<<< أخيراً إكتشاف السبب الرئيسي لمشاكل فتيس dsg >>>>

**Moratoz** · 12-01-2014 08:09 AM

المشاركة الأصلية كتبت بواسطة ahmad fattoh

مشكلة لا يمكن تفاديها ،،،،، الله يطمنك ،،، نجري نبيع يعني ولا ايه
وهل فيه حلول ولا ﻷ ؟ حتى لو للتاخير فقط
والصيانة هتفيدني بنسبة اد ايه
وانا عربيتي a5 2007 احطلها زيت نوعه ايه علما بان الصيانة شغالة وفي ميعادها

فتيس حضرتك حاجة تانيه اهم حاجة غير زيت الفتيس بالأصلي كل ٦٠ الا ك

**mo7a_mo7a** · 13-01-2014 12:14 AM

المشاركة الأصلية كتبت بواسطة horas3000

تسلم ايدك علي الموضوع و علي البحث المضني ده

و تفسيرك مفهوم و منطقي الي حد كبير و يتناسب تمام مع المشكله اللي بتحصل للفتيس

الحاجه اللي محيراني بقي
هل شركه فولكس بكل امكانتياتها دي معرفتش توصل لاس المشكله زي ما حضرتك وصلك و من مجرد ابحاث بس و هما اللي الفتيس كله تحت ايديهم و ممكن يفصفصوه حته حته و ده طبعا مش تقليل من شان حضرتك

و هل لو الشركه عارفه و وصلت لنفس استنتاجك تكلفه تعديل الفتيس و تغييره للناس اكتر من الخسائر بتاعت الاستدعاءات و الخساره الاكبر اللي بتمس سمعه الشركه نفسها
خصوصا و اني اعتقد ان التعديل مش هيكون مكلف للدرجه دي
و حتي مع مد فتره الضمان بره هو معرض برده لتحمل تكلفه فتيس كل حين و اخر و ده مش حاجه بيسكه برضه

و اخيرا هو اي نعم انت مش عليك اي الزام تجاه الشركه او حتي الناس بس انك تبعت للشركه و تقول لهم استنتاجك مش هياخد منك حاجه و مش هتفرق معاك قوي
و طالما انت مهتم بالموضوع مش بعيد يردوا عليك و يوضحوا حاجه كانت غايبه عنك تغير مجري تفكيرك و استناجك بالمره
و يا سيدي اعمل الخير و ارميه البحر

+1111

متنساش حضرتك ان شركة كبيرة زي دي لا يمكن تعترف بمشكلة تصميمية زي دي بسهولة (((سمعة يا باشا))) بالاضافة انه اايهما ارخص؟؟

اعدل واغير كل ((خلي بالك من كل دي)) نسخ وحدات الميكاترونكس اللي انا بعتها ... ولا اغير اللي يبوظ بس؟؟؟

دا حتي من ناحية اللوجستكس ميقدروش يعملوها حتي لو ببلاش ..

المشاركة الأصلية كتبت بواسطة ezalo

شكرا خالص علي الافادة الكبيرة دي
كنت عاوز اعرف انا عربيتي a4 اوتو 2005 ماشية 110 الف كيلو وغيرت زيت الفتيس والفلتر والجوان من حوالي شهر كدة ولما فكينا المصفحة بتاعت الزيت شفت المغناطيس كان علية رواسب لزقة فية المهم غسلناها بالبنزين وسبناها تنشف وصفيني الفتيس علي الاخر تقريبا 5 كيلو اخد زيت
هل الفتيس بتاع الa4ممكن تحصل فية عملية تقشير الصمامات ؟واحطلها بعد كدة الزيت المعدني دة ولا هايبوظها؟وشكرا

عربية حضرتك مفيهاش فتيس dsg لكن لازم تهتم بغيار الزيت (((قبل ميعاده))) وطبعا الصيانة الدورية
وربنا يسترها معاك ومعانا

المشاركة الأصلية كتبت بواسطة ahmad fattoh

مشكلة لا يمكن تفاديها ،،،،، الله يطمنك ،،، نجري نبيع يعني ولا ايه
وهل فيه حلول ولا ﻷ ؟ حتى لو للتاخير فقط
والصيانة هتفيدني بنسبة اد ايه
وانا عربيتي a5 2007 احطلها زيت نوعه ايه علما بان الصيانة شغالة وفي ميعادها

عربية حضرتك مفيهاش فتيس dsg
بالنسبة لنوع الزيت انا شخصيا بفضل موبيل او شل لكن راجع المواصفة مع الكتالوج واوعي تحط زيت مختلف عن المواصفة اللي عندك
وحاول تهتم بغيار الزيت (((قبل ميعاده))) وطبعا الصيانة الدورية

تحياتي للجميع

**mo7a_mo7a** · 13-01-2014 12:20 AM

المشاركة الأصلية كتبت بواسطة cosmicone

طيب استاذ mo7a_mo7a

ايه رأى حضرتك فى الكلام ان لو الفتيس ده تم التعامل معاه زى المانيوال ممكن يعيش عادى جدا؟

يعنى قول ما تقف فى زحمة تجيب n و متحملش على ال d و فرامل

ممكن فى الزحمه تستعمل النقلات المانيوال علشان ميفضلش طالع نازل بين النقلات؟

اكيد ده حياخر المشاكل ويطول من عمر الفتيس
وفي مداخلات عديدة لي في المنتدي نصحت بالحكاية دي لعربيات vag وغيرها

لان زي ما العمر الافتراضي للكاوتش مثلا بيتقاس بالالف كيلو .. العمر الافتراضي للفتيس بيتقاس بعدد النقلات
وده سبب ان المانيوال بيعيش اطول من الاوتو

لان لو افترضنا انك في شارع زحمة وطوله 500 متر ومعاك عربية مانيوال حتجيب الاول وتفضل تطلع وتقف تطلع وتقف وحيكون الهلك علي اسطوانة الدبرياج
اما لو العربة اوتو حتجيب اول تاني مور... اول تاني مور... اول تاني مور... اول تاني مور...
بالتالي تلاقي المانيوال نقل مثلا 10 مرات في الشارع ده والاوتو نقل 200 - 300 مرة يعني استهلاك اكبر للفتيس والزيت كمان

تحياتي

**Hany Saad** · 13-01-2014 12:39 AM

حابب أشكر حضرتك فى الأول على استنتاجك و تحليلك الرائع
و بعد أذنك حابب أعرض أخر أستنتاج وصلتله مجموعة فولكس عن مشكلة الفتيس:
Conductive deposits, caused by sulphur in the gear oil and an inorganic thermal stabiliser in one of the plastic components, can cause a short circuit in the mechatronic unit of the gearbox. This can cause the clutches to open and the gear disengages.
تفسيرهم بعد تحليل الزيت المحترق الغامق و بعد ما لقوا فيه مكون السلفر بيقول ان بيحصل ترسب لمكون السلفر فى زيت الجيربوكس ناتج من تفاعل الزيت التخليقى مع جزء بلاستيك حرارى فى الجيربوكس ...وجود السلفر بيعمل قفله " short circuit " فى وحدة الميكاترونيكس.
و علشان كده نصحوا الناس يحطوا زيت معدنى مش تخليقى علشان يوقف هذا التفاعل و يمنع هذه القفلة من الحدوث
ده من اخر الاستنتاجات اللى توصلولها
حبيت اشارك حضرتك لإثراء الموضوع....و شكرا مرة أخرى

**horas3000** · 13-01-2014 12:09 PM

المشاركة الأصلية كتبت بواسطة mo7a_mo7a

متنساش حضرتك ان شركة كبيرة زي دي لا يمكن تعترف بمشكلة تصميمية زي دي بسهولة (((سمعة يا باشا))) بالاضافة انه اايهما ارخص؟؟

اعدل واغير كل ((خلي بالك من كل دي)) نسخ وحدات الميكاترونكس اللي انا بعتها ... ولا اغير اللي يبوظ بس؟؟؟

دا حتي من ناحية اللوجستكس ميقدروش يعملوها حتي لو ببلاش ..

مهو الفكره ان السمعه في النازل و زي الزفت بالفعل
كمان هما خلاص مش محتاجين يعترفوا باي حاجه لان كل شيئ انكشفن و بان ههههه

و انا مش قصدي يغيروا كل الفتيسات اللي نزلت
انا قصدي يعملوا التعديل ده في الموديلات الجديده و يغيروا الكود و يقولوا ان ده جديد و بتاع زي ما هو حاصل دلوقتي
و يا سلام لو تم تجربته في كام عربيه قبل ما يعملوا كده

**mo7a_mo7a** · 13-01-2014 11:02 PM

المشاركة الأصلية كتبت بواسطة meggieboy

حابب أشكر حضرتك فى الأول على استنتاجك و تحليلك الرائع
و بعد أذنك حابب أعرض أخر أستنتاج وصلتله مجموعة فولكس عن مشكلة الفتيس:
Conductive deposits, caused by sulphur in the gear oil and an inorganic thermal stabiliser in one of the plastic components, can cause a short circuit in the mechatronic unit of the gearbox. This can cause the clutches to open and the gear disengages.
تفسيرهم بعد تحليل الزيت المحترق الغامق و بعد ما لقوا فيه مكون السلفر بيقول ان بيحصل ترسب لمكون السلفر فى زيت الجيربوكس ناتج من تفاعل الزيت التخليقى مع جزء بلاستيك حرارى فى الجيربوكس ...وجود السلفر بيعمل قفله " short circuit " فى وحدة الميكاترونيكس.
و علشان كده نصحوا الناس يحطوا زيت معدنى مش تخليقى علشان يوقف هذا التفاعل و يمنع هذه القفلة من الحدوث
ده من اخر الاستنتاجات اللى توصلولها
حبيت اشارك حضرتك لإثراء الموضوع....و شكرا مرة أخرى

اولا احب اشكر اهتمام معاليك واضافة حضرتك القيمة

واسمحلي اوضح شئ بسيط
العيب ده كان ظهر في عدة سيارات لكن ملوش علاقة باللي بنعاني منه
العيب ده كان بيحصل ان اثناء السير العربية تمور فجا او تبطل
نتيجة ان وحدة الكنترول بتاعة الفتيس بتعمل ريستارت فجا او بتخرج من الخدمة فجاة بسبب القفلة

ودي بكرر تاني حالات قليلة ويمكن علاجها ومش كتير زي التلف الكامل لوحدة الميكاترونكس اللي بنعاني منها

المشاركة الأصلية كتبت بواسطة ahmad fattoh

حضرتك بتتكلم عن زيت الموتور ،، صح؟
انا بعد اذنك باسأل عن زيت الفتيس

وانا بتكلم عن زيت الفتيس سيادتك
موبيل وشل بتنتج يت مخصوص للفتيس معدني وتخليقي ةعدة مواصقات من كل منهما
مش شرط تحط الزيت بتاع العربية علي فكرة
طبعا كلامي ده غريب علي البعض بس هس دي الحقيقة
مش مهم ماركة الزيت المهم المواصفة الفنية

تحياتي

المشاركة الأصلية كتبت بواسطة horas3000

مهو الفكره ان السمعه في النازل و زي الزفت بالفعل
كمان هما خلاص مش محتاجين يعترفوا باي حاجه لان كل شيئ انكشفن و بان ههههه

و انا مش قصدي يغيروا كل الفتيسات اللي نزلت
انا قصدي يعملوا التعديل ده في الموديلات الجديده و يغيروا الكود و يقولوا ان ده جديد و بتاع زي ما هو حاصل دلوقتي
و يا سلام لو تم تجربته في كام عربيه قبل ما يعملوا كده

السمعة في النازل هنا بس
سكودا واخدة جوائز مهولة السنة اللي فاتت في اوروبا
موضوع الضمان مظبط الدنيا برة

تغيير الفتيس او تعديله سياسة شركة
والموضوع معقد معتقدش حيعملوه قبل 2015
وبعدين الرهان بتاع vag علي الفتيس dsg مبقاش اختيار بقي حتمي
لان لو بصيت حواليك حتلاقي كل المنافسين شغالين دوال كلتش و فيهم 8 او 9 غيارات لو اتخلوا عنه حيخرجوا من المنافسة

تحياتي

المشاركة الأصلية كتبت بواسطة cosmicone

في حاجه مش فاهمها
ازاي يتحط زيت معدني في فتيس dry?

مش فاهم ؟؟ هو بيتغيرلوا زيت ؟؟

اي نعم
علشان الهيدرولكس والتبريد

-

-

الموضوع: <<< أخيراً إكتشاف السبب الرئيسي لمشاكل فتيس dsg >>>>

LinkBack

أدوات الموضوع

عرض

-

-

-

-

-

المواضيع المتشابهه

سكودا الصين تستدعى سياراتها المباعة لمشاكل فى فتيس dsg

للبيع شقتين علي شارع ابراهيم عبد الرازق الرئيسي والخمسين الرئيسي.

إكتشاف جديد

من السبب الرئيسي في المشاكل في العالم‏

#### السبب الرئيسي في انقلاب السيارات ####

الكلمات الدلالية لهذا الموضوع

المفضلات

المفضلات

ضوابط المشاركة