الموضوع: اي سؤال عن الدبرياج ان شاء الله مستعد للاجابة

المشاركة الأصلية كتبت بواسطة mseldin63

طيب انا غيرت الفورش وطقم دبرياج وبليه بالمره بس العربيه تقيله شويه مش خفيفه زى الاول مش عارف ليه ممكن تطمنى؟

https://www.google.lt/search?q=clutc...w=1093&bih=248

اكيد كويس جدا انك غيرت الطقم لان بصراحة ما اشجعش لحام الشوكة او الفورش او ...clutc frok
احيانا بتيجي حديد ظهر هيكون لحامها خطر لو انكسرت داخل الفارغة
اما التقل حضرتك لم توضح هل التقل في البدال لا العربية عامة ؟
عامة هفترض انك تقصد التقل في البدال او الديبرياج
اولا طالما الدسك او pressure plate جديد اكيد هكون اقوي من حيث صلابة سوسته لسة ما اكلتش حرارة فممكن التقل يكون طبيعي
ثانيا ممكن من الواير و هي الغلطة الابدية اللي بيعملوها المكانيكية و هي عدم تزييت الواير حتي ولو جديد و التزييت لازم بزيت تقيل عشان احتكاك سلك الواير بالجراب
ثالثا نصيحتي الدائمة لا تستعمل بدال الديبرياج الا عند الضرورة و في الزحام او الانتظار اكتر من نص دقيقة لابد ان تقف علي المور وريح رجلك و حافض علي الواير و الدسك و البلية لانك طالما انك في الانتظار بتضعف الدسك وبتسخنة و كذلك البلية بتقصر من عمرها هي و الشوكة
الحل المبدئي لو امكن ارجع للميكانيكي و خلية يفك الواير و يزيته بطريقة عمودية و جزء الرابط بين نهايات سلك الواير مع البدال و الشوكة يحتاج شحم للتقليل من احتكاك الحديد في بعض .
كذلك للحفاظ علي الشوكة و الواير من القطع و الكسر عليك بالتجربة دي
دور العربية و دوس دبيرياج ببطئ شديد و ايدك علي علي الغيار الاول لغاية ما يعشق الغيار عندها تعرف برجلك المسافة المثالية لبدال الديبرياج و تظبط و تدريب رجلك علي المسافة دي لكن الضغط علي البدال للاخر غلط هتكسر الشوكة او الفرش وهتقطع الواير تاني و الضغط قليل غلط لاني لاحظت من شكواك انك بتغط علي البدال اكتر من اللازم و لذلك انقطع منك الواير و انكسرالفورش والله اعلم
اتمني لك التوفيق حل المشكلة
بالتوفيق

السلام عليكم ورحمة الله وبركاته
عربيتى سبورتاج موديل 2000
الدبرياج باكم وفيه مشكله
ان لما اكون فى اشاره او واقف بالعربيه فتره طويله
وسايب الغيار على المور
بلاقى الدبرياج فصل يعنى ادوس عليه زى ما بدوس على الهوا
غيرت البليه والدبرياج والديسك بنوع اصلى
وبرضه نفس المشكله موجوده
ومره فتحت الكبوت ورشيت ميه على ماستر الدبرياج وعلبة الزيت
لاقيت الدبرياج اشتغل تانى عادى خالص
يا ترى ايه مشكلته
جزاكم الله كل خير

المشاركة الأصلية كتبت بواسطة a7medsh3rawi

السلام عليكم ورحمة الله وبركاته
عربيتى سبورتاج موديل 2000
الدبرياج باكم وفيه مشكله
ان لما اكون فى اشاره او واقف بالعربيه فتره طويله
وسايب الغيار على المور
بلاقى الدبرياج فصل يعنى ادوس عليه زى ما بدوس على الهوا
غيرت البليه والدبرياج والديسك بنوع اصلى
وبرضه نفس المشكله موجوده
ومره فتحت الكبوت ورشيت ميه على ماستر الدبرياج وعلبة الزيت
لاقيت الدبرياج اشتغل تانى عادى خالص
يا ترى ايه مشكلته
جزاكم الله كل خير

افحص دورة زيت الديبرياج و مواسير السستم و خاصة ماستر بدال الديبرياج
ممكن يكون الماستر محتاج تنظيف وياريت تنزل زيت السستم و تغيره
ركز علي تنظيف الماستر في اﻻول ﻻنه عبارة بستم وسوسته و اولسيد .مش عايز اكلفك واقولك غيره ﻻنه ممكن يتنظف
ودة الاحتمال الاكبر في المشكة هو الزيت و الماستر
حاول و بلغنا بالنتائج للفايدة العامة للناس
بالتوفيق ان شاء الله

المشاركة الأصلية كتبت بواسطة mo3tazanas

انا عاندى مشكلة فى عربية ماتركس غيرت ديسك واسطوانة ومن ساعة ما غيرتهم والعربية بترجرج فى الزحمة او بالتحديد لما بمشى على الغيار الاول

في حاجة مش مربوطة كويس ﻻن الدسك وﻻ الاسطوانة ﻻ تعطي العيب دة ارجع للصناعي اللي ركبهم و خلية يشيك علي المسامير اللي فكها لما غيرلك الطقم و يراجع علي مسامير و قواعد الفتيس و لو جد اي مسمار ناقص يركب غيرة ... دي عيبوب تركيب و تقفيل ان لم يوجد اعطال تانية بتدي نفس العيب زي دورة البنزين و الانجكشن او الكربرتير او عيوب في البوجيهات او الاسلاك من الموبينة للبوجيهات و خاصة اماكن التلامس او الاغطية المطاطية اعلي البوجيهات احيانا بتسرب كهربة للارضي فيؤدي لرجة
راجع اﻻول علي كهربة البوجيهات ثم دورة البنزين سواء انجكشن او كربرتير و اخير مراجعة الاجزاء اللي فكها الميكانيكي اثناء تغيرة للدسك و الاسطوانة واتمني انك لما غيرت الاسطوانة تكون غيرتها بوحدة اصلية و بها 4 سوست او اكتر مش اسطوانة بدون سوست .
بالتوفيق منتظر منك النتائج عشان الفايدة العامة للناس

المشاركة الأصلية كتبت بواسطة mseldin63

شكرا لحضرتك ولاهتمامك انا المشكله انى حاسس بعد تغير الفورش وطقم الدبرياج ان سحب العربيه مش زى الاول وسؤالى ممكن يكون تطبيع الاسطوانه والدسك بياخد وقت انا غيرت الخميس بليل بس فى المطالع كويسه لكن السحب فى السرعه حاسس انا العربيه تقيله شويه
كمان لما الفورش اتكسر وعلشان اوصل للميكانيكى مشيت مشوار كبير من غير دبرياش وافتيس اقفش فى التالت وماكنش عاوز يفك بسهوله ومن بعدها بقىالتالت صعب جدااااا والتانى كمان بس مع المشى التانى رجع طبيعى والتالت لسا بيعض فى النقلات اسف للاطاله وشكرا للاهتمام

عامة امشي عادي بالعربية و متحاولش تحرق في الديبرياج عشان يتطبع ﻻنك ممكن تفحم الاسطوانة و تحرق الفركشن ماتريال او التيل ..عندها هتتطر تغير اﻻسطوانة
الحل الامثل انك ترجع للميكانيكي خلية يرقلش شوية الواير بالفورش او تسوق طبيعي واصبرلك اسبوع 10 ايام و نشوف و متجربش علي الديبرياج و مسئلة التطبيع لو تيل اﻻسطوانة صناعة رديئة يحتاج وقت عشان يتطبع لكن فكة مرة تانية مش مجدي خسارة اصبر شوية عليه
في شئ تاني بس اعتقد ﻻ ينطبق عليك اللي هو بعد تغيير الديبرياج مسافة الكبسة برجلك علي الدييرياج بتختلف شوية بمعني ان الديبرياج القديم كان يفصل حركة في التلت االعلوي في البدال اثناء ضغطك علي الديبرياج و الان اصبح في التلت السفلي للبدال ...هيعوز شوية وقت لتعويد رجلك علي الوضع الجديد ....دة من باب العلم بالشئ
بس ابقي طمنا عشان الفايدة العامة للجميع
بالتوفيق