الموضوع: نصائح للتخلص من الكرش + أوعي يتنصب عليك

ربنا يخليك ياكابتن على ذوقك وعلى مساعدتك للناس

فيه سؤال ياكابتن لو شخص بيتمشى لمدة 5 ايام فى الاسبوع لمدة ساعة الا ربع تقريبا وممكن اسبوع اه واسبوع يكسل مثلا

الوزن 95 كيلو

الطول 185 سم


عايز اعرف يبدء امتى يمارس رياضة الجرى ونط الحبل ؟ علشان انا اعرف ان لازم وزن مع طول معين علشان يقدر يجرى او ينط حبل علشان مايسببش اذى للركبة بتاعته

الأعزاء جميعا أعتذر عن عدم تواجدي لظروف خاصه .. و أعدكم بالرد في أسرع فرصه .. تحياتي لكم جميعا

المشاركة الأصلية كتبت بواسطة الجنرال

طيب انا حابب اخد رأيك يا دكتور

انا برضه الحمد لله بنزل اجري الصبح مع الشروق وقبل ما اروح الشغل .. مسافة الجري حوالي 3 كيلو .. في الاول كنت بخليها متقطعة .. وبعد فترة بقيت اخليها متصلة كلها ورا بعض كاملة

وبعدين نزلت جيم كمان بنعلب فيه Fitness مع مدرب محترف ..

وفي نفس الوقت نظمت الاكل كالاتي:
الفطار: بيضة مسلوقة وربع رغيف عيش بلدي مع جبنة بيضاء
الغداء فى الشغل: فاكهة برتقال وتفاح وممكن خيار كمان
العشاء لما اروح البيت على الساعة 7 مثلا: الاكل اللى موجود ولكن بكميات قليلة جدا (ربع فرخة وحبة رز قليلين والخضار المعمول فى الغداء

حسيت ان وزني نزل حوالي 5 كيلو في شهر ونص تقريبا ..

الاسئلة بقه:
1- هل ده نظام كويس استمر عليه؟؟
2- هحاول اجرب جري hiit ان شاء الله واشوف .. لكن المشكلة خايف من مشاكل الركبة .. لاني احيانا بحس بوجع شديد فى الركبة وعضلة السمانة .. واحيانا بحس انى مش قادر اطلع السلم خالص
3- في الجيم بنلعب مع الكابتن لفترة كويسة .. بنلعب حوالي ساعة نصها جري وحركة والنص التاني تمارين بطن (حوالي 600 عدة بطن متنوعة بما فيها ثبات) .. فهل ده بيساعد فى التخسيس؟؟
انا هدفي حاليا اني انزل 20 كيلو .. بعدها هشوف موضوع العضلات ده لكن الاول دلوقتى هو التخسيس

شكرا ليك يا دكتور :) ربنا يجعله فى ميزان حسناتك

أهلا بيك يا فندم .. و شرف لينا مشاركتكم ..
1 النظام اللي حضرتك عليه محترم أوي .. أنا وضحت برده في مشاركه إنه عادي كل اللي حضرتك عايزه ممكن تاكله بس كميات قليله .. مفيش فاست فود و كل اللي حضرتك كاتبه ممتاز ..
2 شوف حضرتك فيديو لتمرينات الإطاله قبل الجري هتلاقيه في الموضوع برده و ده مهم في أكتر من حاجه .. منهم عدم الشد و الوجع أثناء الجري بيزود إنسياب الدم للعضله .. في قانون بيقول The more you stretch , the more you contract و بالتالي هتلاقي الأداء في الجري ممتاز .. بعد تمرينات الإطاله قبل و بعد الجري .. و هيقلل ال Recovery time اللي هو الوقت اللي حضرتك محتاجه للعضله عشان ترجع زي ما هي قبل الجري ..
3 يساعد جدا جدا .. الكارديو في الأساس و هكرر لحضرتك اللي قلناه .. إننا لما بنلعب بطن .. هنكون عضله شكلها حلو أوي هتظهر لما ننزل الدهون اللي عليها عن طريق الكارديو ..

تدريب العضلات يساعد بشكل مباشر في عمليه التحسيس .. لأننا لما بندرب العضلات بتستهلك الدهون الزياده و بتظبط شكل الجسم ..
تحياتي

المشاركة الأصلية كتبت بواسطة TIMODAX

السلام عليكم
الوزن 180 كيلو
الطول 175 سم
جربت كل الريجيمات و مابالتزمش الصراحه
اشتريت مالتي جيم في البيت
و ماباعملش بيه حاجه
ممكن نصائح باستخدام المكملات مع نظام أكل معقول و جهاز المالتي جيم عاوز استفيد بيه

المالتي جيم مش هيفيد حضرتك ..
أنصحك بعمليه شفط إذا أمكن هيكون حل مفيد جدا .. و أسرع .. و ممكن بعدها نظبط نظام غذائي و مكملات ..
و الحل التاني هو رجيم قاسي .. و مشي كل يوم ساعه علي الأقل .. و إستخدام Fat Burners زي Oxyelite , Lipo 6 black
تحياتي .. و هقوم برفع فيديو لتحقيق أقصي إستفاده من المالتي جيم ..

المشاركة الأصلية كتبت بواسطة محمد مجدى

ربنا يخليك ياكابتن على ذوقك وعلى مساعدتك للناس

فيه سؤال ياكابتن لو شخص بيتمشى لمدة 5 ايام فى الاسبوع لمدة ساعة الا ربع تقريبا وممكن اسبوع اه واسبوع يكسل مثلا

الوزن 95 كيلو

الطول 185 سم


عايز اعرف يبدء امتى يمارس رياضة الجرى ونط الحبل ؟ علشان انا اعرف ان لازم وزن مع طول معين علشان يقدر يجرى او ينط حبل علشان مايسببش اذى للركبة بتاعته

أهلا بيك ..
هنتمشي بنفس إسلوب ال HIIT مشي سريع أوي يخليني معرفش أتكلم ..
أو لو نعرف نتخطي مرحله المشي لمرحله ال Jogging أو الهروله يعني يبقي تمام أوي .. نعمل Jogging دقيقه و مشي عادي بس سريع دقيقه .. و هكذا .. هتكون أكثر تأثيرا ..
وزن حضرتك مناسب جدا لكل التمرينات القلبيه و مفيش مخاطر علي الركبه ..
الكلام يمكن تطبيقه لو الوزن زايد عن الوزن ال Ideal 30 كيلو فيما فوق .. و ليها حلول ساعتها برده ..
لو حضرتك حابب يكون أحسن لو هنروح الجيم .. ولو هنلعب مرتين في الإسبوع رجل بس .. خصوصا تمرينات ال SQuat اللي هنوضحها في الموضوعات القادمه من هذه السلسله ..
تحياتي و أتمني أكون أفدت حضرتك بأي شئ ..