ملاك لانسر شارك 2014 واهلا بالجميع

**محمد سمير حسين** · 20-08-2014 10:10 AM

المشاركة الأصلية كتبت بواسطة عمرو السويس

فعلا الاستهلاك اللي بيظهر علي الكمبيوتر ده قلقني زيادة. بس ممكن نستفيد من خبرة حضرتك و تقولنا ازاي نحسب الاستهلاك الفعلي للعربية.

بص يا باشا علشان تحسب استهلاك فعلي طبقا لظروف سواقتك وزحمتك اول حاجة فول بنزين بس قول للراجل اول ما المسدس يفصل ماتحطش بنزين تاني(يعني علي اول تكة مسدس) بعد كده حول بزرار info لحد ماتجيب عداد الرحلات B ودوس دوسة طويلة علي زرار INFOلحد ما العداد يتصفر كل ده وانت جوه البنزينة واتفضل حضرتك امشي بالعربية بتاع 300 كيلو او 350 او 400 مثلا وارجع نفس البنزينة وفول تاني علي اول تكة مسدس برده وشوف انت حاطيت كام لتر اقسم عدد الكيلومترات اللي في عداد الرحلات علي كمية البنزين اللي حطتها اول ما المسدس فصل وبكده هتعرف استهلاك فعلي للبنزين جرب الطريقة دي وقولنا علي استهلاكك

**Yasser Zaky** · 21-08-2014 09:55 AM

السلام عليكم يا أحلى شركاويه
كنت بسأل على طقم الجنوط الأصلي يعمل كام ؟ وهل تركيبه بيأثر في الضمان ؟

**mk_tablet** · 21-08-2014 07:10 PM

المشاركة الأصلية كتبت بواسطة ahmed travco

ابقى بص على صور عربيتي برضه وخد فكرة... الفيرلني لو رجه بي الزمن هختاره برضه... والشامبين ممتاز هو كمان...
وان شاء الله ربنا يوفقك للاختيار الأريح لك... ومبروك مقدما...

العربية الفئة الثانية اليوم ب 143 من أباظة قالى أن سعرها نزل 5000 مش عارف صح ولا لا
بس المشكلة مفيش غير الشامبين والفضى ارجو المساعدة فى صور لهذين اللونين

**Waleed m samy** · 22-08-2014 04:04 PM

السلام عليكم انا لسه جايب شارك ٢٠١٤ الفئة التانية نبيتي ب ١٤٩٠٠٠جم دياموند وانا بتصفح المنتدي لقيت سعر ١٤٥٠٠٠جم للفئة التانية !!!!!!!!!!!! ده معناه ايه بقه؟؟؟؟؟؟؟؟؟؟؟

**diiie_hard** · 22-08-2014 04:18 PM

لا سعرها بقي 143 :)

**Waleed m samy** · 22-08-2014 04:51 PM

المشاركة الأصلية كتبت بواسطة diiie_hard

لا سعرها بقي 143 :)

استحالة ياباشا هيه كانت فعلا اول السنة بالسعر اللي بتقول عليه لكن دلوقتي بقت ب١٥٠٠٠٠جم وصاحب المعرض ادهاني اقل من تمنها بألف ولو حضرتك مصمم علي كلامك ياريت تقوللي مين بيبعها بالسعر بتاعك ؟

**محمد سمير حسين** · 22-08-2014 08:28 PM

بالفعل يا رجالة العربية واضح ان في تخفيض عليهاممكن يكونو بيوسعو مكان ل 2015 والله اعلم علي العموم هو عرض مغري جدا خاصة ان 2015 نازلة نفس الشكل غالبا

**mido102** · 22-08-2014 09:27 PM

يجماعه هوا عرض مغري لكن الخوف كل الخوف تنزل ال٢٠١٥ بشكل جديد

**Waleed m samy** · 22-08-2014 09:56 PM

المشاركة الأصلية كتبت بواسطة محمد سمير حسين

بالفعل يا رجالة العربية واضح ان في تخفيض عليهاممكن يكونو بيوسعو مكان ل 2015 والله اعلم علي العموم هو عرض مغري جدا خاصة ان 2015 نازلة نفس الشكل غالبا

الكلام مظبوط الفئة الاولي ب ١٣٤٠٠٠ والثانيه ١٤٤٠٠٠ والتخفيض ده حصل عشان يبعد الناس عن شراء الخليجي مع ان الخليجي مش نازلة غير في الفئة الاولي بس ضربة السعر دي عشان يضرب بيها الخليجي ويخللي الناس تقبل علي الوكيل والحمدلله انا مش زعلان لاني جبتها غاليه لان ده نصيب وربنا مقدرلي الخير في اللي معايا وعلي فكره الفئة التانيه غير متوفره حاليا لمدة شهر والاسعار اللي فوق دي الاسعار الرسمية يعني لو حبيت تحجز وتستني مش اقل من ٣ او ٤ شهور وبيزيد السعر الف او الفين وممكن تلاته لو عايز فوري والكلام ده مؤكد من لسان واحد في شركة ميتيوبيشي