الموضوع: اي سؤال عن الدبرياج ان شاء الله مستعد للاجابة

المشاركة الأصلية كتبت بواسطة amr el sayed

السلام عليكم و رحمه الله و بركاته

ارجوك افيدنى ضرورى ، انا عندى يارس 2007 مانيول كنت بحس بدردره على الاول و التانى لما اجى انئل لدرجه ساعات العربيه بتبطل و بعدين غيرت طقم الدبرياج كله و دلوئت بحس بنفس الرعشه ، عليت شويه الدبرياج بس لسه فى الدردره على الاول و التانى و المرشدير، ممكن يكون العيب ايه، ارجو الافاده ضرورى و شكرا لك

علي ما اعتقد انك غيرت الدسك و اﻻسطوانة فقط بس الفوﻻم ماغيرتهوش لو الاجابة نعم يبقي كان ﻻزم عليك تنزل الفوﻻم مخرطة وتمسح مرايته. دة لو عيب ديبرياج و اقصي خرط من مرايته 0.3 من الملي و تعرف ان عيب ديبرياج لو ان علي المور و دعست ديبرياج و راح الصوت
الاحتمال التاني شافت الفتيس او العمود اللي بيخرج من الفتيس و يركب عليه الاسطوانة ممكن يكون فية رفة او غير مستقيم فيؤدي لرجة و ممكن تحسها اثناء ضغط علي دواسة الديبرياج.
الاحتمال الثالث من بليات او سبايك عمود الكرنك في الموتور.
قبل كل دة اعرض العربية علي اكتر من ميكانيكي و استقر علي ميكانيكي شاطر جايز الموضوع ابسط من كل دة ..لان صادف مشكلة زي عربيتك و في اﻻخر طلع المشكة في اسلاك ببوبينة البيجوهات

المشاركة الأصلية كتبت بواسطة mohamedtarrad

السلام عليكم
انا عربيتي جولف 3 غيرت طقم دبرياج دسك و اسطوانه و بليه و ترس فلام و كنت شاري طقم الدبرياج ساكس المهم الميكانيكي قالي دا لوك بس كويس برده و ركبه من 4 شهور المهم من سعتها و انا لو حملت بنزين مع نص دبرياج العربيه بطلع دخنه من عند الفتيس ناس قلتلي دا طقم الدبرياج راكب غلط و ناس قلتلي طبيعي و انا بكون مضطر اعمل كدا عشان بطلع الجراش بضهري و علطول بتجيب دخنه
شكراً مقدما

اخي الفاضل كل من لوك و ساكس شركات المانية لكن لوك اكتر انتشار في جميع انواع السيارات الالماني و غير الالماني لكن شركة لوك اكثر قوة ...
دة لو تاكدت ان الدخنة وريحة شياط فعلا من الديبرياج......
الدخنة و ريحة شياط غالبا من الاسطوانة..بسبب طريقة القيادة لان في ناس دايما رجلهم علي الديبرياج والبنزين عمال علي بطال فبالتالي دايما يحرقو الاسطوانة ..و الريحة و الدخنة و قلة السحب في الطبيعي بسبب تيل الاسطوانة اقل من المطلوب او استهلك
والظاهر عندك العيب من الاسطوانة لانك في نص دعسة البدال مش من تحت العربية بتطلع و دة معناة تيل الاسطوانة اقل من المطلوب او التيل تآكل و المفروض ان الديبرياج يفصل نهائي تحت و يبدأ شتغل بردو من تحت يعني لما تدعس البدال للاخر وتبدا ترفع رجلك او العكس ...اما حكاية ان العربية تطلع معاك من نص الدعسة معناه ان تخانة تيل الاسطوانة مش مظبوط .. وكل ما عليت دعسة البدال او مفيش سحب مهناها ان تخانة الاسطوانة بتقل و المفروض تغير التيل او اسطوانة..
اما لو الاسطوانه مركبه غلط فتسمع صوت احتكاك وتآكل حديد في بعض و حتي و لو مقلوبة مش هيديك دخنة ولا ريحة
الحل انك تتاكد ان الديبرياج مش محتاج رقلجة والرقلجة من الوايرلو كان واير او الشوكة المركب عليها البلية لو تمام يبقي تغير التيل او الاسطوانه كلها بتخانة اكبر0.7 ملي لاما تفك كل الطقم و تخرط حوالي 0.6 من اطراف الفولام مكان تثبيت الدسك هتلاقي 6 اخرام مقلوظة اماكن مسامير الدسك و 3 بنز مثبتين علي اطراف الفولام
بس الاهم انك تلاقي واحد بتاع ديبرياج متخصص عشان يجربلك الطقم خارج السيارة و يخرط المطلوب بالظبط لكن الميكانيكي ما هو الا فك و اربط و خلاص .... عامة لو فكيت السيارة قبل ما الميكانيكي يفك الدسك من الفولام خلية يشوف شوك الدسك لو بارزين وعاليين يعني التيل قليل فعلا والطبيعي ان شوك الدسك مستويين و متوازين مع مراية الفولام.
الشئ اللي كنت عايز اعرفة ايه المشكلة اللي خلتك تغيير كل الطقم مش الاسطوانة فقط؟
وايه اخبار سحب العربية؟
منتظر اخبارك
بالتوفيق