مشاكل فى بيجو 301 ورد فعل التوكيل

**Hema_Basha** · 05-01-2014 02:56 AM

المشاركة الأصلية كتبت بواسطة ahmed amin

طيب ليه دفعت وأنت عارف وسمعت مننا هنا إن كان فيه مشكلة في البوجيهات في بعض العربيات,

بعدين أنت غيرتهم أمتي ؟ أنا فاكر صيانة ال 10 الأف بتاعتك اللي كانت في أول شهر ديسمبر اللي فات.
كان فيها تغير زيت وفلتر وكشف مستويات وتربيط عفشة وتنضيف فلاتر هوا وتكييف وركبت فوانيس الشبورة ودول كانو علي حسابك طبعاً,,
وأتغير لك التيل والطنابير في الضمان,,

غيرت البوجيهات أمتي بقي ؟
وحسيت بفرق في أستهلاك بعدها قد ايه ؟

من حوالي اسبوعين كده لما حصلت الخبطة بتاعت الشكمان من تحت بس كنت روحت غمرة وقولت بالمرة اقولهم علي الاستهلاك كشفوا علي البوجيهات قالي هنغيرها لان البنزينة الي انت بتفول منها بنزينها وحش وقالي القطع المستهلكة دي مش بتتغير ضمان دي علي حسابك مكنتش لسه عرفت انها في ناس غيرتها في الضمان بس الفرق مطلعش كبير اوي طلع بسيط او انا مش عارف احسب ولا ايه انا خرجت من عندهم فولت من شيل اللي جنب التوكيل وبعدين صفرت العداد كالعادة وطلعت علي السويس ومن السويس علي الاسماعيلية يعني حوالي 244 كم خدت 24 لتر يعني كان نص التاتك جيت من بعدها هنا حاسس انه عالي برضه يعني مثلا انا فولت يوم الخميس لحد النهاردة ومشيت 175 كم خدت نص التانك انا بصراحة مش عارف السبب من ايه وكنت قابلت واحد هناك كان عنده نفس المشكلة وادوله علبة محسن اوكتان وقالولي خدها مرضتش ب130 ج

**Hema_Basha** · 05-01-2014 02:58 AM

دفعت 285 جنيه البوجيهات والفلتر بتاع البنزين 200 ج بالضريبة ومصنعية 85 ج

**mahmed0100** · 05-01-2014 07:42 AM

المشاركة الأصلية كتبت بواسطة ahmed amin

طيب ليه دفعت وأنت عارف وسمعت مننا هنا إن كان فيه مشكلة في البوجيهات في بعض العربيات,

بعدين أنت غيرتهم أمتي ؟ أنا فاكر صيانة ال 10 الأف بتاعتك اللي كانت في أول شهر ديسمبر اللي فات.
كان فيها تغير زيت وفلتر وكشف مستويات وتربيط عفشة وتنضيف فلاتر هوا وتكييف وركبت فوانيس الشبورة ودول كانو علي حسابك طبعاً,,
وأتغير لك التيل والطنابير في الضمان,,

غيرت البوجيهات أمتي بقي ؟
وحسيت بفرق في أستهلاك بعدها قد ايه ؟

اراهن ان احمد امين شغال في المباحث بعد الضهر :))

طيب يا اكرم مش يمكن انت بتمشي في اشارات بزياده و زحمه و انت مش واخد بالك ؟ و لا نفس الطرق و المشاوير بتاعتك !!

**Ahmed Amin** · 05-01-2014 08:26 AM

المشاركة الأصلية كتبت بواسطة ebrahim mayalo

من حوالي اسبوعين كده لما حصلت الخبطة بتاعت الشكمان من تحت بس كنت روحت غمرة وقولت بالمرة اقولهم علي الاستهلاك كشفوا علي البوجيهات قالي هنغيرها لان البنزينة الي انت بتفول منها بنزينها وحش وقالي القطع المستهلكة دي مش بتتغير ضمان دي علي حسابك مكنتش لسه عرفت انها في ناس غيرتها في الضمان بس الفرق مطلعش كبير اوي طلع بسيط او انا مش عارف احسب ولا ايه انا خرجت من عندهم فولت من شيل اللي جنب التوكيل وبعدين صفرت العداد كالعادة وطلعت علي السويس ومن السويس علي الاسماعيلية يعني حوالي 244 كم خدت 24 لتر يعني كان نص التاتك جيت من بعدها هنا حاسس انه عالي برضه يعني مثلا انا فولت يوم الخميس لحد النهاردة ومشيت 175 كم خدت نص التانك انا بصراحة مش عارف السبب من ايه وكنت قابلت واحد هناك كان عنده نفس المشكلة وادوله علبة محسن اوكتان وقالولي خدها مرضتش ب130 ج

علبة المحسن مكنتش هتفرق معاك كتير, وطالما كنت هتدفع تمنها فمكنش ليها لازمة.
والطريق بتاع السويس رخم فعلاً والطلعة من القاهرة أرخم, فعشان كدا الأستهلاك هيزيد معاك.

ومعظم العربيات ال 1600 بتحرق من 10 ل 13 لتر في ال 100 كيلو في المشي جوا البلد, فا دا أستهلاك طبيعي جداً في طرقنا,
http://www.nilemotors.net/Nile/39065...post3875295685

لكن لو مسكت طريق زي الصحراوي بتاع القاهرة أسكندرية, ممكن تاخد أرقام حلوة زي 6 و 7 ودي أنا مش بشوفها غير بمثبت السرعة بس, لأنه بياخد علي القد لما بيكون الطريق مفرود ومفتوح.

لو عايز تشوف ممكن تستهلك بنزين أقل أزاي, ممكن ترجع الموضوع دا وتشوف نمط السواقة اللي مفروض تمشي بيه وأزاي رجلك تكون خفيفة علي البنزين ومحسوبة,
من أول كلمة ثالثا .. أسلوب القيادة
http://www.nilemotors.net/Nile/39065...post3875295447

الشكمان بقي طلع كويس.؟

**Ahmed Amin** · 05-01-2014 08:28 AM

المشاركة الأصلية كتبت بواسطة mahmed0100

اراهن ان احمد امين شغال في المباحث بعد الضهر :))

طيب يا اكرم مش يمكن انت بتمشي في اشارات بزياده و زحمه و انت مش واخد بالك ؟ و لا نفس الطرق و المشاوير بتاعتك !!

هههههههه ياعم أنا غلبان,

وأيوة الطرق هيا السبب لأن كل بلدنا بقت زحمة, والمشي في الزحمة بيعلي الأستهلاك جداً,
وعلي الطريق كمان صعب أنك تفضل مثبت سرعة ولو حتة برجليك من غير مثبت,
ولو كل شوية زحمة وهتهدي وتدوس فرامل أو تعدي واحد كل دا بيزود من الأستهلاك لما بتدوس بنزين عشان تجمع نفس السرعة اللي كنت عليها قبل ما تهدي.

**Akram.Gamal** · 05-01-2014 02:17 PM

المشاركة الأصلية كتبت بواسطة ahmed amin

غير بوجيهات يا أكرم لو لسه مغيرتهاش يا أكرم,
وأطلب منهم في الصيانة اللي جاية وقلهم الأستهلاك عالي وأنك شاكك في البوجيهات.

دا الأحتمال الأكبر في الأستهلاك اللي عندك, وعشان كذ واحد كان ظهر معاهم مشكلة في البوجيهات,
وبعد ما أتغيرت في الضمان بقي الأستهلاك طبيعي ومفيش مشاكل.

ابراهيم غير البوجيهات و محسش بتغيير جذرى يعنى
و بعدين هي البوجيهات بتاعتى مالها مفيهاش حاجه
الموضوع ليه علاقه بحاجه من اتينين يا اما سوفت وير او البوجيهات بتاعتهم كلها نوعها وحش

المشاركة الأصلية كتبت بواسطة mahmed0100

اراهن ان احمد امين شغال في المباحث بعد الضهر :))

طيب يا اكرم مش يمكن انت بتمشي في اشارات بزياده و زحمه و انت مش واخد بالك ؟ و لا نفس الطرق و المشاوير بتاعتك !!

هههههه ههههه ههههههه
يامحمد بيه متوسط السرعه عندنا بتبقا 18 كم هههههه و كل 100 متر نقره او مطب !!

**Hema_Basha** · 05-01-2014 05:26 PM

المشاركة الأصلية كتبت بواسطة mahmed0100

200 جنيه بوجيهات و فلتر بنزين و ضريبه
و 85 جنيه مصنعيه
:)
ده اللي هو كاتبه و اللي حضرتك عملت ليه اقتباس

الله ينور عليك يا محمد باشا
وبالمناسبة هي مالها المدام اللي علي الفيس بوك اللي عمالة تشتم في العربية علشان مش فاهم منها حاجة

-

الموضوع: مشاكل فى بيجو 301 ورد فعل التوكيل

LinkBack

أدوات الموضوع

عرض

-

-

-

-

-

المواضيع المتشابهه

مشاكل في كيا ريو ٢٠١٣ بعد تصليح التوكيل

مشاكل التوكيل في مصر

3 مشاكل في العربية وهعمل خناقة في التوكيل

أية مشاكل الباسات ؟!! (التوكيل -قطع الغيار-الفتيس-.....) ؟!!!

الكلمات الدلالية لهذا الموضوع

المفضلات

المفضلات

ضوابط المشاركة