الموضوع: شفت بالله عليك بنات آخر زمن..عمار يا مصر

المشاركة الأصلية كتبت بواسطة moh_kamal67

اه ضحكتونى كلكم ، الاستاذ gemino الاسكندرانى الاصيل قال المفيد وده باين عليه عايش تجربة ، الناهردة واحدة سألت زميلتى فى الشغل هل تعرفى حضانة للطفل من اول عمر يوم ، بقول يوم ، ليه ياسيتى اصلى بكمل الدكتوراه وموش فاضية للنونو الجاى خالص ، امال هوة جاى ليه معرفش؟؟

يوم ؟!!!!!!!!!
يظهر الرحمة بقت عند كل مخلوقات ربنا الا البشر

الاخت birdybirdy
شكرا لتوضيح معنى الآية الكريمه وفعلا أنا كنت فاهمها زي ما كثير من الناس فهمينها ان قرن في بيوتكن..بمنتهى البساطه
آسف لو كنت زعلتك بكلامي ..أنا فعلا كنت أقصدك..آسف مره تانيه

كل ما أتمناه من الله ان شاء الله ان الله يعوض صبري والتزامي بالبنت الي تريح قلبي وتسعدني ان شاء الله ..لي ولجميع شباب المسلمين وغير المسلمين.

شكرا لكل إلي اتفعلوا مع الموضوع ...كنت محتاج أعرف انا صح ولا غلط

بالنسبه لأخي الفاضل الي مش مصدق انها عاوزه شغل ودراسات وأعمال خيريه ...دي فعلا حقيقه مش ببالغ ...لانها ماشاء الله عليها فعلا نشيطه جدا جدا لدرجة أنها كانت مريضه معظم الشهر بسبب هذا المجهود الخارق..ماشاء الله لا قوة إلا بالله ...أكيد برضه هاتلاقي هي ان شاء الله الي يتقبل الوضع ده ويرتاح معاه.

المشاركة الأصلية كتبت بواسطة birdybirdy

مبدئيا انا بشكر حضرتك على توضيح الصورة للناس وتجنب التعميم على البنات وليا تعقيب على بسيط وعلى فكرة انا مش من انصار عمل المرأة واثبات ذاتها حتى لو على حساب بيتها وجوزها والكلام ده خالص ومش هادافع دفاع اعمى عن عمل المرأة عموما ولو حضرتك شفت مشاركتي كويس هاتلاقيني كتبت ان لو الشغل تعارض مع واجبات بيتي يإما هاشوف وظيفة بوقت أقل يإما هاسيب الشغل خالص لاني حسيت من الجملة اللى حضرتك قولتها دي (وإلي بتتكلم على الدين برضه راجعي قول الرسول صلى الله عليه وسلم (إذا جاءكم من ترضون دينه وخلقه فزوجوه..إن لم تكن فتنة في الارض وفساد كبير)) ان حضرتك بتقصدني أنا والله اعلم طبعا واعتقد ان كلامي عن الدين مفيهوش اي تعارض مع الحديث اللي حضرتك ذكرته وانا قلت لازم يكون في تناسب ديني وشخصي ونفسي .... إلخ وذكرت الدين والخلق اول حاجة لانهم هما الأساس يعني انا برده حطيت الحديث في الإعتبار متجاهلتوش تماما ولا نقيت من الدين اللي يوافق رأيي ولا جزأت الدين
اما بالنسبة لـ (وقرن في بيوتكن) فأنا اقتبست فتوى للشيخ يوسف القرضاوي عن تفسير الآية دي وعلاقتها بمشروعية عمل المرأة من عدمه والمصدر موقع اسلام اونلاين على فكرة وده رد الشيخ يوسف القرضاوي:

آية : " وقرن في بيوتكن " :
وقد استدلت الفتوى على منع المرأة من الترشيح للانتخاب بقوله تعالى : (وقرن في بيوتكن ) (الأحزاب : 33) وللرد على ذلك نقول: .

من المعلوم الذي لا ينازع فيه أحد أن الآية خطاب لنساء النبي، كما يدل على ذلك السياق . ونساء النبي لهن أحكام خاصة من حيث مضاعفة العذاب لمن تأتي بفاحشة مبينة، ومضاعفة الأجر لمن تعمل صالحًا، وتحريم نكاحهن بعد رسول الله -صلى الله عليه وسلم- . وقد قال القرآن في نفس السياق : " يا نساء النبي لستن كأحد من النساء ".
ولهذا أجاز المسلمون من غير نكير للمرأة في عصرنا أن تخرج من بيتها للتعلم في المدرسة، ثم في الجامعة، وأن تذهب إلى السوق، وأن تعمل خارج بيتها معلمة وطبيبة وممرضة، وغير ذلك من الأعمال المشروعة، في إطار الشروط والضوابط الشرعية.

على أن الآية الكريمة : " وقرن في بيوتكن " لم تمنع أم المؤمنين، أفقه نساء الأمة، عائشة رضي الله عنها، أن تخرج من بيتها، بل من المدينة المنورة، وأن تسافر إلى البصرة على رأس جيش فيه الكثير من الصحابة، وفيهم اثنان من العشرة المبشرين بالجنة، ومن الستة المرشحين للخلافة، أصحاب الشورى : طلحة والزبير، تطالب بما تعتقد أنه حق وصواب، من المبادرة بالقصاص من قتلة عثمان رضي الله عنه.

وما يقال من أنها ندمت على هذا الخروج، فهذا ليس لأن خروجها كان غير مشروع، بل لأن رأيها في السياسة كان خطأ . وهذا أمر آخر.

على أن بعضهم اتخذ من آية : " وقرن في بيوتكن " حجة عامة على أن المرأة لا يجوز لها أن تخرج من بيتها إلا لضرورة أو حاجة تنزل منزلة الضرورة، حتى التعليم في المدرسة والجامعة توقفوا فيه ! ولا عجب أن حرموا عليها أن تشترك في الانتخابات بالتصويت، بأن تقول " نعم " أو " لا ".

وبهذا يعطل نصف الأمة عن الشهادة في هذا الجانب المهم .؟ وإن شئت التعبير عن الواقع، قلت : تعطل الصالحات من النساء عن أداء هذه الشهادة، على حين تذهب الأخريات لإعطاء أصواتهن للعلمانيين والمعادين لشريعة الإسلام.

وقد نسي هؤلاء أن بقية الآية الكريمة تدل بمفهومها على شرعية الخروج للمرأة من بيتها إذا التزمت الحشمة والأدب ولم تتبرج تبرج الجاهلية الأولى، فالنهي عن التبرج يفيد أن ذلك خارج البيت، فالمرأة في بيتها لا حرج عليها أن تتزين وتتبرج، فالتبرج المنهي عنه إذن لا يكون إلا خارج البيت.

وده لينك الفتوى
http://www.islamonline.net/servlet/S...AAskTheScholar

وفى النهاية تقبل خالص تحياتي برده :Angel_anim:

ايه ده يا بيردي؟ كإني لأول مرة باقرا لك حاجة.
روحي يا بنتي الله يفتح عليكي :)

المشاركة الأصلية كتبت بواسطة Abdelrahman

الاخت birdybirdy
شكرا لتوضيح معنى الآية الكريمه وفعلا أنا كنت فاهمها زي ما كثير من الناس فهمينها ان قرن في بيوتكن..بمنتهى البساطه
آسف لو كنت زعلتك بكلامي ..أنا فعلا كنت أقصدك..آسف مره تانيه

كل ما أتمناه من الله ان شاء الله ان الله يعوض صبري والتزامي بالبنت الي تريح قلبي وتسعدني ان شاء الله ..لي ولجميع شباب المسلمين وغير المسلمين.

شكرا لكل إلي اتفعلوا مع الموضوع ...كنت محتاج أعرف انا صح ولا غلط

بالنسبه لأخي الفاضل الي مش مصدق انها عاوزه شغل ودراسات وأعمال خيريه ...دي فعلا حقيقه مش ببالغ ...لانها ماشاء الله عليها فعلا نشيطه جدا جدا لدرجة أنها كانت مريضه معظم الشهر بسبب هذا المجهود الخارق..ماشاء الله لا قوة إلا بالله ...أكيد برضه هاتلاقي هي ان شاء الله الي يتقبل الوضع ده ويرتاح معاه.

شفت بقي اني حسيت ان الكلام كان ليا :D عموما مفيش داعي للأسف ياأخ عبد الرحمن انا كمان كنت فاهمة معنى الآية كده وكنت حاسة ان مجرد خروج المرأة من بيتها حرام اصلا لحد ماقريت الفتوى دي.

واحنا هنا في المنتدي كلنا اخوات وكان غرضي بس اني اوضح صورة خطأ عند الشباب عن كل بنات الجيل ده وكل البنات اللي بتشتغل عموما.
وانا واحدة من الناس بشتغل من ساعة ماتخرجت من الكلية ولما بشوف حال صحباتي المتجوزين وبيشتغلوا وبييجوا على نفسهم اوي بستغربهم بصراحة وبقولهم لأ لو الشغل هايأثر على واجباتي ناحية زوجي وبيتي وولادي وهايرهقني بالشكل الفظيع ده يبقي اسيبه افضل واكرم ومش هاشتغل الا في حالة اني اكون قادرة اعمل توازن مابين شغلي وبيتي وطبعا ده بالإتفاق مع الزوج
وأي عريس بيتقدملي لو هو مسألش عن موضوع الشغل أنا بسأل مش تمسكاً بفكرة الشغل ابداً لكن علشان اعرف مسبقاً هو بيفكر ازاي وهانتعامل ازاي ونتفق في الموضوع ده وميحصلش اي مشاكل بعد كدة وصدقوني لو كل زوجة زوجها حققلها الإكتفاء المادي والمعنوي والنفسي (+ الأمان) ومسابهاش ونزل يقعد مع صحابه على القهوة معظم الوقت وقدر يملى فراغها النفسي قبل الوقتي بشكل صحيح مش هتفكر تشتغل ولا تتعب نفسها اصلا وسيبكوا بقي من اثبات الذات والكلام ده لاني مؤمنة ان الست الشاطرة تثبت نفسها في اي حتة وبأي طريقة مش بس في الشغل والدراسات العليا.
وعشان كدة انا قترحت ان لو وقت الفراغ عند الست هايبقي كبير فيفضل انها تشتغل بس في وظيفة مواعيدها معقولة عشان تشغل وقت فراغها انا ليا واحدة صاحبتي مكنتش بتشتغل بعد الجواز ومن كتر اللي جوزها شافه منها كانت مجنناه (وهي بنفسها بتقولي كده) هو بنفسه قالها ارجوكي ابوس ايديكي روحي اشتغلي :D لانها طبعا كانت فاضية معظم الوقت وهارياه اتصالات علي الموبايل وكل شوية رحت فين وجيت منين وكلمت مين النهاردة والغيرة الغير مبررة ده غير احتياجها للخروج والفسح لإن يومها طبعا بيبتدي بعد مايومه هو بيكون بينتهي كل ده طبعا نتيجة للفراغ.

في النهاية كل الحاجات دي بالإتفاق من الأول عشان كل واحد يتواكب مع ظروف التاني وربنا يوفقك وتلاقي الإنسانة اللي تناسبك وتسعدك.

المشاركة الأصلية كتبت بواسطة OlaOsman

ايه ده يا بيردي؟ كإني لأول مرة باقرا لك حاجة.
روحي يا بنتي الله يفتح عليكي :)

ميرسي ياعلا دي اقل حاجة عندي في الدولاب :k48: :D :biggrinjester:
اخجلتم تواضعنا يافندم

انا مختلفة معاها بس في مواعيد العمل اللي من 7 لحد 7 دي لان فعلا مفيش راجل هايوافق علي ده وانا شخصياً لما اتجوز مش هاتحمل اشتغل من 7 الصبح ل 7 باليل ولو ده هايتعارض مع واجبات بيتي هاشوف شغل بمواعيد اقل او هاسيب الشغل

+100
انا هتكلم عن رأيى الشخصى فى الموضوع لأن جايز يتوافق مع ناس ويتعارض مع ناس

انا شخصيا مش ضد شغل الزوجة بالعكس انا اشجعها علية اولا كناحية معنوية انها تحس بقيمة سنين التعب والدراسة تحس انها عملت حاجة الموضوع مش ورقة ولا شهادة تتعلق على الحيطة وخلاص واللا كانت قلتها احسن واريح , وثانيا يبقى فية وقت للتغير انها تشوف الدنيا ماشية ازاى يبقى لها صديقات , هوايات بمعنى واحدة قاعدة فى البيت طول النهار مستنية لما ارجع من الشغل خلاص بقت بالنسبالها كل الايام شبة بعض وانا الشخص الوحيد اللى بتشوفة وطبعا من الظلم والانانية انى بعد دة كلة ادخل انام حتى لو راجع من الشغل تعبان ودة هيزود المشاكل والخلافات هى بشر بردة وليها طاقة واحتياجات وزى ماانا ليا حقوق هى كمان ليها بس دة ميمنعش ان شغل الست الاساسى والرئيسى رعاية البيت والاولاد كل انسان لية دور فى الحياة وزى مادور الراجل الشغل والكسب علشان ييعيش اسرتة حياة كريمة دورر الست رعاية الاولاد والبيت يعنى الوظيفة بالنسبالها اوبشن ممكن يبقى موجود وممكن لأ ودة ميقللش منها بالعكس
يعنى لو تعارض الشغل مع رعاية البيت والاولاد رأيى معروف بالنسبالها ومش محتاج اتكلم فية , من غير لما اتكلم البيت والاولاد اهم وابقى لها


بالنسبة لصاحب الموضوع اعتقد شرط الشغل وان زى ماستحملت هى غيابك شهر تستحمل انت شهر كانت حجة مش اكتر علشان تفضل هنا ماتسافرش لأن بالعقل وببساطة شديدة لما انت شهر برة والشهر اللى انت فية هنا هى فى شغلها وبترجع منأخر واكيد بعد 12 ساعة شغل هتبقى تعبانة ومحتاجة ترتاح يبقى اية لزمتها الجواز اصلا يبقى كل واحد بقعد فى بيت اهلة احسن اصلها مش فارقة ماحنا 12 شهر فى السنة مبنشوفش بعض !!


احد اهم اسباب اعتراضى على فكرة السفر ان انا مبقاش ضيف فى بيتى ضيف بالنسبة لمراتى وولادى ( بالرغم من انا معنديش الاتنين :d:d بس مستقبلا يعنى :) ) اتحول بالنسبالهم لبنك وخلاص انا متجوز علشان استمتع بمراتى وولادى نعيش اسرة واحدة مش كل واحد فى ناحية والا كان اية لزمتة الجواز مانا كدة كدةعايش وحيد .. الكلام دة لو سبتهم هنا ولو اخدتهم معايا فكل بلد ليها عادتها وتقاليدها ومهما قعدت مش هفضل طول عمرى برة دة غير كل اجازة هنضطر ننزل هنا علشان اهلى واهلها يعنى مفيش استقرار من الاخر