سير الكاتينة اتقطع

**Ahmed Mubarak** · 23-10-2013 04:21 PM

ظبط ميعاد ونتقابل يا صديقى

**hossamalsadik** · 23-10-2013 09:57 PM

الف مبروك يابو حميد

**Karim Ibiza** · 24-10-2013 12:14 AM

ألف مبرووك التصليح وان شاء الله تكون أخر حاجة وشكرا على التقرير

**Elawany13** · 25-10-2013 02:44 AM

مبروك ياباشا
انت جبت الوش وركبته على طول ؟
ولا غيرت كاوتش الصبابات ؟

**ehab_mansour** · 26-10-2013 10:42 AM

مبروك يا احمد بيه و للعلم فقط .... لو البلي عموما كان سليم و مافيهوش مشكلة قبل القصة دي و كذلك طلمبة المياة يبقي الصوت ده سبب المؤكد هو ان سير الكاتينة مشدود زياده عن اللازم و محتاج يتهوي شوية لأن ده حصل معايا قبل كده

شيك علي القصة دي و قلي بسرعه عشان جوانات الغطاء متبظش و يحصل تأكل في عمود الكامات

بالتوفيق

**ehab_mansour** · 27-10-2013 09:52 AM

المشاركة الأصلية كتبت بواسطة Ahmed Mubarak

اشيك ازاي ممكن توضح

Sent from my GT-I9500 using Forum Runner

فك الغطاء و شيك علي شد السير بمعني انك تحت طمبورة عمود الكامات و عند صعود السير و نزوله اضغط بصوابعك علي السير الطالع مع النازل و شوفه فيه نسبة ترييح و لتكن 5 مللي مثلا بيروح فيهم و ييجي معاك ولا مشدود جامد و مش بيريح معاك و اكنه محجر .... الموضوع فيه فنيات انت عارفها يا ابوحميد

**ehab_mansour** · 29-10-2013 09:26 AM

المشاركة الأصلية كتبت بواسطة ahmed mubarak

السلام عليكم

امبارح عديت على سيد عبدة علشان اشوف مشكلة الوره منين حيث ان كل حاجة من عندة (مونه واجره) يبقى هو اللى يفحص ويحدد المشكله فين
المهم مشوفتوش قدامى ولقيت الاسطى سيد اللى كان شغال فى العربية وسمعتة الصوت وللاسف
الاسطى سيد : مفيش صوت
انا: ياعم اسمع كويس
الاسطى سيد : مفيش يا بيه دا صوت ماكينة الباور
انا : لا غير الباور
الاسطى سيد: بص متخليش حد يشتغلك صوت عربيتك ذى الفل ومفيهاش اى حاجة
المهم لقيت ان الجدال مش هيفيد مع العلم ان الصوت موجود واتنين ميكانيكية اكدوا الصوت وقالولى السير مشدود

وكان عندى مشكلة كمان خليتة يبص عليها وهى ان لمبة الزيت بتنور وباسمع صوت الالارم (تيييت - تييت ذى بتاع المياة لما تنقص ) ودا بعد حوالى ربع ساعة او 10 دقائق من دوارة العربية ومنتظم كل 7 او 8 دقائق لحد مابطل العربية
المهم هو شيك على ساعة الزيت وقاللى ان الفيشة راكبة وكلة تمام وخلى كهربائى يبص عليها
وحاول تغيير الزيت والفلتر قبل ماتروح للكهربائى

مش مقتنع بموضوع انها كهرباء لان المشكلة جديدة لانها بعد تغيير الوش بيوم اوتنين

مستنى اسمع رأيكوا اية فى الكلام دا مع العلم اداء العربية افضل بكتييييييير من الاول بحمد الله

1- السير مشدود و ده سبق و اتكلمنا فيه و حاول تشوف حالك بعيد عنه لأنه طالما مش مقتنع يبقي مش هيعمل (و ده عيبه لو تفتكر تجربتي معاه بدون شغل )

2- لمبة الزيت بتنور ده معانه انها مش شايفه زيت قدامها يبقي احتمال يكون فيه سدد في الوش ده في مجاري الزيت او في الكوستبانات (اللي معرفش هيا فين ولا شكلها ايه اصلا لكن اسمع بوجودها ) و محتمل يكون ده عيب الوش و ممكن يتحل و ممكن لأ الله اعلم

المفروض انك تروحله يحطلك ساعة زيت تانية و تجرب اتحلت ماشي متحلتش يبقي يقلك تعمل ايه او يغيرلك الوش و التكلفة علي حسابه طبعا لأنه المسئول عن قطع الغيار و كل حاجه

-

-

-

الموضوع: سير الكاتينة اتقطع - ابيزا 2000

LinkBack

أدوات الموضوع

عرض

-

-

-

-

-

-

-

المواضيع المتشابهه

سير الكاتينة اتقطع يا جدعاااااااااااااان

سير الكاتينة اتقطع...وما بعد ذلك...

سير الكاتينة الجديد اتقطع في الويرا 2004

سير الكاتينة اتقطع!!

الكلمات الدلالية لهذا الموضوع

المفضلات

المفضلات

ضوابط المشاركة