الموضوع: مؤشر الحرارة بيعلى في السرعات العالية وبيرجع في السرعة البطيئة

المشاركة الأصلية كتبت بواسطة mamahran

شكلها كده الردياتير عايز يتغير
رحت التوكيل وقالولي ضغط المياة من القربة كويس وغيرت حساس الحرارة والمروحة شغالة صح زي مانتا قولت الهوا مسحوب من برة وداخل جوة. والمروحة برضه بتشتغل وتفصل- مابتفضلش شغالة علطول.
ومع كل ده لسه بتسخن على السرعات العالية.مش لاقي سبب تاني غير ان الردياتير مش مظبوط

ولايهمك
مافيش مشكله ومالهاش حل
انت نسيت تقول انت غيرت الردياتير الاصلي ليه؟ وهل كانت المشكله دي موجوده قبل ماتغير الردياتير؟
بناء علي ردك هانحدد السبب في واحد من دول
ردياتير غير مناسب
الردياتير ( دوره التبريد واخده هوا )
سرموستات الكوعه

المشاركة الأصلية كتبت بواسطة mamahran

المشكلة دي حصلت مرة واحدة من سنة ونص وماتكررتش تاني الا لما غيرت الردياتير وانا غيرته علشان كان في تسريب..... وبقت دلوقتي علطول تسخن مع اي سرعة فوق 80
هو الثرموستات غير حساس الحرارة ولا هما واحد...لاني غيرت حساس الحرارة.

عزيزي انت عندك في العربيه 3 لهم علاقه بالحراره
1- ثرموستات تشغيل المروحه وده بيكون راكب علي الردياتير
2- ثرموستات الكوعه وده بيكون راكب علي الموتور في مكان دخول خرطوم الردياتير
3- حساس الحراره وده خاص بمؤشر الحراره في التابلوه والحساس ده بيركب علي الموتور ( في سكه مياه التبريد )

اللي انا فهمته من كلامك ان المشكله دي ظهرت عندك لما كان في تسريب مياه قبل كده ومعني تسريب مياه ان كميه المياه كانت ناقصه في الردياتير وعلشان كده اعتقد ان مشكلتك في الردياتير