الموضوع: ملاك لانسر شارك 2014 واهلا بالجميع

السلام عليكم يا جماعة .. انا معايا شارك 2014 ماشية 25 ألف كم و الحمد لله تمام

محتاج استفسر عن شئ حصل في الفرامل مرتين ..

في يوم ممطر والعربية كانت ماشية اكتر من 100 كم وقفت لمدة دقائق وبعدها لما اتحركت على سرعات منخفضة في شوارع داخلية كانت الفرامل بتكركب كأن الـ abs شغال باستمرار ولما نزلت لمست الديسك لقيته مولع .. المهم الحمد لله كنت قريب من البيت و ركنت و كلمت التوكيل (فرع سعودي طريق الاسماعيلية الصحراوي) المهندسه قالتلي كده الطنابير جت عليها مياه ومفيش قلق جرب العربية و لو اتكررت تعالى مركز الصيانة .. انا استغربت لأني كنت سايق يومها ال 100كم على الدائري والصحراوي و بتمطر و الفرامل كانت تمام

مره تانية كنت في اول صلاح سالم عند الدوران جنب استاد الكلية الحربية و الارض كانت مبلولة و الفرامل عمله معايا الحركة دي تاني و مجرد اني عديت الارض المبلولة الفرامل كانت زي الفل على صلاح سالم

حد عنده تفسير او حصل معاه شئ زي ده؟

شكرا مقدما

المشاركة الأصلية كتبت بواسطة mhkorayem

طبعاً إيد واحده
بس في أيد فيهم قطع غيارها غاليه شويه

ههههههههههههههههههههه ماشي يا باشا انت تاني برده ده كده التاريخ هيعيد نفسه تاني
عامة الغالي للغالي ياباشا هههههههههه

المشاركة الأصلية كتبت بواسطة mhkorayem

لأ ارجوك بلاش التاريخ ده أنا لسه بتعالج من المره اللي فاتت

علشان تبعد عن الشارك ومتزعلهاش تاني المرة اللي فاتت انا خلصتك من الشاركاوية المرة دي انا هشيل ايدي من الموضوع لاني حاسس كده ان حضرتك جهزت نفسك بالاسلحة اللازمة وراجع تنتقم من الشارك هههههه

المشاركة الأصلية كتبت بواسطة mhkorayem

راجع انتقم !!!
لا طبعاً انت فهمت غلط ده انا راجع ابوس القدم وابدي الندم على غلطتي في حق .....
(يادي النيله هو انا كل لما اجي أكحلها اعميها) واضح ان مفيش فايده واني هضرب هضرب بس ارجوكم أضربو بشويش :b4_556:

النقط دي معناها كبيييييييييييييير اوي اذن فهي الحرب وانت البادي والبادي اظلم وانا هبعتلك رسالة شاركاوية بسيطة لعلك ترجع عن قرارك حقنا للدماء حتي لا يتدخل القرش الفك المفترس وسوف تكون من المهزومين

نويت اشتري شارك هاي لين لكني اريد اعلي مواصفات في السوق اريد مساعدتكم حيث اني سالت عند هاي تريد وجدتها ب ١٦٨ الف و في ابوحته موزع للوكيل ١٦١ الفرق بينهم في الكاميرا و الجريد علي الباب و ابوحته قال لي ان كاسيت هاي تريد الفيه الكاميرا كاسيت مش اصلي ارجو الافادة

بسم الله الرحمن الرحيم

الحمد لله حجزت شارك 2015 اول فئة خليجى باسبويلر توكيل الرواس وهستلمها خلال ايام باذن الله

كنت عايز اعرف اية الحجات اللى اتاكد انها موجودة وانا بستلم واخد بالى من اية واية الورق اللى هستلمة للعربية
كمان كنت عايز اركب انذار للعربية هل لو ركبتة عند اى كهربائى العربية تخرج من الضمان ولا عادى