رقم العضوية : 83013
تاريخ التسجيل : 07Dec2010
المشاركات : 446
النوع : ذكر
الاقامة : egypt
السيارة: لانوس 2
السيارة[2]: 128جراند /بيجو 301 HL / لانسر 2007 هيونداى فبرنا 2014 GLS
الحالة :
[QUOTE=Ahmed Amin;3875349601]هوا أنت متوقع إن الأسعار المفروض تكون كام ؟؟
أسعار الكوبلن والشمعدان والقنطرة كل دي أسعار عادية,, وعلبة الدركسيون غالية في كل العربيات.
ممكن تشوف أسعار قطع غيار العربيات الكوري والياباني اللي في نفس الفئة من ١١٠ ولحد ١٥٠ ألف وتشوفهم عاملين كام قبل ما تترعب كدا.!
استاذ احمد بعد التحية انا اللى راعبنى ان عمرو عرف اسعارها فى الوقت ده وبعد تعليقة فى المشاركه دى http://www.nilemotors.net/Nile/39648...post3875345511
بما انك منسق القسم عايز اسأل حضرتك بعض الأسئلة هى الحاجات دى معمرة ولا لأ
بمعنى العمر الأفتراضى ليها كام سنه ؟
ثانيآ / لو هى معمرة ايه هى افضل شركة تأمين واسعارها ايه علشان لو لاقدر الله حصل حادث واحتجت اغير الحاجات دى
رقم العضوية : 66068
تاريخ التسجيل : 24Mar2010
المشاركات : 3,150
النوع : ذكر
الاقامة : Alexandria & Dubai/UAE
السيارة: Renault Fluence E3 2014 / Nissan Sunny EX 2007
السيارة[2]: MB C180 Ava/2015 - MB C200 Eleg/2009
الحالة :
Eng. Safwat Saleh
افضل سياراتى السابقه : BMW e46/318/2001 - e39/520/2002 - e39/525/2003 - e60/523/2007 - Octavia A4/'98 - Renault 9 GTS/'86 ..... Sold but not forgotten :)
رقم العضوية : 50133
تاريخ التسجيل : 17Oct2009
المشاركات : 4,727
النوع : ذكر
الاقامة : Menofia
السيارة: Toyota Corolla 2001 1.3 A/T
السيارة[2]: Peugeot 301 M/T 2014
دراجة بخارية: لايوجد
الحالة :
الاسعار عادية للاسف يا جماعة وهتلاقوا الكلام ده واكتر في هيونداى وكيا .. .، لذلك لازم كل واحد يأمن على عربيته لو مش مقتنع ان التأمين حرام ، لحد ما الاستيراد يتوفر لان الحادثة بتيجى في ثانية ، وما تبصش تقول القطعة دى بـ 1000 و دى بـ 2000 ، سهلة ، لا اللى بيحصل ان كله بييجى مرة واحدة وتلاقي التوكيل بيقولك 50 الف جنيه مثلا !!!!!!
الاستيراد بيفرق جامد ، على سبيل المثال علبة الدركسيون في التوكيل بـ 20 الف ، موجودة استيراد عند رضا في الحرفيين بـ 2500 ( الفرق كبير )
ماحدش يقلق عليا ان الحمد لله كويس والعربية كويسة والعربية عملت اللى عليها وزيادة اوى ، باختصار واحد حيوان بتاع نص نقل زنق عليا جامد وجه نط قدامى وانا ع الشمال نازل نزلة قويسنا بتاعت الزراعى محدوف انا وكل اللى ورايا ، هو جاي من اليمين وفجأة كسر وبقى قدامى وفي نفس الوقت هو شبه واقف وانا ماشى اقل واجب 110 ، وانا مشفتوش من الاول لان الحارة الوسطى مش فاضية وده كمان خلانى معرفتش افاديه بالاضافة ان كل اللى ورايا محدوف يعنى الفرامل مش حل ، كان قدامى ثانيتين افكر ، لقيتنى لو كملت هدخل فيه واضيع العربية وحتى لو وقفت هتخبط من ورا اكيد ..، في نفس اللحظة لقيت الرصيف على شمالى صغير وبيكبر ، لقيت الحل الامثل ادخل في الرصيف واجيب الخبطة كلها في العفشة ، وقد كان ، العربية خبطت في الرصيف ودخلت بسرعة والعربية لسة بسرعتها عشان الحق الحتة اللى الرصيف بيكبر عندها ، بس الحمد لله ما طلعتش عليه ، ولا عدت ع الناحية التانية ولا اي كلام من ده ، وما شاء الله ما اتهزتش سنتى واحد من ورا لما خبطت
طبعا التوكيل كان بيهزر في مقايسة الاصلاح واتكلفت كتير مجرد تنقلات واوناش انقاذ ، الحمد لله ..
اانا بعملها دلوقتى برة : المقصات هى هى بالظبط بتاعت الـ 207 ، القنطرة وعلبة الدركسيون والمقصات لقيتهم بردو استيراد عند رضا في الحرفيين ودى حاجة طمنتنى بس الحمد لله الدركسيون عندى سليم والقنطرة ان شاء الله سليمة ، وهو بيقول جايله كمان عربية 301 استيراد هيروح يقطعها في بورسعيد يوم 15/1
المقص جبته استيراد بـ 350
الكوبلن دخت السبع دوخات عليه مفيش فايدة مش موجود خالص ، والاقى حاجات شبيهة جدااا ، بس في فرق .. المهم الحمد لله تم استعداله ع المخرطة ورجع مسطرة بدون اي عوجة بـ 150 جنيه في الحرفيين
لسة المساعد وظبط الزوايا هعملهم بكرة ان شاء الله ، دعواتكم ، المساعد بردو مش موجود بس ده سعره جديد سواء برة او في التوكيل حلو 640-660 جنيه
الشمعدان ان شاء الله سليم ويارب يكون سليم عشان ده بـ 2000 :(
دعواتكوا يا رجالة ، الحمد لله كان ممكن يحصللى اسوأ من كدة بكتير ، وطبعا كالعادة ده عشان واحد كان راكب معايا العربية وكان مستكترها عليا جدا وعمال يقوللى جبتها ازاى وكاش ولا تقسيط وبتدفع قد ايه .. وجت سيرة الشغل وحسيت انه بدأ يقر في الشغل كمان ، وفعلا بعد حادثتى بيومين في الشغل مديري عمل حادثة ع الدائري ( اللى هى بتاعت المقطورة اللى خبطت 5 عربيات في بعض ) بس هو عنده اكصدام ورفرف خلفى بس وحظه حلو انه كان اخر واحد والا كان خد من ورا وقدام
الحمد لله على كل حال دعواتكوا يا رجالة ، اللى مش مأمن يأمن طالما مش شايف التأمين حرام ، انا كل ما افكر اامن ناس تقنعنى انه حرام وارجع في كلامى
اسف لصاحب الموضوع انى بكتب في موضوعه بس معلش معنديش وقت حتى اعمل موضوع جديد
رقم العضوية : 83013
تاريخ التسجيل : 07Dec2010
المشاركات : 446
النوع : ذكر
الاقامة : egypt
السيارة: لانوس 2
السيارة[2]: 128جراند /بيجو 301 HL / لانسر 2007 هيونداى فبرنا 2014 GLS
الحالة :
رقم العضوية : 146832
تاريخ التسجيل : 02Aug2013
المشاركات : 104
النوع : ذكر
الاقامة : الجيزة
السيارة: بيجو 301
السيارة[2]: فيرنا
الحالة :
الف الف سلامة يا عمرو......سبحان الله انت فعلا محسود
لازم تدبح حاجة بسرعة و الف سلامة و حاول تمشى أبطأ حتى لو على طريق سريع
للأسف الإستهتار وصل مداه و مفيش أى حساب للنقل التقيل و غيره
و خلى بالك من الأغبياء
لسة النهارده قارى حكمة جميلة بتقول: لو ماقدرتش تذهل الناس بذكاءك حيرهم بغباءك
واضح ان ده مبدأ كل سواقين النقل
رقم العضوية : 148666
تاريخ التسجيل : 15Sep2013
المشاركات : 672
النوع : ذكر
الاقامة : جمهوريه مصر العربيه
السيارة: لا يوجد
السيارة[2]: peugeot 301
الحالة :
حمدالله علي سلامتك يا عمرو و ربنا معاك في التصليح ده كله .. و ينتهي علي خير ان شاء الله
رقم العضوية : 146648
تاريخ التسجيل : 27Jul2013
المشاركات : 197
النوع : ذكر
الاقامة : مصر
السيارة: لا يوجد
السيارة[2]: بيجو 301
الحالة :
رقم العضوية : 126748
تاريخ التسجيل : 28Jun2012
المشاركات : 1,283
النوع : ذكر
الاقامة : مصر
السيارة: 128
السيارة[2]: seat toledo 2015
دراجة بخارية: لايوجد
الحالة :
الف سلامة ياعمر الحمد لله علي سلمتك
رقم العضوية : 11385
تاريخ التسجيل : 23May2008
المشاركات : 3,289
النوع : ذكر
الاقامة : Egypt
السيارة: Lancer
السيارة[2]: Peugeot
دراجة بخارية: لا
الحالة :
حاجات البيجو عموماً معمرة أكتر من الكوري,,
ومفيش عمر أفتراضي ممكن أديهولك علي كل القطع, يعني البوجيهات والفلاتر والعفشة والحاجات دي كلها علي حسب أستهلاكك
بس أطمن معمرة, ولو جبت عربية جديدة مش هتحتاج تغير فيها قطع غيار مكلفة قبل 5 أو 6 سنين.
يعني أول 5 سنين هيكون فيهم تغير زيت بس كل 10 الأف كيلو, وفلاتر هوا وتكيف كل 30 أو 40 ألف كيلو, وممكن تنضفهم بس أفضل تغيرهم والفلتر بيعمله حوالي 100 جنيه يعني مش كتير علي أستخدام 30 أو 40 ألف كيلو. وهتغير معاهم طقم بوجيهات وفلتر بنزين مش غالين برضه في الرينج الطبيعي.
الحاجات اللي مكلفة لو حصل حادث فيها مكلفة في كل العربيات,
زي السربنتينه بتاعت التكيف بتدخلها في 2000 جنيه, والشمعدان اللي بيمسك الديسك بنفس المبلغ تقريباً, المساعد سعرة كويس حوالي 650 جنيه, الأكصدام بقي والفوانيس الحاجات دي بتبقي مكلفة شوية.
أفضل حاجة طبعاً تأمن, وأفضل شركة من وجهة نظري هيا كونتاكت كارز.
معاملتهم نضيفة ومفيش لف ولا دورات ولا حوارات, لو حصل حادث لقدر الله, بتكلمهم إنشالله الساعة 4 الفجر, بيبعتولك ونش مكان حادثتك بياخد العربية وبيطلع بيها علي التوكيل وبيلصح كل حاجة بجديدة وبتستلم عربيتك علي المفتاح,
دا نظام التأمين العادي,
فيه نظام تأمين تاني بيزيد 0.50% ودا بيخليهم يوفرولك عربية من وقت ما بيجيلك الونش, بتيجلك معاه عربية تستلمها لمدة 3 أيام ببلاش, ودي طبعاً لو حد عنده شغل دايم ووقته حرج أنو مش هيلحق يدور علي عربية أيجار أو معاه أهله في نص الليل هيبقي النظام دا عملي جداً.
بياخد الونش عربيتك علي التويكل وبتاخد أنت العربية اللي بيدهولك وبتتحرك بيها لحد ما عربيتك تتصلح, العربية بتفضل معاك 3 أيام دا النظام لحد ما تدبر نفسك بعربية أيجار أو عربية تانية ولو عربيتك قعدت أكتر من 3 أيام ومش هتأجر هما بيأجرو لك ب 100 جنيه تقريباً في اليوم.
اللي هوا برضه مفيش معرض أنهارده بيأجر بالمبلغ دا يومي.
الشركات التانية يقولك هنبعت لك مندوب يعاين, طب عايز تصلح في التوكيل ولا برة,
طيب بص روح صلح أنت وأصرف براحتك وأبقي تعالي حاسبنا لما تخلص تصليح !!!
طب لو العربية هتتكلف 20 ولا 30 ألف جنيه وأنا مش معايا هعمل أيه ؟ هيقولوك مالناش دعوة
نظام شركات تأمين كتير كدا, أنك تصلح بعدين تروح تحاسبهم, بعدين هيبدأ يفاصلو معاك ويطلعو عينك لحد ما ترضي بالمبلغ اللي هيقولوة من كتر ما هيأخرو الفلوس.
عمرو إن شاء الله بعد ما يصلح هيأمن علي عربيته, وهنبقي شروط الشركات اللي في السوق تاني ونتأكد من مصداقيتها.
LeitoSR سابقا
رقم العضوية : 4434
تاريخ التسجيل : 18Jan2008
المشاركات : 6,965
النوع : ذكر
الاقامة : Cairo
السيارة: Volvo 144
السيارة[2]: Opel Corsa 1.6
دراجة بخارية: ..
الحالة :
العفو يا باشا والحمدلله ان التقرير عجبك رغم انه مش تقرير قد ما هو نقل لتجربة مع التوكيل.
الموضوع مش موضوع انهى بنزين مناسب للعربية، الموضوع هو بنزين فيه شوائب كتير، نفس الكلام بردو ها نلاقيه فى البنزين ال95 طالما عدم الضمير موجود.
صاحبى وانا مش بنمون غير من انضف المحطات ولا يمكن نحط بنزين الا من محطات مضمونة مثل امارات مصر، محطات شيل الكبيرة، محطات موبيل اللى فيها On The Run ورغم كل ده المشكلة حصلت.
اتمنى انها مترجعش تانى.
عمرو باشا انا فعلا كنت اقصدك انت وانا فى التوكيل واحقاقا للحق المهندس مينا كان كلامه معايا اول حاجة هى، هو اللى حصل معاه ده واحد تعرفه فعلا ولا كلام قريته على الانترنيت، قولتله لا طبعا اعرفه وهو واحد من الناس اللى فعلا معاها 301 وبيدافع عنها وبيروج ليها كمان.
فقالى اصل فى ناس بتدخل على النت وتقول العربية معاها وفيها مشاكل ودول بيكونوا من التوكيلات المنافسة وهما فى بيجو بيتحروا عن المواضيع دى يلاقوها مش صحيحة.
وقالى ان محصلش ان حد عربيته اتخبطت فى التوكيل قدامه بس ممكن تكون حصلت مع حد تانى.
ونقطة اخيرة، انا تعمدت اقوله الكلام ده فى اخر تجربته للسيارة، وهو طول الطريق ماشى براحة وواخد باله من الطريق والعربيات حرصا على عربيتنا، لدرجة ان مرتين عربيات تزعق فيه عشان يتحرك، فانا مقدرش اقول ان فى اهمال منهم بخصوص قيادة سيارات العملاء اثناء تجربتها وجايز عربيتك لما اتخبطت كان بدون قصد او تقدر تقول مكنش فى اهمال منهم (طبعا انا بتكلم على تجربتى مع المهندس مينا ومعرفش باقى الناس بتسوق ازاى هناك)
بخصوص اسعار قطع الغيار فطبعا استهبال.
الاسعار غالية يا احمد، وعلبة الدركسيون مش غالية فى كل العربيات بالشكل ده
فى صيانة ال10 الاف ها اروح مع صاحبى فرع صلاح سالم وها اخد معايا زيت شيل
على فكرة انا قولتها صراحة للمهندس محمد حسن، هى الفكرة مش انهى زيت مناسب للعربية ولكن الفكرة انكم انهى براند ها تكسبوا اكتر فى كل جركن من وراه وانها عملية تجارية بحتة ملهاش اى علاقة بانهى مناسب للعربية، طبعا مقدرش يرد.
المفضلات