الموضوع: اي سؤال عن الدبرياج ان شاء الله مستعد للاجابة

السلام عليكم
بشمهندس ياسر جزاك الله خيرا علي الرد والشرح الوافي
مع التجربه والكشف علي العربيه تاني الصوت طلع من الفتيس نفسه مش من الموتور وبيبقي ظاهر والعربيه
بارده وبعد كده بيختفي ورد الميكانيكي علي الموضوع ده ان دا صوت تروس الفتيس وظهرت لما غيرنا زيت الفتيس لان الزيت الي حطناه مش زي بتاع الفبريكه
طبعا وقالي حلها اما نحط نص كيلو زيت تقيل 140 او نحط اضافه ابرو او ليكوي مولي علي الزيت ونجرب ,,,,,, وبالنسيه للتكه او الطقه بيقول احتمال يكون من الدسك عشان مش اصلي ...
فما رأي حضرتك في الكلام ده ....... وربنا يبارك فيك

اولا جزالك الله خيرا على الموضوع الجميل و المعلومات القيمة
ثانيا
استفسار بسيط
العربية سحبها ضعيف على جميع الغيارات لحد rpm 3 وبعد كدة تبدأ تسحب ببطء
يعنى rpm بيرفع بسرعة ومفيش سحب ولما يوصل ل 3 تبدا العربية تسحب ولكن ببطء شديد
ها ممكن يكون طقم الدبرياش السبب ولا اية ارايك

المشاركة الأصلية كتبت بواسطة ياسر ابراهيم

اخي الفاضل كل من لوك و ساكس شركات المانية لكن لوك اكتر انتشار في جميع انواع السيارات الالماني و غير الالماني لكن شركة لوك اكثر قوة ...
دة لو تاكدت ان الدخنة وريحة شياط فعلا من الديبرياج......
الدخنة و ريحة شياط غالبا من الاسطوانة..بسبب طريقة القيادة لان في ناس دايما رجلهم علي الديبرياج والبنزين عمال علي بطال فبالتالي دايما يحرقو الاسطوانة ..و الريحة و الدخنة و قلة السحب في الطبيعي بسبب تيل الاسطوانة اقل من المطلوب او استهلك
والظاهر عندك العيب من الاسطوانة لانك في نص دعسة البدال مش من تحت العربية بتطلع و دة معناة تيل الاسطوانة اقل من المطلوب او التيل تآكل و المفروض ان الديبرياج يفصل نهائي تحت و يبدأ شتغل بردو من تحت يعني لما تدعس البدال للاخر وتبدا ترفع رجلك او العكس ...اما حكاية ان العربية تطلع معاك من نص الدعسة معناه ان تخانة تيل الاسطوانة مش مظبوط .. وكل ما عليت دعسة البدال او مفيش سحب مهناها ان تخانة الاسطوانة بتقل و المفروض تغير التيل او اسطوانة..
اما لو الاسطوانه مركبه غلط فتسمع صوت احتكاك وتآكل حديد في بعض و حتي و لو مقلوبة مش هيديك دخنة ولا ريحة
الحل انك تتاكد ان الديبرياج مش محتاج رقلجة والرقلجة من الوايرلو كان واير او الشوكة المركب عليها البلية لو تمام يبقي تغير التيل او الاسطوانه كلها بتخانة اكبر0.7 ملي لاما تفك كل الطقم و تخرط حوالي 0.6 من اطراف الفولام مكان تثبيت الدسك هتلاقي 6 اخرام مقلوظة اماكن مسامير الدسك و 3 بنز مثبتين علي اطراف الفولام
بس الاهم انك تلاقي واحد بتاع ديبرياج متخصص عشان يجربلك الطقم خارج السيارة و يخرط المطلوب بالظبط لكن الميكانيكي ما هو الا فك و اربط و خلاص .... عامة لو فكيت السيارة قبل ما الميكانيكي يفك الدسك من الفولام خلية يشوف شوك الدسك لو بارزين وعاليين يعني التيل قليل فعلا والطبيعي ان شوك الدسك مستويين و متوازين مع مراية الفولام.
الشئ اللي كنت عايز اعرفة ايه المشكلة اللي خلتك تغيير كل الطقم مش الاسطوانة فقط؟
وايه اخبار سحب العربية؟
منتظر اخبارك
بالتوفيق

اولا شكراً علي الاهتمام و المساعده
المشكله الظهرت خلتني اغير الطقم هو ان العربيه و انا ماشي رفضت تاخد غيرات تماما فا الميكانيكي قالي هنغير طقم كامل
اما بنسبه للاسطوانه فا مش من الطبيعي انها تكون التيل خلص في اربع شهور مع العلم الدخنه دي ظهرت معايا اول ما ركبت الطقم و كنت طالع مطلع و سالت المكنيكي قالي الطقم بيطبع و هل دا من طريقه السواقه لو الإجابة اه يا ريت حضرتك تقولي الطريقه الصحيحة للمحافظة على الطقم الدبرياج مع العلم العربيه ممكن تتحرك من الغيار التاني و السحب طبيعي شكراً مقدما

المشاركة الأصلية كتبت بواسطة ياسر ابراهيم

عامة خليك معاه و شوف موضوع الزيت مبديا وشوف النتايج و بعدين نشوف موضوع الدسك مع ان مش من عيوب الدسك الطقة دي حتي لو مش اصلي لان الدسك التقليد عيبه ضغطه اضعف و احيانا بيدي رجه و يستهلك بسرعة
منتظر وصلت لايه

ان شاء الله هجرب موضوع الزيت ده وهشوف الصوت هيروح ولا لا وهبعت لحضرت النتايج .
وبشكرك تاني علي اهتمامك وربنا يباركلك

غيرت دسك و اسطوانه و بليه و فرش و غيرت زيت الفتيس كله بس ظهر صوت نحره بتروح لما بحمل دبرياج للاخر و الاهم الفتيس تقل شويه بس الغيار الاول بالزات بقا بيعض جامد لدرجة ان لازم احاول كذا مره و اللي مجنني انه ساعاا بيبقا حلاوه و ساعات يقفش