زي النهاردة من 16 سنة ...الزلزال .. فاكرين ايه اللي حصل

**essam_virus** · 05-01-2009 01:40 AM

انا كنت صغير ومش فاكر اي حاجه خالص كان سعتها عندي سنتين ونص تقريبا

**Mido80** · 06-01-2009 06:40 AM

انا كنت داخل سنة اولي ثانوي وكنت ساعتها رايح اخد درس فرنساوي وفجاة لقيت الناس طالعة تجري في الشارع وناس نازلة من البيوت بالملابس تيييييييييييييييييت وكان المنظر رهيب يومها وطبعا فية بيوت اتهدمت وعمارات اتصدعت يووووووووووووووة

**aif** · 12-10-2009 09:52 PM

كل سنة وانتو طيبين ..... النهاردة عيد الزلزال 12 اكتوبر

**aif** · 12-10-2009 09:57 PM

المشاركة الأصلية كتبت بواسطة kimo-nubira

ههههههههههههههههههههههههه ههههههههه

وانت طيب يا حج احمد والله واحشني اكلام معاك جدا يا رب تكون بخير انت والعائله الكريمه

وكل سنه والزلزال طيب

وانت طيب يا كيمو ..... يا ترى لسة مبطل تدخين .... ولا مقضيها شيشة ...

**icehearted girl** · 12-10-2009 10:05 PM

ياخبر ا استاذ احمد

ههههههههههههههههههههههههه هههه

الحب تحت انقاض الزلزال

موافقة خطوبة فوقت زي دا

انا بقي كان عندي مشكلة كبيرة اوي

اني اساسا مكنتش اعرف يعني ايه زلزال

اه والله

اليوم دا ماما فاتت عليه فلمدرسة وروحنا بدري_من حسن قدري_

لان برج الحمام وقع علفصل اللي كنت فيه
المهم روحنا وهي ناممت ونا قعدت اتفرج علي فيلم اجنبيي

_كل واحد وثقافته بقي_

كل اللي فكراه انها كانت عربية بوليس بتطارد عربية حرامية

واول منطلقت النيران

لقيت الشجر اللي ورا البيت واقع علشباك بمنظر رهيب شجر ضخم جدا

وفجأة النيش بيتفتح والصيني اللي جواه بيتدشدش في الارض

وانا من هبلي فاكرة كل دا بسبب الفيلم ومكملة فرجة عادي جدا

جارتنا خافت لكون لوحدي فلشقة فضلت ترزع علباب جامد

وتقولي افتحي يا ضووحااااااااااااااااااااا ااااااااااااااااااااااااا اااااا

بصوت عالي جدا

دخلت لماما بصحيها واقلها ماما اسحي تنت فايسة بتقولك سلسال

طبعا اتم فاهمين الترجمة العيالي دي

ههههههههههههههههههههههههه هههههه

وطبعا كان الزلزال خلص

ماما خدتني ونزلت تجري مخضوضة

والناس كلها مليه الشوارع

وكان ساعتها المشكلتين الكبريتين

اخواتي اللي كانوا لسه فلمدرسة

والاتصالات اللي كانت مقطوعة خاصة من خارج مصر

بسبب الموضوع دا ماما فضلت معيشانا جنب باب الشقة نيمين صاحيين قاعدين لمدة شهر كااااااااااااااااااامل

بس ياسيدي زاتس اوول

**kimo-nubira** · 13-10-2009 12:10 AM

المشاركة الأصلية كتبت بواسطة aif

وانت طيب يا كيمو ..... يا ترى لسة مبطل تدخين .... ولا مقضيها شيشة ...

لا والله لسه بحاول وبعد ما بطلت 3 شهور للاسف رجعت تاني بس ان شاء الله رب العالمين

هافضل احاول واحاول واحاول مش هازهق لغايه لما ابطلها خالص ان شاء الله دعواتك ليا بقي

**pro_samir** · 13-10-2009 12:10 AM

ههههههههه

اية المواقف دي حرام عليكم

انا فاكر اني كنت بحل مسألة هندسة و قدام المكتب كان قاعد اختي وبنت خالتي .. كل ما اجي احط القلم على المثلث الاقي المكتب بيتهز أقوم مزعقلهم ميييين اللي بيهززز المكتب يقولو والله مانا وهكذا مرتين تلاتة لحد ما لاقينا الناس بتزعق وجوز عمتي فى الشقة اللى قدامنا أول واحد قال زلزال (الله يرحمة) .. وطبعا كلة يا فكيك علي برا ، بعد كدة بقي عرفت ان عمي ساب جدي نايم ونزل 5 ادوار جري ههههههه ورجلة اتلوحت من النط علي السلم

وفي موقف تاني كان بالنسبالنا انيل من الزلزال كنت صغير اعدادي او ابتدائي مش فاكر ، فى البيت في شبين زمان طيارة حربية عدت بارتفاع منخفض جدا مش عارف عملت تفريغ هوا أو حاجة زي كدة المهم بيوت كتير جدا وقعت و ازاز المحلات كلها اتكسر وكانت بهدلة .. انا بقي كنت قاعد برسم والجماعة كانو بيحطو الأكل فى الصالة .. كلهم خرجو جري وانا قفلت القلم وحطيتة وقومت لبست فردة شبشب وعمال ادور علي الفردة التانية مش لاقيها وازعق فين الشبشب ههههههههه

المهم لحد ما المولد اتفض وهما دخلو لاقوني لسة بدور علي فردة الشبشبب ههههههه

-

-

-

الموضوع: زي النهاردة من 16 سنة ...الزلزال .. فاكرين ايه اللي حصل

LinkBack

أدوات الموضوع

عرض

-

-

-

-

-

-

-

المواضيع المتشابهه

إجابة السؤال الشائع: هم اللي في التحرير فاكرين نفسهم الأغلبية؟

إجابة السؤال الشائع (هم اللي في التحرير فاكرين نفسهم الأغلبية؟)

صوت غريب من العجل اللي قداام :( تاني مشكلة النهاردة !

الناس اللي كانت ف مقابلة النهاردة فين؟؟؟

خليكوا فاكرين ""لأهلي و النجم الساحلي "" و الفرافير هما اللي هيروحوا يشجعوا

الكلمات الدلالية لهذا الموضوع

المفضلات

المفضلات

ضوابط المشاركة