الموضوع: اي سؤال عن الدبرياج ان شاء الله مستعد للاجابة

الف شكر ياباشمهندس مساعدتك العظيمةللاعضاء وانا مع الاسف اعانى مشكلة صعبة جدا

من حوالى اسبوع قررت اغير الديسك والاسطوانة البلية لان السيارة نوعا ما كان سحبها ضعيف شوية السيارة مازدا فاميلى 97 ماتور 1500ccوبالفعل نزلت اشتريت الديسك والبلية والاسطوانة وكانو يابانى اصلى لكن مع الاسف لم اجد الديسك الاصلى رغم اللى كان راكب مش اصلى كان مكتوب علية كيا بعد البحث وجدنا ديسك الاكسنت 1500 هو هونفس الدسكاللى كان راكب ماعدا ابعاد المسامير كانت مش مظبوطة المهم رحنا للخراط وظبط ابعاد المسامير على الديسك القديم مش على الفلام رغم انى عرفت بعد كدة المفروض الميكانيكى كان يفك الفلام والخراط بيظت الفلام على الديسك وتم التركيب بنجاح وبعد التجربة العربة شعالة تمام فى تحسن فى السحب وفوجئت تانى يوم ان عصاية الدبرياج تقيلة فى النقل وخاصة فى الاول والثالث وعند رحوع السيارة مرشدير للخلف النقلة تفك وتبقى سلسة والغريب ان عند تبطيل السيارة النقلات تفك وبتبقى ناعمة وسلسة والموضوع دة بيحصل لما العربية تسخن ودايرة رجعت للميكانيكى قالى السيارة تمام المشكلة فى ماستر الدبرياج العمومى عايز يتغير صراحة انا لم اقتنع بكلامة لان السيارة قبل تغيير طقم الدبريج مكانشى فيها حاجة وعملت طقم اصلاح ماستر دبرياج عمومى وركب سوستة لدوسة الدبرياج تتعب الرجل من تقلها وبالفعل تم وتوجهت الى ميكانيكى اخر لعرض المشكلة بعد ماجرب السيارة قالى ان المشكلة يابا شا مش فى ماستر الدبرياج فى الديسك اللى راكب جديد لانة مش مظبوط لانة مش بتاع السيارة والمفروض ان عصاية النقلات تكون سلسة فى النقل ودة مش موجود وطلب فك الفتيس من جديد واحضار الديسك القديم علشان يقارنوا بالجديد علشان يجيب واحد تانى واكد لى انى حاستلم منة العصاية سلسة وناعمة لدرجة انة قالى متدفعشى اى فلوس مصنعية الا لما تستلم العربية صراحة محتار وحتبقى فى مصاريف فك وتركيب تانى وشغالة تانية علما انى نسيت اخبر المكيانيكى التانى ان السيارة بتظبط وبتنقل عادى عند تبطيل السيارة علاوة انى اكتشفت حاجة النهاردة عند حدوث تقل الدبرياج والعربية دايرة كالعادة عند الدوس على دوسة الدرياج للاخر
ورفع الدوسة سنة الدبرياج يفك وينقل عادى
خليت المكانيكى يشيل السوستة اللى رافعة الدواسة متقلها العصاية قفشت خالص ومش عايزة تجيب نقلات ركبت السوستة مرة اخرى رجع المشكلة كما هى مرة الدبرياج يعلق ومرة يبقى ناعم جدا علاوة ان فى زنة غريبة احيانات تظهر فى عصاية الفتيس وانا ماشى بالعربية لو مسكت العصاية وحبتها شمال شوية الزنة بتختفى والعصاية حايبة يمين شوية مش عارف لية
طولت عليك انا اسف محتاج رأيك ويارت لو كنت قريب منى ممكن اجيب لك العربية تشوفها على الطبيعة وكل عام وانت طيب

المشاركة الأصلية كتبت بواسطة ياسر ابراهيم

حياك الله اخي
اولا بعتذر علي التاخير في الرد عليك و للاسف انا مقدرش اشوفلك العربية لاني شغال في الخارج في ليتوانيا - اوربا ....مشكتك ان شاء الله مش صعبة ولا حاجة بس عايزة يكون ميكانيكي فاهم يوقف معاك
اولا مشكلة الفصل لان معظم الميكانيكية ما بيعرفوش يجربو طقم الديبرياج قبل التركيب علي السيارة عشان يتعرف ازاي الطقم بيفصل و ان كان محتاج خرط ولا لأ ... لان احيانا تخانة تيل الاسطوانة بيكون اسمك من المطلوب فبالتالي يكون محمل و يسخن الديبرياج من الاحتكاك وصعوبة في نقل الغيارات ..فالحل عندك لازم تخرط من مراية الفولام 0.3 الي 0.4 من الملي اي نص ملي تقريبا كحد اقصي عشان تعوض تخانة الاسطوانة
او لوعايز تعرف تخرط كام بالظبط تحل الطقم كلة و تركبة بعيد عن العريبة يعني تجيب الفولام و الاسطوانه و الدسك و تركبهم علي بعض بمسامير الدسك علي الفولام و تنزلهم علي مكبس او بالمخرطة و تشوف بنفسك بعد الكبس هل الاسطوانة بتتحرك بين مراية الفولام و الدسك .عامة المسافة بعد الكبس المفروض لاتزيد عن 0.7 الي 1 ملي ارجو انك تكون متخيل ازاي طريقة تجربة الطقم قبل التركب في السيارة
اما موضوع الهزة في عصاية الغيارات فمكن يكون من التعديل اللي عملتوه اللي هو تطبيع الدسك الجديد مع الفولام القديم ممكن يكون الدسك مش مسنتر علي الفولام بالظبط فهيسبب زنة او فايبراشن .والحل اما تشتري فولام للدسك الجديد او تشتري دسك اصلي للفولام القديم بنفس الاماكن الاصلية للمسامير. لاما تنظف الدسك الاصلي و تقشط منه 0.1 بالمخرطة يبقي معندكش غير الاسطوانة بس جديدة ..لان مشكتك اساسا ان تيل الاسطوانة خفت تخانتة هو مخلي السيارة مبتسحبش.الحل الاخير انك تصبر شوية لغاية ما الاسطوانة تتطبع ودة محتاج وقت ..اما حل الزنة هو اللي قولناه سابقا
والله اعلي و اعلم
بالتوفيق ان شاء الله لكن رجاء تبلغنا باخر النتائج للفايدة العامة للجميع ....في رعاية الله

ياباشا اشكرك على زوقك ومفيش تاخير ولا حاجة ربنا يكرمك ويجزيك كل خير على الخدمات العظيمة اللى بتقدمها للجميع واجابتك للمشكلة يدل على انك دكتور فى مجال الفتيس لان مفيش اى ورشة فى بتفكر تعمل كدة كل اللى بيعملوة بيفكوا حلة الفتيس ويشيلو طقم الدبرياج القديم ويحطوا الجديد وشكرا هو عموما اخر حاجة وصلت لها نزلت الحرفيين وذهبت الى العالمية وهى ورشة معروفة جدا فى صيانة السيارات وخاصة المازدا لان عندهم قسم ملحق بقطع الغيار الاستيراد
وشرحت الموضوع وفى فنى هناك افاد بمصتلح غريب ان الاسطوانة شافطة ولازم فك الفتيس من جديد وتجيب طقم دبرياج تانى يكون نفس موديل المازدا واللى عرفتة انة مش موجود حاليا وخلص من جميع المحلات وسيصل من الخارج الشهر القادم طبعا انا كل ماخش محل اسأل على طقم دبرياج
مازدا فاميلى97 ويعطينى كيا سافية ومش محل واحد اكتر من 10 محلات وبالفعل قارنتة فى المحل بالاسطوانة القديمة وطلع ضورة تبق الاصل من الاسطوانة الاصلية حتى المسامير واحد بس ظهر الديسك من الظهر مش هو والديسك اصغر سنة بسيطة من الاطراف ولما سالت المحل قالى الظهر مش مشكلة اهم شئ البلاطة واخرام المسامير واحنا بعنا منة اكتر من 100 ديسك للمازدا الفاميلى ومرجعش وبالفعل توجهت للعالمية وعرضت علية الديسك خاف يركب وقالى انا عايز الاصلى وانا ممكن اجرب بس احسن يدأر فى الحلة على مسئوليتك رجعتة للمحل وكان صاحب المحل مذهول وقالى ان الميكانيكى اللى بتركب عندة مبيفهمش عموما حاليا شاعر ان افشة الدبرياج ابتدات تقل يمكن الطقم زى مابتقول بيطبع الله اعلم
السؤال هنا هل ظهر الديسك لو عالى شوية من حيث الظهر ممكن يدار فى الحلة ويخرقها ولا زى البائع مابيقول الظهر مالوش دعوة اهم شئ سمك البلاطة والمسامير
وفى حاجة غريبة ايضا بفتح قربة زيت البدبرياج والفرامل لانها قربة واحدة تلاحظ لى انها قلت حوالى 2 سم وطبعا انا نظرت اسفل مفيش اى خرير زيت او حاجة عموما انا حاروج للميكانيكى غدا يراجع لى على خرطيم الدبرياج والفرامل يمكن يكون فى خرير محدش واخد بالة منة
مع الشكر

فرضا دة شكل الديسك و بتاعى حتلاقى الظهر بتاعة الجوانب رفيعة او الشفة رفيعة وهو فعلا ظهر الديسك شبة ديسك السيارة الاصلى


دة الديسك التانى بتاع الكيا سافيا نفس البلاطة ونفس الاخرام بس الظهر مختلف وشفتة زى ماانت شايف كبيرة واصغر حجم بحاجة بسيطة طبعا دة لاديسك كيا سيفيا ولا حاجة انا جايب ديسكين من على النت علشان مقارنة الظهر فقط

طبعا الظهور المختلفة مسبب رعب للمكانيكة وخايفين يركبوا احسن الحلة تحك فى الديسك ويتخرم