الموضوع: اي سؤال عن الدبرياج ان شاء الله مستعد للاجابة

المشاركة الأصلية كتبت بواسطة elafify

السلام عليكم ورحمة الله وبركاته
اولا اشكر حضرتك على الموضوع الرائع دا

انا عربيتى نصر 128 موديل 1988
وعندى مشكلة من يوم ماجبت العربيه وانا تقريبا كل شهر او اقل لازم سلك الدبرياج يقطع منى ومش لاقى له حل وكمان سعات لما اركب سلك جديد تبقى دواسة الدبرياج خفيفه جدا وسلسه وسعات تانيه لما اركب سلك جديد بتبقى الدواسه اتقل شويه هى مش مشكله بس انا باحكى لحضرتك كل المعلومات المتاحه.

وشكرا لمجهود حضرتك

لو حضرتك بتغير سلك بس ولا سلك بالجراب لو كنت بتغير سلك بس يبقي غير السلك بالجراب افضل لاني بصراحة ما شوفت سلك ديبرياج النصر قبل كدة لكن علي كل حال هقولك بشكل عام احتمالات قطع السلك....
قبل ما تركب سلك جديد المفروض السلك يتزيت بزيت تقيل او ان كان ممكن اخراج السلك من الجراب يتشحم افضل
ثانيا نبه علي الفني يركب السلك الي حدما انسياببي مستوي من غير إنحناءات لتقليل نسبة الاحتكاك .
وان كان في نظام السلك مسماير رباط في اطرافه فمش لازم تربط بريطة مبالغ فيها
او ممكن نوعية السلك مش كويسة حاول تشتري افضل نوع..
في كمان في نهاية السلك ناحية الفتيس دراع حاول تزيته
الاحتمال الاخير اكشف علي الشوكة المركب عليها بلية الديبرياج و كمان يتشحم محاور الارتكاز
بمعني اشمل اي محاور ارتكاز و ازرع الحركة الناقلة لحركة الديبرياج لابد ان تتشحم بشكل غير مبالغ فية
وكمان متنساش رقلجة الديبرياج مهم جدا يعني يظبط الرقلجة و يسيب نسبة بوش خيفة بحيث لما تضغط ديبرياج للاخر ميكنش الشد علي السلك لدرجة انه يتقطع بعد ما يفصل الديبرياج
لو فني شاطر هينهي المشكلة
والنقطة الخاصة بيك انك تعود رجلك علي مسافة فصل الحركة علي بدال الديبرياج يعني مش شرط تضغط للاخر علي الديبرياج وهو فاصل حركة
وان شاء الله الامور تمشي في مسارها الطبيعي
بالتوفيق ابقي طمنا علي اخر التطورات

المشاركة الأصلية كتبت بواسطة mohamedtarrad

اولا شكراً علي الاهتمام و المساعده
المشكله الظهرت خلتني اغير الطقم هو ان العربيه و انا ماشي رفضت تاخد غيرات تماما فا الميكانيكي قالي هنغير طقم كامل
اما بنسبه للاسطوانه فا مش من الطبيعي انها تكون التيل خلص في اربع شهور مع العلم الدخنه دي ظهرت معايا اول ما ركبت الطقم و كنت طالع مطلع و سالت المكنيكي قالي الطقم بيطبع و هل دا من طريقه السواقه لو الإجابة اه يا ريت حضرتك تقولي الطريقه الصحيحة للمحافظة على الطقم الدبرياج مع العلم العربيه ممكن تتحرك من الغيار التاني و السحب طبيعي شكراً مقدما

اسف علي علي تأخري في الرد والله ماخدت بالي
والله مش عارف اقولك ايه علي موضوع ان الدخنه بسبب تطبيع الطقم لان ليل و نهار الديبرياج محدش قالي في دخنة لان بصراحة معرفش في مصر بيركبو اي نوع من التيل ....ان كان قالك الطقم بيطبع فمتحاولش تحرق الطقم بطلعات امركاني و سيب التطبيع يا خد وقته
علي كل حال طرق المحافظة علي الطقم انك تستخدم بدال الديبرياج للضرورة و ان شعرت انك هتنتظر في اشارة مثلا اكتر من 30 ثانية مور السيارة فورا....
اثناء الاقلاع ما تمشيش علي الغيار للاخر لغاية ما صوت المحرك يصرخ ...لا ...
يعني مرن نفسك ان rpm ما يعلاش عن 2 بسرعة ادعس دبرياج و غير للثاني وكذلك الغيار ال3 مع العلم اضغط ديبرياج و غير السرعة خلال 4 ثواني و متعلقش رجلك ابدا علي الديبرياج ...يعني سواقة هادية ناعمة سلسة مش بس للحفاظ علي الطقم انت كدة بتحافظ كل سيارتك
وطبعا حضرتك عارف تعشيق الغيار حسب السرعات او المطالع يعني الغيار المناسب للوقت المناسب
الجبر علي السيارة في الطلعات الامركاني و الخمسات كله دة من عمر الدسك و الاسطوانه و المحرك والخ .......
لو عملت كدة ان شاء الله موضوع مشاكل الديبرياج هتنساها
وان كنت غاوي الرياضة بسيارة فانصحك اشتري طقم سبورت
و الله الموفق

المشاركة الأصلية كتبت بواسطة skayroad

شكرا مهندس ياسر على موضوعك الرائع
عندي مشكلة ان بعد كل نقله اسمع صوت طقه يعني لما اشيل رجلي من الدبرياج و ازود بنزين اسمع طق وعشان اتجنب الصوت ده مشلشي رجلي من على الدبرياج للاخر و ازود بنزين ... شكرا

الشكر لله استاذ skayroad
لو المشكلة فقط من الدبرياج يعني مفيش مشاكل في الفتيس او المحرك ممكن تكون ترس الاسطوانة تآكل او سوسته مكسورة .
لو هتغيرها غير بالمرة الدسك و البلية
في رعاية الله

أنا عندي صوت خروشه بييجي من الفتيس مع بداية تشغيل العربيه ..وبعد العربيه ما تاخد درجة حرارة التشغيل العادية صوت الخروشه ده بيروح وبيتحول لصوت كركره كده خفيفة ..الصوت ده بقى بيروح لما أدوس على دواسة الدبرياج ..وبيبقى موجود لما أكون سايب دواسة الدبرياج ..الصوت ده موجود وهي العربيه في وضع المور أو وضع الحياد ..ولما ببقى ماشي على الأول ومش دايس بنزين..يعني سايب العربيه ماشيه بقوة دفع السلانسيه بتاع المحرك بسمع زي صوت ترس بيخبط في حاجه كده ..بس الصوت ده بيروح ويرجع كده بسرعة ...

في ناس قالولي حط زيت تقيل ..حطيت زيت تقيل ما نابني غير إن صوت الكركره اللي أنا بقول عليه بقي تخين وعصاية الفتيس بقت تقيلة

نزلت الزيت التقيل وحطيت زيت خفيف تاني

في ناس بتقول دي بلية دبرياج ..بس اللي أعرفه إن بلية الدبرياج تعمل مشكلة لما تدوس على الدواسة مش لما تشيل رجلك من على الدواسة

في ناس قالت دي بلية دريك .أنا أصلا معرفش إيه هي بلية الدريك

ياربت الإفادة وجزاك الله خيرا

قبل ما أنسى ..مفيش عندي مشكلة في السحب ولا في أي حاجه ولله الحمد

المشاركة الأصلية كتبت بواسطة m_m_sh_a

أنا عندي صوت خروشه بييجي من الفتيس مع بداية تشغيل العربيه ..وبعد العربيه ما تاخد درجة حرارة التشغيل العادية صوت الخروشه ده بيروح وبيتحول لصوت كركره كده خفيفة ..الصوت ده بقى بيروح لما أدوس على دواسة الدبرياج ..وبيبقى موجود لما أكون سايب دواسة الدبرياج ..الصوت ده موجود وهي العربيه في وضع المور أو وضع الحياد ..ولما ببقى ماشي على الأول ومش دايس بنزين..يعني سايب العربيه ماشيه بقوة دفع السلانسيه بتاع المحرك بسمع زي صوت ترس بيخبط في حاجه كده ..بس الصوت ده بيروح ويرجع كده بسرعة ...

في ناس قالولي حط زيت تقيل ..حطيت زيت تقيل ما نابني غير إن صوت الكركره اللي أنا بقول عليه بقي تخين وعصاية الفتيس بقت تقيلة

نزلت الزيت التقيل وحطيت زيت خفيف تاني

في ناس بتقول دي بلية دبرياج ..بس اللي أعرفه إن بلية الدبرياج تعمل مشكلة لما تدوس على الدواسة مش لما تشيل رجلك من على الدواسة

في ناس قالت دي بلية دريك .أنا أصلا معرفش إيه هي بلية الدريك

ياربت الإفادة وجزاك الله خيرا

قبل ما أنسى ..مفيش عندي مشكلة في السحب ولا في أي حاجه ولله الحمد

شوف يا سيدي لو عربيتك ديزل كنت هقولك الفلاويل اي ترس الفولام
افهم الاول يعني ايه صوت خبيط في العربية إما شئ مش مربوط او في بوش في شئ ما زي شافت الفتيس،او الكرنك ، بلية او قاعدة كاتشوك ،،،، الخ او قواعد المحرك اي القطع الكاوتشوك المثبت عليها المحرك.........الخ
اولا اسبتعد بلية الدبرياج و اكشف علي بلية الدريك
ثانيا لو عربيتك حديثة و فيها فلاي ويل flywheel متحرك اي فية سستم بداخلة فمكن يكون هو اللي عاطي الصوت
ثالثا اكشف علي قواعد الموتور
رابعا اكشف علي بليات الكرنك في الموتور

بلية الدريك دي اللي مرتكز فيها عمود او شافت الفتيس اللي خارج من الفتيس و اللي اخره بيركب علية الاسطوانة اي عمود همزة الوصل بين المحرك و الفتيس
لما بتدوس دبرياج بيروح الصوت لانك فصلت حركة المحرك عن الشافت فبالتالي بلية الدريك توقفت الشغل و الدوران...
اما موضوع تغير زيت الفتيس دة كلام فارغ و دي مسكنات مش علاج و خليهم يحاولوا يعارو الزيت لا يكون زايد او ناقص يسببلك تقل الغيارات ورقلج الدبرياج عشان تقل الغيارات
شوف رد علينا باخر التطورات للمصلحة العامة للجميع
في رعاية الله

المشاركة الأصلية كتبت بواسطة ahmed pro

السلام عليكم
سوزوكى سويفت 94
انا زودت الفتيس زيت تقيل الغيارات تقلت والفتيس حجر وكانت حكايه وبعدين نزلت الزيت وحطيت زيت بتاع الكتالوج الغيارات اخف من الاول وكويسه بس مش زى الاول كانت من لمسه تاخد الغيار اما الوقت لازم افضل مع العصايه لحد ما تاخد الغيار مع العلم انى عاليت الدبرياج وحاسس ان العبيه مش بتسحب زى الاول كانت مضبوطه جدا ارجو الفاده

وعليكم السلام
بص يا اخي ما عليك انك تصبر شوية علي الزيت الجديد لان تغيره مره تانية مش مجدي
حاول تظبط التيش عصاية الفتيس إن امكن
اما موضوع السحب فدة اذا لم يكن مشاكل تانية يبقي غير دسك و اسطوانة
بالتوفيق