الموضوع: زي النهاردة من 16 سنة ...الزلزال .. فاكرين ايه اللي حصل

انا كنت شاركت في موضوع سابق بنفس المحتوى قبل كده و دي كانت مشاركتي:

المشاركة الأصلية كتبت بواسطة OlaOsman

انا يومها كنت في البيت، كنت لسه في ثانوية عامة و رجعت من المدرسة و باحضر الأكل مع ماما فوجئنا الأرض بتتزلزل من تحتنا.. طبعا افتكرنا ان البيت بيقع.. و ماما على لسانها الشهادة و عمالة تقول لنا قولوا الشهادة ياولاد.. كله طبعا ساب اللي في إيده و جري على برة.. ماما لمانا تحت دراعها و بتخرج بينا من الشقة و انا داخلة جوه تاني.. رايحة فين يا علا؟ داخلة أجيب الإيشارب.. مش خارجة من غير حاجة على راسي.. ثواني و كنت حاطة الإيشارب على راسي و خارجة.. على ما كل ده حصل كان الزلزال بطل :o

لما لقينا الناس كلها هي كمان في الشارع عرفنا انه زلزال.. يااااااااااه.. ده كان يوم.

انا فاكر اليوم ده كويس انا كنت فى تانيه كليه وراجع البيت و عازم واحد صاحبى على الغدا و سيادته نسانى الزلزال و قعدت اضحك لما كنت هموت

البيه كنا صحاب من سنه ونص و مش راضى يدخل بيتى علشان انا ساكن فى الدور التاسع و هو ساكن فى بيتهم فى الدور الارضى و بيخاف من الاماكن العاليه

المهم اول ما طلعنا و امى جابت الاكل باقوله تعالى بص من البلكونه رد و قالى يا عم سيبنى انا اصلا خايف و حاسس ان العماره هتقع. والله ما كملش الكلمه والهزهزه اشتغلت انا لاقيته واقف فوق الترابيزه و بيصوت خلانى ما حستش بالزلزال زى الناس ضيع عليا المتعه هههههه

المشاركة الأصلية كتبت بواسطة omardeneo

انا فاكر اليوم ده كويس انا كنت فى تانيه كليه وراجع البيت و عازم واحد صاحبى على الغدا و سيادته نسانى الزلزال و قعدت اضحك لما كنت هموت

البيه كنا صحاب من سنه ونص و مش راضى يدخل بيتى علشان انا ساكن فى الدور التاسع و هو ساكن فى بيتهم فى الدور الارضى و بيخاف من الاماكن العاليه

المهم اول ما طلعنا و امى جابت الاكل باقوله تعالى بص من البلكونه رد و قالى يا عم سيبنى انا اصلا خايف و حاسس ان العماره هتقع. والله ما كملش الكلمه والهزهزه اشتغلت انا لاقيته واقف فوق الترابيزه و بيصوت خلانى ما حستش بالزلزال زى الناس ضيع عليا المتعه هههههه

ههههههههههههههههههههههههه هههههههههههههه والله موتنى من الضحك:D

اما بخصوص الزلزال انا الصراحه مش فاكر اى حاجه عنه:k41: مع انى ماكنتش صغير حوالى 5 سنين...بس الصراحه مش فاكر حتى انى حسيت بيه او اى حتى حد اتكلم عليه قدامى....هو الزلزال اللى انا فاكره كان واحد باردوا تانى وكان باردوا فى شهر اكتوبر بس مش فاكر سنه كام بس كنت فى ابتدائى ساعتها وكان الزلزال الصبح وانا كنت بلبس عشان انزل المدرسه ...والصراحه كان فيه موقف حصل ساعتها بيضحكنى لما افتكره- ان اخويا كان فى الحمام (اعزكم الله)عشان كان لسه صاحى ومعرفش يطلع لحد مالزلزال خلص:D:D-...وانا عندى الزلزال مرتبط بشهر اكتوبر وكمان لما النجف يتهز يعنى لو حسيت بان الارض بتتهز اشوف النجف لقيته بيتهز يبقى زلزلزال ..انما لو ثابت يبقى مافيش حاجه:D

موضوع رائع يا احمد بيه شكرا ليك:)
كنت في تانيه اعدادي
و لسه راجه من المدرسه و نايم علي الانتريه و بتفرج علي فيلم عربي
المهم حسيت بهزه بسيطه كده و بابا لقيته جاي و بيقولي دا زلزال!!!!!
طلعت ابص في البلكونه لقيت الشارع كله واقف في البلكونات
و عادي جدا و لا اي شئ
و بعدين قعدت اسبوعين من المدرسه
و اجازه نص السنه كانت اسبوع واحد بس:(

انا كنت لسه راجعه من المدرسة طبعا مش هقول كنت في سنه كام
والزلزال حصل ولقيت ماما واخواتي بيجرو على برة وانا وقفت اتفرج على النجفة وهي بتتهز
لقيت ماما رجعت وشدتني من هدومي عل برة وبتزعقلي على تناحتي
وبنت جيرانا اصغر مني انهارت وبتعيط بهستيرية وانا مستغربة ايه المشكلة لما الدنيا اتهزت شوية
اتاري لسه في مصايب كتير في الشوارع محدش لسه حاسس بيها
بصراحة كنت فرحانة اوي بالاجازة الاسبوعين