الموضوع: اي سؤال عن الدبرياج ان شاء الله مستعد للاجابة

المشاركة الأصلية كتبت بواسطة ahmad550

العربية لما تكون واقفة مش بتقبل النقلات الا لو فضلت دايس علي الدبرياج فترة أكتر من 10 ثواني
وبعد مشوار لما تكون سخنت مش بتقبل نقلات خالص وبضطر اني اتعافي علي الفتيس عشان ادي الغيار الاول وبسمع صوت تخبيط تروس لما احاول انقل علي الغيار العكسي
كل ده لما تكن العربية واقفة لكن اثناء الحركة مش بيحصل الكلام ده(احيانا عضة في الغيار التاني وصعوبة اني ارجع للمور لما اكون علي الخامس)
وبردو لو الفتيس علي الاول والعربية واقفة بيكون صعب اني ارجع للمور
احيانا لما ادوس بنزين زياده قبل ماارفع الديبرياج صوت الماتور يكون عالي والسحب يتأخر (غالبا في الغيار التالت والرابع)
غير كده السحب كويس وبوصل لسرعة 140 عادي
العربية لادا 2107
الديبرياج باكم
كنت عملت موضوع قبل كده في قسم اللادا
http://www.nilemotors.net/nile/385112-a.html
ووصلت الاراء الي ان اجرب اغير زيت الديبرياج الاول بس كل مااروح لميكانيكي يقولي ديسك واسطوانة
هل ممكن اغير الزيت بنفسي ولا يفضل ادور علي ميكانيكي فاهم ولا المشكلة مش في زيت الباكم
ارجو الافاده ولكم جزيل الشكر

احتمال عندك المشكلة من غوايش الفتيس نفسة او الديبرياج ...بس الديبرياج مايديش تخبيط الا اذا كانت حاجة في الاسطوانة او الديسك مكسورة ..من الافضل تفك و تكشف عليهم اما موضوع زيت الديبرياج صعب انك تغيرة وحدك لازم صنايعي و عدة و تخريج هوا و حكاية
و موضوع انك تدوس كتير عشان تركب الغيار فممكن من الدسك مش شغال كويس او اثناء الضغط علي الدواسة مرايته ما بترجعش و يفصل حركة ...لاما ماستر الدواسة ..لاما شوكة المركب عليها البلية مشعورة يعني فيها كسر..يلزمك صنايعي فاهم ..اعرضها علي ميكانيكي فاهم و خليك فاكر احتمالات الاعطال اللي قلناها
بالتوفيق منتظرين نتائج صيانتك للعيب لتعم الفايدة للجميع

المشاركة الأصلية كتبت بواسطة gamal.majdy

السلام عليكم،
لو سمحت انا عندى مشكلة غريبة اوى ، و غيرت سبعة فتايس بسببها و لسة ام تحل،
عربيتى ستروين c4 مانيوال كوبيه ، و من حوالى سنة ، و بعد مشوار سفر طويل بدأ الفتيس يطلع صوت تكتكة او خشونة جامد اوى ، و الصوت ده بروح مع دوسة الدرياج ، فاتاكدت انها مش بلية دبرياج لان المفروض لو بلية العكس هو اللى يحصل ، و اتحسرت الخيارات فى التالى :
زيت فتيس
بلية الدريك
غوايش فتيي
و بعد ما تم التاكد من زيت الفتيس و مع استمرار المشكلة ، نصحونى بتغيير الفتيس ، و هنا ابتدت المعاناه ، بعد كذا فتيس استقريت على واحد ، و بعد اول مشوار سفر حوالى 100 كيلو ، رجع نفس الصوت ، فقالولىنفك الفتيس و نغير بلية الدريك ، و بالفعل الصوت خف ،بس بعد كده رجع تانى ،فرجعت تانى و قالولى ان السبب مجموعة الخامس و الفتيس و محتاجين تغيير لا الزيت بيكون فى الاول ضغطه منخفض فبيعمل الرجة و الدربكة ده ، ، فغيرتهم و الصوت اختفى تانى ، و بعد كام مشوار تانى بدا الصوت يتكرر تانى ، بس و العربية باردة و ببروح اول ما ما بدوس على الدبرياج او العربيةتسخن . علما بان مع رحلة التصليح تم تغيير طقم درىاج كامل اصلى و البلية ، و علما بان الزيت المستخدم زيت 90 ،
ارجو الافادة بالسبب و علاجه ، جزاك الله خيرا .

والله يا اخي ان مشكلتك متشابكة في بعض ... بس هكلمك من ناحية تخصصي و هو الديبرياج فقط و هحاول اعرض لك بعض احتمالات يمكن تفيدك ...من ناحية الديبرياج ان صوت رجة فممكن يكون من الاسطوانة ..احيانا سوست الاسطوانة بتكون قاسية شوية فلا تتمكن من امتصاص الصدمات من المحرك و الفتيس فتدي صوت نقرة يضيع لما تدوس علي دواسة الديبرياج بس دة احتمال بعيد عندك في عربيتك..
واحيانا قواعد المحرك و الفتيس المطاطية لو قاعدة نشفت تدي نفس العيب .... واحيانا بتكون بلي او جيلب في الفتيس بتكون مبوشة .... فيلزمك تغيير زيت الفتيس بزيت باعلي كثافة و كمان في مادة ممكن تضيفها علي الزيت مخصصة للعيوب دي مش عارف موجود منها في مصر ولا لأ ...
لكن اعتقد و الله اعلم من قواعد الفتيس المطاطية ...لكن حاول تعرض العيب علي اكتر من ميكانيكي شاطر و شوف رايهم منحصر فين و مستعجلش في الفك لغاية ما تطمئن لميكانيكي تحس انه فاهم و بضمان منه يسلمك العربية و لو اي شئ ترجعله تاني ....لاما تروح التوكيل
ان شاء الله تشخص العيب باقل التكاليف
بالتوفيق

المشاركة الأصلية كتبت بواسطة bergkamp

وانا بهدى على مطلع وادى الاول وانا برفع رجلى من على الدبرياج بحس بهبده من ايه ده؟؟؟

افحص اسطوانات السيارات البنزين 90% منهابيكون فيها ستسم وسوست ودفاعات تحميالسوست احتمال يكون سستم الاسطوانة انتهي بيدي نفس العيب دة . و بالمرة افحص مرايا الدسك و الفولام مستوية اي مش مقعرة من الاحتكاك و يتم دة بمسطرة حديد علي سطح المرايا هيبانلك بالعين و لو غير مستوية نزلها المخرطة لمساواة اسطح المرايا .. ده من عيبوب الديبرياج حيث لاتكون عيوب تانية في الفتيس او قواعد المحرك

المشاركة الأصلية كتبت بواسطة mirra

معايا لادا 2107 موديل 2007 و مغير طقم دبرياج لسه..مشكلتى ان مع المشى و سخونه العربيه بحس بعضه و صعوبه فى التعشيق و فك التعشيق فى الغيارات ..الميكانيكى علا الدبرياج شويه لكن برضه المشكله موجوده..ما الحل؟؟؟

اكشف علي زيت الفتيس الاول و اهم شئ ميكنش زايد او ناقص و حاول تعرف من مﻻك زي عربيتك انواع الزيت المستخدة
ثانيا حاول تظبط رجلك علي المسافة التي يفصل فيها الديبرياج ... يعني تدور العربية و دوس ديبرياج للاخر وارفع رجلك سنه سنه و حاول تنزل الاول و ترقلش برجلك لغاية ماتعرف فين افضل مسافة بنزل الغيار فيها.
اما الدبرياج مظنش بعد تغيره يسبب نفس المسكلة لكن احيانا المشكله تكون المشكلة من الشوكة اللي مركب عليها بلية الدبرياج احيانا بتكون مشعوره او شرخ مايظهرش اذا مكنتش هيدرولك ..
ثالثا و المهم ماتحاولش تسخن الدسك بضغطك علي الديبرياج بلزمة و من غير لزمة ﻻنه لو سخن مابيأديش وظيفته في الفصل.

وبالتوفيق ان شاء الله

السلام عليكم
دايو 99
مع الكتر المشى فى الزحمه الدبرياج بيفصل تماما بيكون فى الدواسه ولما العربيه تبرد يشتغل تانى
ده دبرياج علوى ولا سفلى ولا ايه ؟