت سبب فيها هي إن فلتر طرمبة الزيت المصفى ممكن يكون إتسد أو شبه إتسد فأساء لدورة التزييت داخل المحرك

ثم يا صديقي المواطن عربيات محرك 1600 ليست مصممة للطرق السريعة لمسافات طويلة بسرعات فائقة فهي سيارة مدن وممكن.تسافر مسافات طويلة بس 140 بحد أقصى أما تجيب عداد ال آر بي إم على 5 آلاف لمسافات طويلة ويا دوبك جايبة 160 فعلى طول تعرف إن فتيسك أصغر من العربية دي سواء كان أوتوماتيك أو مانوال والقصة دي تعلمناها من الشبح فعربياتنا العادية معظمها آر بي إم 3 تساوي 120 أما في الشبح 3 تساوي 160 وكاديلاك أمريكي 3 تساوي 140:فلو عاوز مكنتك تستحمل ال 180 و 200 لازم تكبر الفتيس و إحنه بنعمل كده في كل عربية مجهزة لطرق سفر طويلة وسرعات عالية

ثم يا وطني مهما كان.الزيت غالي فمعادش ينفع يتحط لوحده لازم تحط معاه إضافات حديثة من 4 أو 5 إضافات ثق بالله أنا غيار الزيت عندي بيعدي 850 جنيه بس بغير على 20 ألف بس بغير الفلتر كل 10 آلاف

صديقي المواطن أنا عارف إن دمك محروق وصرفت كتير بس إنت شايف الموضوع كبير ﻷنك مش متعود عليه وطالع رحلة وضاعت وأنا شايف موضوعك بسيط ومش مستاهل كله طقم رنجات متكسر أصعب ما في موضوعك هو حساب الونش والجلوس وإنتظاره ومجرد نصيحة الميكانيكي إنك تجيب إستيراد فده ميكانيكي متواضع وصنعته ضعيفه ومن جماعة كلام كتير وكفتة مفيش

كان نفسي أقللك زيت وأريحك ومنردش عليك ولكن الحق أحق أن.يتبع ومن دلوأتي وقصاد كل المنتدى وجيب 10 ميكانيكية لو 3 منهم قالوا عيب زيت فأنا مسؤول بغيار زيت من خلطتي الخاصة ومعلش أخوك.بيكلمك عمر وغير في حياته أكثر من 150 مكنة لنقل لميكروباص لملاكي ولكوري وياباني وأمريكي وألماني وبنزين وسولار وداخل مصر وخارج مصر مش بإيدي طبعا لكن تحت نظري وإشرافي
مرة.أخرى.نؤكد ونقول وكل المنتدى عارف إني بكره زيت وولف وإدارة.وولف كمان بتكرهني ولكن الحق أحق أن بتبع والعيب عندك مش زيت
وأنا.عارفك يا مواطن من زمن أظن كان.ليك موضوع قديم لنفس المشكلة.مش حتقتنع بالكلام وحكون.تعبت نفسي عالفاضي ولكني متعاطف معك ومحروق دمي عليك وأسأل الله لك أن.بعوضك أضعاف ما خسرت
ودمتم.للنضال

صديقى المواطن أولا شكر لحضرتك انك اديتنى من وقتك فى اجابتك على سؤالى
لكن اسمحلى اناقش حضرتك
1-اعتقد ان ظروف التشغيل كلها كانت فى الوضع الطبيعى و الحرارة سبق ووضحت بصورة اوضح للامبير فوق وان الطبيعى فى الايطالى كله ان 92 درجة حرارة ده شئ طبيعى جدا ومش حاجة تثير القلق يعنى وبالنسبة لعداد الار بى ام وانه عالى لفترات طويلة ووضحت فى الموضوع انى مش مثبت سرعة 160 لكن بطلع وبنزل من 120 ل160 حسب الطريق
2- سامحنى حضرتك تعرف عنى منين انى بحب الالحاح !!!!
ودى أول مرة أكتب فى المنتدى عن المشكلة بالتفصيل وقسما بالله مش طالب من حضرتك او من باقى الاعضاء انكوا تقفوا فى صفى زورا وبهتانا !!!!
كل الهدف هو انى اعرف سبب المشكلة و ان الحق يظهر فقط لا غير
3- الحمد لله لأخر وقت كنت بحمد ربنا و بضحك على المواقف اللى حصلت خصوصا انها اول مرة اتحط فى تجربة زى دى
4- دفعت فلوس ؟؟أه دفعت فلوس وخدت خبرة الحمد لله
وبخصوص العمرة و الاستيراد فمعلومة لحضرتك ان تمن الموتور الاستيراد بتاعى على التجربة اقل من تمن العمرة بحوالى 1000 جنيه !!!!
4-ربنا يزيدك ويبارك لحضرتك فى عربياتك وشكرا لأستفاضتك فى الاجابة عليا :)

المشاركة الأصلية كتبت بواسطة akmm

متابع وربنا معاك .........................

شكرا لحضرتك

المشاركة الأصلية كتبت بواسطة ahmed_h_g

الموتور مستهلك وليس مشكلة زيت

المشاركة الأصلية كتبت بواسطة hugan

ربنا معاك ويعوض عليك
شخصيا عمر ي ما هاقتنع غير بالزيوت المصريه

شكرا ليك وبالنسبة لموضوع الزيت المصرى والمستورد فالى بيثبت كفائته من عدمه هو احنا كمستهلكين و تجاربنا ليه

اظن كان في عضو في المنتدي عنده مشكله في موتور عربيته
بسبب زيت من الزيوت الجديده

لو حضرتك عندك رابط لموضوعه اتمنى تبعتهولى وشكرا

المشاركة الأصلية كتبت بواسطة amoor89

+1
مفيش حاجة من اللى حضرتك حاططها فى الموضوع تدل على انها مشكلة زيت كل الحكاية عمر افتراضى للمحرك وانتهى
قدر الله وما شاء فعل واحمد رربنا انها جات على قد كده

المشاركة الأصلية كتبت بواسطة hugan

لو الموتور مستهلك علي الاقل كان ها يظهر عنده مشاكل

في نسبه استهلاك الزيت

دخنه

السحب بتاع العربيه

اللي حصل عنده حاله من
ارتفاع درجه الموتور داخليا لدرجه ان مكوناته تسيح
في الغالب نتيجه من شده الاحتكاك لعدم وجود لزوجه في الزيت

الله اعلم
الكلام ده اجتهاد شخصي من شرح صاحب الموضوع

شكرا ليك واعتقد ان اجابتك كافيه للرد

المشاركة الأصلية كتبت بواسطة s o p h o s

منتظر بصراحة النتيجة وهل دي مشكلة زيت ولا لا
ربنا يعوضك خير

شكرا ليك و تابع مشاركات الاعضاء

المشاركة الأصلية كتبت بواسطة dr.hazem

لازلت عند سؤالي عن درجة الحرارة في الالفا هل هي دايما فوق ال90 ولا عربيتك كانت كده لانك ماشي عالار بي ام ده مدة طويلة؟؟؟
المشي على ار بي ام عالي بشكل لحظي غير المشي عليه بشكل مستمر...
الاستمرار بيولد حرارة عالية جدا كفيلة بأنها تسيح الرنجات....
تحياتي

sent from my xperia arc s using forum runner

اجابتى على سؤالك يا دكتور فى المشاركات فوق

حضرتك شكيت ان السبب يكون زيت . طيب ليه استبعدت ان المشكله تكون في فلتر الزيت او طرمبه الزيت .

المشاركة الأصلية كتبت بواسطة martindale

حضرتك شكيت ان السبب يكون زيت . طيب ليه استبعدت ان المشكله تكون في فلتر الزيت او طرمبه الزيت .

طرمبة الزيت شغالة مظبوط جربتها فى اسكندرية وجربتها لما رجعت القاهرة
و الفلتر مفيهوش مشكلة او انسداد وده اللى جابه الفنى معاه

المشاركة الأصلية كتبت بواسطة walidadel

السلام عليكم ... اخبارك ايه ياباشا
انا فاكر حضرتك لما بعتلي علي الخاص بخصوص جهاز الانذار ... فاكر
اسمحلي اضيفلك تحليل للموقف علي حسب معلوماتي
السبيكه اللي اتحرقت دي بتيجي من نقص الزيت للسبيكه نفسها بمعني ان السبيكه دي بتتعذي بالزيت عن طريق مجاري صغيره جدا بتتسلك عن طريق ابره او ضغط ميه جامد و المجاري دي موجوده في جسم البلوك نفسه و و المجاري دي بتقوم بدورها في نقل الزيت للسبيكه علشان تغذيها بالزيت المطلوب و ده بيحصل طبعا علي ار بي ام عالي و واطي عادي و لما تدفق الزيت بيزيد نتيجه للار بي ام العالي اكيد ضخ الزيت لازم يزيد علشان يغذي السبيكه بكمية زيت اكبر تعادل سرعه الاحتكاك فالسبيكه تبرد
نتيجه لكلامي اللي فات ده ... اللي حصل نتيجه لان مجاري الزيت اصلا مش نظيفه كفايه انها توصل كمية الزيت المطلوبه للسبيكه علشان تبرد نتيجه للاحتكاك العالي علي الار بي ام العالي و بالتالي حضرتك لما مشيت بسرعه علي أر بي ام عالي لفتره السبيكه مش واصلها زيت كفايه فاتحرقت و ساحت في البلوك و مافيش اي اضرار تانيه حصلت للمكنه
المجاري دي بتتسد نتيجه للاهمال في تغير الزيتو ان بيتمشي عليه كتير اوي فبيتحرق في المكنه طبعا و بيكون تكتلات و ده باين اوي في صورة الكارتير و هتلاقي نفس الكلام ده في الوش و كل جزء في المكنه كأنه زيت محروق و طالع عينه مشي فبيكون تكتلات في مجاري الزيت و يؤدي للي حصل ده لحضرتك
قدر الله و ماشاء فعل بس ده مش عيب زيت لكن في الاغلب عيب استهلاك من الملاك الاصلين للعربيه او المكنه الاستيراد اللي جت ماتفكتش و شافت حالتها من جوه ايه علشان مهم جدا انك لما تجيب مكنه استيراد تفكها من الكارتيره و تشوف الزيت اللي فيها عامل ايه و المكنه من جوه اخبارها ايه علشان دي بيكون سبب مهم انك تعرف استهلاك المكنه كان ازاي سواء سئ او جيد و تعرف الحاجات اللي لازم تبص عليها لما تدور المكنه

وعليكم السلام ورحمة الله وبركاته وطبعا يا فندم فاكر حضرتك وفاكر موضوع الانذار :)
وفعلا قدر الله وما شاء فعل والحمد لله على كل شئ
و بشكر جدا حضرتك فى الشرح المفصل
وبالنسبة للملاك ال2 قبلى فاحنا فى جروب واحد ونعتبر اصدقاء قبل ما يبقى فى بيع وشرا واتاكدت من حالة العربية خصوصا اننا بنتعامل مع نفس الميكانيكى " خبرة أكثر من 25 سنة من أيام التوكيل " وربنا يرزقه بيجيله عربيات من كل محافظات مصر نظرا لخبرته وحبيت اكد على النقطة دى
بالنسبة لمجارى الزيت فحالتها دلوقتى ان رقم 2و3 ساحت عليهم السبايك
وبالنسبة للحالة السابقة اعتقد ان لو كان فيها مشاكل كانت ظهرت اعراض معايا فى الشهر اللى كانت معايا العربية فيه ؟؟؟
وبالنسبة للمكنة الجديدة ده فعلا اللى حصل انها اتفكت كلها واتنضفت وركبت على نضافة الحمد لله :)