الموضوع: ملاك لانسر شارك 2014 واهلا بالجميع

المشاركة الأصلية كتبت بواسطة mhkorayem

أنا شايف ان احنا مبعدناش كتير ومتفق معاك تماماً لو حد عاوز يشتري وعنده القدره على مصاريف الشارك من صيانات وقطع غيار تبقى هي الافضل عشان كده هتلاقيني قايل نصيحه ان الواحد يسأل على سعر قطع غيار العربيه اللي بيفكر يشتريها ويشوف لو كانت مناسبه ليه ولظروفه ولا لأ ودي كل واحد هو اللي يقدر يحددها لنفسه (ودي لأي حد عاوز يشتري اي عربيه اياً كانت مش الشارك بس) عشان الواحد ميلقيش نفسه في لحظه راكن العربيه تحت البيت ومغطيها بالشهور عشان مش معاه تمن قطعة غيار العربيه محتاجاها ضروري
بس انا بختلف معاك في نقطه وهي ان مفيش حاجه اسمها أن عشان ياباني تبقى فئه اعلى من الكوري وسعر قطع غيارها اغلى ولو الماني تبقى احسن من الياباني وتبقى اغلى واغلى لأن زي ما قلت لك ان في عضو هنا في المنتدي كان عامل مقارنه ومنها لاقيت ان اسعار قطع غيار التويوتا الياباني وللاسف الشارك كمان كان قطع غيارهم اعلى من البيجو 508 ودي فئه اعلى منهم كتير وفرنساوي واعلى حتى من الاوبل الاسترا اللي هي الماني ده غير ان العربيات الصيني اللي هي المفروض فئه اقل من الكوري حبه حلوين اسعار قطع غيارها ناااااااااااااااااااااااا ااااااااار واغلى من الكوري كتير
حاجه تانيه معلشي لو تستحملني فيها مينفعش نقارن السيراتو والالنترا ولا حتى الريو والاكسنت بالافيو لانك كده بتقارن عربيات معظم اللى ركبوها شكروا فيها بالافيو اللي معظم ملاكها بيشتكوا منها
وفي الاخر احب اضيف تصحيح بسيط اسمحلي بيه (أنا عارف انه ملهوش دعوه بالموضوع) بس عشان بس تبقى المعلومه مظبوطه لاي حد متابع الموضوع ان سعر الافيو الاوتوماتيك 101.000 جنيه

مختلف مع حضرتك ﻻن مقارنتك ناقصه حاجه مهمه جدا وهى العمر اﻻفتراضى لقطع الغيار واللى هى معمرة جدا فى الشارك عكس العربيات الكورى ايا كان نوعها وشوف كده فلتر البنزين الغالى قوى بتاع الشارك بيقعد قد ايه وبتاع الالنترا مثلا بيقعد قد ايه وساعتها نعرف اذا كان غالى وﻻ ﻻ وتقبل مرورى وفى النهايه لوﻻ اختلاف اﻻراء لبارت السلع واﻻختلاف فى الراى ﻻ يفسد للود قضية

المشاركة الأصلية كتبت بواسطة mhkorayem

أنا شايف ان احنا مبعدناش كتير ومتفق معاك تماماً لو حد عاوز يشتري وعنده القدره على مصاريف الشارك من صيانات وقطع غيار تبقى هي الافضل عشان كده هتلاقيني قايل نصيحه ان الواحد يسأل على سعر قطع غيار العربيه اللي بيفكر يشتريها ويشوف لو كانت مناسبه ليه ولظروفه ولا لأ ودي كل واحد هو اللي يقدر يحددها لنفسه (ودي لأي حد عاوز يشتري اي عربيه اياً كانت مش الشارك بس) عشان الواحد ميلقيش نفسه في لحظه راكن العربيه تحت البيت ومغطيها بالشهور عشان مش معاه تمن قطعة غيار العربيه محتاجاها ضروري
بس انا بختلف معاك في نقطه وهي ان مفيش حاجه اسمها أن عشان ياباني تبقى فئه اعلى من الكوري وسعر قطع غيارها اغلى ولو الماني تبقى احسن من الياباني وتبقى اغلى واغلى لأن زي ما قلت لك ان في عضو هنا في المنتدي كان عامل مقارنه ومنها لاقيت ان اسعار قطع غيار التويوتا الياباني وللاسف الشارك كمان كان قطع غيارهم اعلى من البيجو 508 ودي فئه اعلى منهم كتير وفرنساوي واعلى حتى من الاوبل الاسترا اللي هي الماني ده غير ان العربيات الصيني اللي هي المفروض فئه اقل من الكوري حبه حلوين اسعار قطع غيارها ناااااااااااااااااااااااا ااااااااار واغلى من الكوري كتير
حاجه تانيه معلشي لو تستحملني فيها مينفعش نقارن السيراتو والالنترا ولا حتى الريو والاكسنت بالافيو لانك كده بتقارن عربيات معظم اللى ركبوها شكروا فيها بالافيو اللي معظم ملاكها بيشتكوا منها
وفي الاخر احب اضيف تصحيح بسيط اسمحلي بيه (أنا عارف انه ملهوش دعوه بالموضوع) بس عشان بس تبقى المعلومه مظبوطه لاي حد متابع الموضوع ان سعر الافيو الاوتوماتيك 101.000 جنيه

استاذي الفاضل محمد كريم صباح الفل بالنسبة لتصحيح السعر بتاع الافيو كلام حضرتك مظبوط هي عاملة في سعرها الرسمي 101 الف ممكن يكون حصل معايا لبس مابينها ومابين الصني اللي هي تقريبا ب115 الف وبرده الناس بتشتكي منها ومابعدناش كتير برده بالنسبة لباقي الموضوع بصراحة انا مافهتش نقطة هو حضرتك بتتكلم عن الياباني والالماني والكوري ان مافيش افضلية لحاجة عن حاجة ولا بس علي نقطة قطع الغيار لو نقطة قطع الغيار بس يبقي اوك مش هانختلف كتير ومش هنقف كتير عند النقطة دي لكن من ناحية الافضلية(المتانة والعملية والقوة وال ..... الخ) يبقي لا معلش بصراحة هما ليهم ترتيب الناس كلها عارفاه الماني -ياباني - كوري واستاذنك تقبل سؤالي هو حضرتك لو حد عرض عليك (بنفترض طبعا) انك تشتري عربية بي ام جديدة 320 i مثلا وبسعر 100 الف جنيه فقط مع ان سعرها الاصلي 400 الف جنيه حضرتك هتقبل ولا هترفض علشان سعر قطع الغيار بتاعتها غالية النقطة التانيه والكلام ده حضرتك اللي تفضلت بذكره انك استغربت لما لقيت ان التيوتا وكمان الشارك قطع غيارهم اغلي من البيجو 508 طيب لما التيوتا كمان طلع ان قطع غيارهااغلي من البيجو يبقي كده التيوتا كمان قطع غيارها غالية طب ليه حضرتك ما حذرتش الناس من ان قطع غيار التيوتا كمان غالية واتكلمت فقط علي الشارك وليه الناس بتتهافت علي شراء التيوتا بالرغم من غلو قطع غيارها يبقي كده موضوع قطع الغيار مابقاش عامل مؤثر قوي يخلي الواحد يبعد عن شراء التيوتا او الشارك والدليل كمان علي النقطة دي ان حضرتك ممكن تسال علي كم الحجز اللي معمول علي الكورولا وعلي الشارك في التوكيل وانت تعرف ان موضوع قطع الغيار ده مابقاش بيبعد الناس عن شرائهما يا سيدي الفاضل ده في ناس حاجزاهم من 6 و5 شهور ولسه وايتينج ليست وبالنسبة للافيو اللي حضرتك بتقول ان ملاكها بيشتكوا منها فعلا ده كلام مظبوط بس مازالت مطلوبة والناس بتشتريها وكذلك الصني ب120 الف السوبر صالون والناس عمالة تشتريها (بالرغم من الشكاوي الكتيرة اوييييييييي منها)علشان واخدة سمعة ان قطع غيارها مش غالية اوي وبيتغاضوا عن النقطة الاهم وهي متانة العربية وبعد ما يشتروها يفضلوا رايحين جايين علي التوكيل والعربية بذلك بتفقد وظيفتها الاصلية والاساسية ومابعرفوش يستمتعوا بيها ده كله علشان قطع الغيار وبعتذر لحضرتك لو انا كاتب اي كلمة قد تصلك بمعني غير الذي اقصده في هذا الموضوع وانا والله لا اقصد الا الخير والسلام ختام لحضرتك ولكل الزملاء

اللذيذ بقى ان استاذ محمد كريم بيحذر الناس من قطع غيار الشارك فى منتدى اللانسر وكمان فى موضوع ملاك لانسر شارك 2014 تحديدا يا استاذ محمد كريم الف مبروووك على حضرتك الكيا ريو وربنا يديك خيرها ويكفيك شرها وفعلا زى ما قولت لحضرتك قبل كده لولا اختلاف الاذواق لبارت السلع بس احنا ناس بتحب المواتير الشديدة العفية وده اذواق

عاوز اسال علي حاجة يا جماعة وياريت الاقي اجابة هو السنتر لوك ينفع اخليه يقفل الابواب كلها لوحده بعد ما اطلع بالعربية ولا لازم انا اللي ادوس عليه كل ما اركب؟؟؟؟؟؟؟؟؟؟؟؟؟؟؟؟؟

مستنيين الرد يا فاعلين الخير ازاي السنتر يقفل لوحده

متابع معاكم لانى كنت بعملها عند ادريان او سبير كار لما كان بيركبلى هو السنتر بتاع الفيرنا كان بيقفل لوحده اول ما اتحرك وساعات مع اول دوسة فرامل فى عربية المدام