الموضوع: ملاك لانسر شارك 2014 واهلا بالجميع

السلام عليكم يا شاركوية
انا حاليا خلال ايام هشترى عربية ومحتار بين الشارك الفئة الاولى 2015 او الهيونداى اكسنت ار بى 2015 هاى لين يعنى معايا 110 الف وهقسط حوالى 25 الف انا منحاز للشارك بشكل كبير جدا تقدر تقول منحاز للشارك بنسبة 85 % بس سمعت عن عيوب مخوفانى زى
1- العزل وصوت الموتور
2- قطع الغيار هل غالية لدرجة كبيرة
3- كمان سمعت ان اداء الموتور بتعها الميفك 1600 مش بيشتغل كويس على بنزين 92 وان افضل اداء لية على بنزين 95
4- كمان عايز اعرف انهى وكيل احسن لان فية ناس فى الموضوع هنا بتشتكى من الوكيل انا عرفت من موضوعكم ان فية اكتر من توكيل زى داياموند والرواس و هاى تريد مين افضل
5- كمان موضوع اللون انا محتار بين الفيرانى والاسود منحاز اكتر للاسود بس بيقل ان الاسود مع الشمس والتراب مع الوقت بيتغير
انا مش معايا عربية ودى اول عربية ليا ومش خبير فى السواقة ولا فى العربيات فقلت اسال اهل الخبرة فموضوع الصوت العالى وانها ركوبة احسن من ركوبة تانية يمكن مش هحس بية او مش هفهمة اوى لانى مركبتش قبلها علشان احس بفرقبينها وبين غيرها انا بحاول اعمل اللى عليا واسال كتير واعرف معلومات عن العربية وبعد كدا الاستخارة وربنا يكتب الخير
كمان انا مليش ف الشد او السرعات العالية اخرى 100 او 120 كم فهل كدا يكون انسب ليا الاكسنت ار بى لانى بسمع ان الشارك للى بيحبو الجرى
6- كمان موضوع انى سامع ان شكل جديد هينزل قريب دا مخوفنى حاجة رخمة اشترى عربية وبعد كام شهر ينزل موديل احدث
ياريت الردود تكون موضوعية اكتر من انها تكون منحازة لعربية علشان هيا عربيتك

اسف للاطالة ومتشكر للكل على المعلومات القيمة اللى فى الموضوع هنا عرفتنى حجات كتيرة عن العربية

الله يبارك فيكم جميعا وانا راجع سمعت صوت فی الجنب اليمين صوت رفرفة هوا المهم قولت هوبا هو نوضوع العزل اشتغل وللا ايه دانا لسه علی سرعة 120 وبقيت فی حيره اشد شويه كمان اجرب وللا اهدی واتقل روحت وركنتها ومنمتش الليل يا جدعان هههههه اصلی محسوك حبتين اركب حد جنبی واقوله حط ايدك هنا طب هنا طب هناك طب هناكهو ولا الدموع الصبح نزلت اكمل عفرته فيها عشان اركب الجلد كمان واشتری الدواسات طلعت لازقه بنت تيت عالبربريز الامامی طالع منها حته وبترفرف بقه مع الهوا وتعمل زنه غبيه شلتها وطلعت قولت الحمد لله وقعدت اضحك كان شكلی قبلها زی يوم نتيجة الثانويه العامه هههههه المهم صباح ومساء الفل عليكم بعد الالف هحكی خبرتی مع مزتی الجديده بالتفصيل ان شاء الله نشبل عن سعادتكم شويه ونساعد غيرنا لو مفيش مانع