الموضوع: <<< أخيراً إكتشاف السبب الرئيسي لمشاكل فتيس dsg >>>>

المشاركة الأصلية كتبت بواسطة anxs111

أنا كنت بتناقش بطريقة علميه وأعتقد أني كنت واضح في أسباب أنك تبعتلهم ...
متشكر لترحيبك الحار ليا في الموضوع رغم أني مش ضيف ....
أخيرا أتمني لك كل التوفيق ...

المشاركة الأصلية كتبت بواسطة طارق _عبد السلام

موضوع ماشاء الله قريته اكتر من مره لكن كل مره اقف عند الاقتباس ده
ان الزيت المعدنى مش نقى وهيعمل سنفره (يعنى تآكل اسرع)!
بكده المشكله تزيد والخلوص بين الفالف والبادى يزيد مع التشغيل والحراره وفائده الضغط الهيدروليكى للفالف هتقلل كفائه الانضغاط وبكده الفتيس يهيس اكتر

طارق بك لو رجعت للرسم التوضيحي حتلاقي ان سطحين المعدن الخاصين بالصمام وجسم البادي فالف مش زي بعض .. الصمام معالج ومغطي وبالتالي مش حيتاثر بالزيت انما السنفرة اللي قصدتها حتكون لسطح جسم البادي فالف غير المعالج (الخشن اصلا) وغير المصقول وممكن ده يتسبب في تنعيمه مع الوقت وخفض الاحتكاك وليس زيادته بالاصافة الي ان اي زيت معدني تقدر تتحكم في خواصه بكل سهولة عن طريق الاضافات
اما بالنسبة للمسافة الفاصلة مش حتتاثر كتير في العادة لان التاكل حيكون للاجزاء الخشنة البارزة

وعلي كل حال الكلام ده مجرد تصور نظري مفيش دليل قاطع علي انه حينجح فعلا

تحياتي

المشاركة الأصلية كتبت بواسطة moratoz

انا عندي فقط تعليق صغير وهو ان هدف اي بحث هو الاستفادة من النتائج التي تم التوصل اليها ومحاوله تطبيقها في ارض الواقع علشان كده إحنا كنا متحمسين ان يتم مراسله فولكس بما توصلتم اليه حتي يمكن التجربه والتطبيق ومن ثم الاستفادة من الجهد المبذول في البحث عن حلول والا تحول الأمرالي نظريات فقط دون الإمكانيه لتطبيقها او معرفه مصداقيتها لإيجاد حل للمشكله
و مرة أخري اود شكر سيادتكم علي ما بذلتموه من جهد وحسن سرد للموضوع
تحياتي

المشاركة الأصلية كتبت بواسطة windofchange

هتبعت لهم لتنول الاجر من الله اولا وتوفر علي ناس كتير عطلة سيارة او ربما موت محقق

السادة الأفاضل الزملاء والاصدقاء الاعزاء

السلام عليكم ورحمة الله وبركاته



اسمحولي اوضح موقفي شوية
انا اتعلمت وعشت فترة في ألمانيا واخدت من هناك درجتين دكتوراه من جامعتين المانيتين
وبحكم العشرة فهمت لحد كبير طريقة التفكير والعقلية الالمانية ومنكرش اني تاثرت بيها

الموضوع باختصار وبكل امانة اني فعلا معنديش اي سبب يخليني ابعتلهم حقيقة .. ومش مقتنع ان ده دوري أو مسؤليتي .. وحتي بالنسبة لحماية الاخرين من الضرر .. طبعا مش انا اللي صممت العربية ولا انا اللي بعتها ولا انا اللي قلتلهم يشتروها .. ولكن دوري الحقيقي واللي احاسب عليه اذا كان عندي معلومة انشرها بامانة لتعم الفائدة علي الجميع وان كان الموضوع يستلزم التحذير اني اقوم بده واعتقد اني مقصرتش في اي شئ فيما يخص مسئوليتي الاخلاقية ونقلت المعلومة فعلا (ده أولا)

ثانيا تفتكرو (بامانة وصدق مع النفس) مجموعة كبيرة زي فولكس واجن عندها مركز ابحاث بيصرف مئات الملايين من اليورو كل سنة علي التطوير حيعتمدو علي جواب مبعوت من واحد في مصر بغض النظر عن هو مين؟؟ تفتكر؟؟ دا اصلا اجرائيا مينفعش لانه لو حصل يبقي ده معناه انهم ميعرفوش العيب ده ((((وطبعا انا اشك بشدة في الحكاية دي ))))) وساعتها مدير قطاع الابحاث والتطوير يتقدم باستقالته واروح انا اقعد مكانه.


ثالثا ((((وده مجرد راي شخصي لكني مقتنع بيه))) ومكنتش عايز اقوله اعتقد ان فولكس عندهم المعلومة واعتقد انهم عندهم خطة ليها لكن الحكاية ان دي شركة هادفة للربح وقصة زي دي لازم تتعالج بصورة اقتصادية من ناحية ومن ناحية تانية من غير اي تاثير عيل سمعة الشركة

رابعا الزبون برة مبسوط جدا جدا ومش متضايق وحاطط في بطنه بطيخة صيفي لان معاه ضمان حقيقي لمدة 10 سنوات وفي اي وقت تحصل مشكلة حيروح يرميلهم العربية في وشهم وحتتصلح ببلاش
المشكلة الحقيقية عندنا احنا في ظل الضمان الضعيف لمدة سنتين فقط اللي محصلش ضمان العربيات الصيني اللي ضمانها 5 سنوات

ارجو ان اكون قد اوضحت موقفي والا تكون تعليقاتي السابقة فهمت علي غير معناها الحقيقي


تقبلو خالص تحياتي

ياجماعه انتم مستغربين ليه

الشركات ديه برضه بتمشي بنظريه حبل عشان الخروف و ،،،،،

عادي وبعدين عشان يخلي فيه حافز للمستهلكين انهم يشتروا الموديلات الجديده

يعني شوفوا بقالوا كام سنه مثبت الموتور وبيلعب بس تقريبا في الفتيس

نفس نظريه شركات المحمول

لو نزلت موبايل مفيش بعده ايه اللي يخليك تشتري اللي حينزل بعديه

ده انا في note2 بعد معملت التحديث الاخير البطاريه بقت زباله والجعاز بقه ابطئ ومكنش قبل كده فيه مشكله
لازم يضطرك انك تحدث المعده نفسها



تحياتي