الموضوع: سير الكاتينة اتقطع - ابيزا 2000

معلش يا باشا فداك وان شاء الله تتظبط
ابقا طمنا

ربنا يعوض عليك يا باشا ويكفيك شرها اللهم آمين

الحمد لله غيرت وش السلندر والعربيه بقيت تمام
أن شاء الله هوافيكوا بالتفاصيل والصور بكره

Sent from my GT-I9500 using Forum Runner

السلام عليكم

اولا انا قررت انى اعمل الصيانة عند سيد عبده اللى عند التجنيد وعلية كلمتة وقطرت العربية يوم الاحد بالليل وبيتها قدام الورشة
يوم الاثنين الصبح ابتداى شغل فيها حوالى الساعة 11 واللى اشتغل صنايعى اسمة سيد - راجل كبير فى السن - بصراحة انا قولت ذى الفل المهم كل ماساله عن حاجة يقولى نفك ونشوف الاول المهم ساعة زمن كان فاكك ومطلع الوش برة ودى صورة وش السلندر بعد الفك


ودى صورة البلوكة الحمد لله








اول ما شوفت البلوكة قولت الحمد لله لان لو كان فى اى بوش فى البساتم كنت هاضطر انى اغير البلوكة كمان
المهم الاسطى سيد (الصنايعى) جاب سيد عبدة علشان يقول هنعمل ايه قال الخراط ومش الخراط قولتله لو تكلفة طقم الصباب و مصنعية الخراط هى ثمن الوش يبقى اشترى وش وانجز قال للصنايعى هو فى 5 صبابات بايظين (بالنظر) المهم انا قولتلة انى سالت على الوش وثمنة 600 جنية قاللى انا عندى وش فى الورشة فى ماكنة هيفكة ويركبة قولت مصلحة علشان تبقى بتاعته من الاول للاخر لو حصل حاجة لا قدر الله
ودا شكل الوش قبل وبعد التنظيف








وبعد كدة نظف البلوكة ودا شكلها بعد النظيف




وبعد كدة ابتدى يحط الجوان ويركب الوش ويقفل




وقفل كل حاجة ودور العربية على الساعة 3 وحط العربية على الجهاز ومسح كل الايرورز لكن عندى ايرور واحد بس مش فاكر هو اية ومخلى لمبة EPC مولعة على طول

والحمد لله اداء العربية ممتاز وافضل من الاول بمراحل

التكاليف
500 جنية الوش
75 جنية جوان
20 جنية سليكون وسنفرة وبنزين
200 جنية مصنعية

بعد ما روحت كان فى صوت وره اول مادوس بنزين بس مش عارف جاى منين لكن امبارح عديت على ميكانيكى جنب البيت معرفة بتاع فرنساوى وقالى ان صوت الورة الخفيفة علشان السير لسة جديد
مش عارف صح ولا لا لكن اداء العربية ممتاز والحمد لله