الموضوع: ملاك لانسر شارك 2014 واهلا بالجميع

المشاركة الأصلية كتبت بواسطة waleed m samy

شوف يا غالي حظك احسن من حظي سعر الفئة التانية بقي ١٤٣٠٠٠ او ١٤٤٠٠٠ دلوقتي ثانيا مواصفاتها فيها ٤ جنوط سبور و٢ اير باج وفرامل abs وعلي فكرة همه ٤ فئات وعلي فكرة تعتبر احسن من الاولي والتالته لان التالته تزيد مخدع تحت ايدك ومخدع في الكنبه الورانيه وusbفي الكاسيت وسبويلر والاكر نيكل اما الاولي مافيهاش الا اير باج واحدة بس وبالتوفيق انشاءالله وماتحترش لاني الجروب ده هوه اللي اكدلي اني اجيبها وانا اهوه مستني الورق بتاع العربية عشان ارخصها واي خدمة يانجم :copy of new:

هو حضرتك متاكد ان الفئة التالتة فيها سبويلر ؟

السلام عليكم ورحمه الله وبركاته

انا متابع كلامكم بقالي كتير وانا بقارن بين العربيات وحبيت واقتنعت بالشارك بسببكم فعلا .. ربنا يجازيكم كل خير

انا اشتريت شارك 2014 وكيل الفئة التانية لون شامبين .. فعلا عربية جميلة و توفيق من ربنا اني اخترت الشارك في حد ذاتها بدل الاختيارات التانية واني اخترتها وكيل الحمد لله .. واللون عبقري لأنه بيكون شامبين فالنهار و بيكون فضي فالليل :)

لو اي حد حابب يستفسر يتفضل أكيد

انا كمان حابب أعرف صيانة الألف فيها ايه و بتتكلف كام تقريبا و ايه نوع الزيت اللي هيحطوه ولو فيه نوع افضل اشتريه من بره اخده معايا (حتى لو أغلى) يكون ايه

ربنا يبارك للكل في عربياتهم ويحفظهم

المشاركة الأصلية كتبت بواسطة aelkassaby

السلام عليكم ورحمه الله وبركاته

انا متابع كلامكم بقالي كتير وانا بقارن بين العربيات وحبيت واقتنعت بالشارك بسببكم فعلا .. ربنا يجازيكم كل خير

انا اشتريت شارك 2014 وكيل الفئة التانية لون شامبين .. فعلا عربية جميلة و توفيق من ربنا اني اخترت الشارك في حد ذاتها بدل الاختيارات التانية واني اخترتها وكيل الحمد لله .. واللون عبقري لأنه بيكون شامبين فالنهار و بيكون فضي فالليل :)

لو اي حد حابب يستفسر يتفضل أكيد

انا كمان حابب أعرف صيانة الألف فيها ايه و بتتكلف كام تقريبا و ايه نوع الزيت اللي هيحطوه ولو فيه نوع افضل اشتريه من بره اخده معايا (حتى لو أغلى) يكون ايه

ربنا يبارك للكل في عربياتهم ويحفظهم

الف الف مبروك يا باشا ربنا يباركلك فيها يارب ويديك خيرها ويكفيك شرها إن شاء الله
بالنسبه لصيانه الالف انا لسه عاملها الاسبوع اللي فات فابو رواش وهما غيرو زيت وفلتر زيت وشيكو على حجات كتير كده قالي عليها المهندس اللي قابلني هما 26 نقطه مشفاكر منهم غير تظبيط هوا الكاوتش..

حطولي زيت توتال والموتور بياخد 5 لتر زيت و مشعارف توتال حلو ولا وحش بصراحه بس انا مطمن للتوكيل.

خدو ساعتين طبعا كتير على تغير الزيت والفلتر بس الحجه كانت انهم بيشيكو على ال26نقطه اللي مشفاكرهم بس المكان كويس وشايف عربيتي وهما شغالين فيها من ورا الازاز .
بالنسبه للتكاليف دفعت 514 ج

وبالنسبه للكماليات سالت المهندس عن الحجات دي...
اللسبويلر ب1500 على ما اتزكر.. لكن قالي هو الوحيد اللي ممكن اركبه برا التوكيل عادي
الفوجات ب 700 ( وبيقولي مش اصلي دي هاي كوبي)
الانزار ب550 وبيتركب على مفتاح العربيه
الباركينج سينسور ب 500

ومتنساش يا باشا تاخد معاك كتيب الخدمه عشان بيختموه من عندهم..
وبالتوفيق انشاءالله والف مبروك مره تاني يا باشا

المشاركة الأصلية كتبت بواسطة tifa2015

مفيد طبعا يا استاذ عمرو فى الايام اللى احنا فيها ده اولا هو زيادة فى الامان يعنى اى حد هيقرب من العربية هتصرخ وتعمل فضيحة ثانيا كان عندى زمان اسكودا فليشيا واتسرق منها الكاسيت والسماعات وهيا تحت البيت ومكنتش مركب انذار وممكن الكاوتش يتسرق كمان وانا الحمد لله عندى جراج دلوفتى لكن فى الشغل معنديش ولو خرجت فى مكان برضه بتبقى فى الشارع وفى الاخر بنحاول ناخد بالاسباب ونعمل اللى علينا وربك يسترها علينا والف شكر على ردك واهتمامك

السلام عليكم ورحمة الله عندى استفسارات بخصوص ﻻنسر شارك 2014 انا اشتريتها من أسبوع. العربية ما شاء اللة ممتازة بس عاوز أسأل عن صوت التكييف لما تكون برة العربية بحس انة بيشتغل ويفصل كتير!! هو كدة طبيعى؟ على الرغم انو بيتلج العربية؟ ياريت حد يجاوبنى؟ ؟؟؟؟

باركووووولى

خلاص بقيت من ملاك الشارك وهى شارك بصحيح اسمها وشكلها انا اخترت اللون الفيراني والفرش الداخلى اسود ....هو غامق شوية بس هيستحمل اكتر من البيج الفاتح

بافكر اركب الانذار والباركينج سنسور في التوكيل باذن الله


قولولى نصايحكم لو حبيت اعمل فرش جلد و الزق حاجة على التابلوه نفسى اعمل اى تاتش سيلفر كده يفتح الدنيا شوية بس تكون حاجة شيك وراقية .....
وكمان هل فيه اى نصايح بخصوص السواقة يعنى المفروض ما زودش السرعة عن حد معين وكمان لما جيت افول بتاع البنزينة قاللى فيه حاجة اسمها دورة وقود لازم تتعمل بس انا ما رضيتش وفولت بس خدت بنزين ب150 جنيه وحطيت 53 لتر
طبعا ما استلمتش لسه غير اقرار استلام السيارة وباقى اوراقها على يوم الاتنين علشان ارخص ان شاء الله
ما تبخلوش عليا بالنصايح
واى سؤال تحت امركم

انا اشتريت الفئة التاية وكيل دياموند

المشاركة الأصلية كتبت بواسطة khaledelshafie

باركووووولى

خلاص بقيت من ملاك الشارك وهى شارك بصحيح اسمها وشكلها انا اخترت اللون الفيراني والفرش الداخلى اسود ....هو غامق شوية بس هيستحمل اكتر من البيج الفاتح

بافكر اركب الانذار والباركينج سنسور في التوكيل باذن الله


قولولى نصايحكم لو حبيت اعمل فرش جلد و الزق حاجة على التابلوه نفسى اعمل اى تاتش سيلفر كده يفتح الدنيا شوية بس تكون حاجة شيك وراقية .....
وكمان هل فيه اى نصايح بخصوص السواقة يعنى المفروض ما زودش السرعة عن حد معين وكمان لما جيت افول بتاع البنزينة قاللى فيه حاجة اسمها دورة وقود لازم تتعمل بس انا ما رضيتش وفولت بس خدت بنزين ب150 جنيه وحطيت 53 لتر
طبعا ما استلمتش لسه غير اقرار استلام السيارة وباقى اوراقها على يوم الاتنين علشان ارخص ان شاء الله
ما تبخلوش عليا بالنصايح
واى سؤال تحت امركم

انا اشتريت الفئة التاية وكيل دياموند

متزودش السرعة عن ٨٠ ومتشغلش التكييف لحد الف كيلو واحكيلنا كاش ولي قسط وكدة يعني التابلوة من جوة اسود؟؟ واية دورة الوقود

انا اشتريت كاش ب 144 الف جنيه
مارضيش ينزل جنيه
مع اننا كنا متفقين على 143 الف
بس انا اترددت يومين كده كنت بافكر في السيراتو او الv5 بس حسمت القرار لصالح الشارك
فزود ال 1000 جنيه دى وقاللى العربية زادت
وخد كمان 100 جنيه لزوم تخليص شهادة البيانات والحاجات دى

ايوة التابلوه اسود كله مافيش غير جزء بسيط كده هو اللى رمادى لكن تقريبا كله يعتبر اسود محتاج فعلا فضى ينوره شويه
حتى الفرش محتاج اعمل فرش رمادى في اسود مثلا هتبقى احلى كتير
لو سمحتوا فين مكان جينز كار
انا حاولت اشغل التكييف امبارح بعد ما فولت بس حسيته ضعيف جدا فخفت ورحت قافله على طول وقلت هاسالهم في المعرض
انا غالبا هسافر بيها في العيد الكبير ان شاء الله وهاحتاج اشغله وغالبا مش هاكون وصلت لل1000 كيلو لسه هو كده يبقى غلط؟؟؟؟
دورة الوقود هو قاللى على ازازة كده اشتريها وتتحط مع البنزين او تتحط الاول بصراحة ما ركزتش معاه ومش فاكر اسمها ايه.......