زي النهاردة من 16 سنة ...الزلزال .. فاكرين ايه اللي حصل

**karaktar** · 13-10-2009 12:17 AM

ياااااه كانت ذكرى أليمه وحلوه فى نفس الوقت لان كان والدى معانا ساعتها وجدتى الله يرحمهم امين
كنت لسه راجع من المدرسه كان عمرى وقتها تقريباً 9 سنين بس لسه فاكر اليوم ده اكنه امبارح
كنت قاعد اتغدى ان واخواتى ووالدى الله يرحمه ووالدتى وجدتى ام والدتى الله يرحمها
بصراحه كنا بناكل سمك نوع كده مكنش ليا فيه اوى بس كنت باكل عشان مكنش فى غيره المهم وفجأه زلزال قوى بطريقه مرعبه والدى قال انزلو بسرعه كنا قاعدين بناكل فى قوضه وجنب البلكونه وفاتحين الشباك لقينا سور البلكونه على وشك الوقوع من كتر الهز انا طبعاً اول واحد فطيط من العمارة كلها نزلت ساروخ ولا فكرت فى اهلى بالمرة قلت يفاكيك ههههههههه
والدى الله يكرمه وفى عز الزلزال قعد يخبط على الشقق ويقلهم انزلو بسرعه ( والله والدى واحشنى اوى ) والدى اتوفى وانا فى ثانية ثانوى
المهم الزلزال خلص رجعنا لقواعدنا بس انا كنت مرعوب وكلنا فى حالة تأهب عشان التوابع كلنا مستعدين لأى هزه تحصل وفي وميها حصل زلزال تانى الساعة واحدة صباحاً بس كان اخف شويه
( طبعاً فاكرين حكاية اكسم واما طلعوه من تحت الانقاض )
كانت ايام لا تنسى

**Ahmed_Gadalah** · 13-10-2009 12:22 AM

أنا كنت في السعوديه
والناس هنا في مصر قالوا الحمد لله ربنا ستر

**moudy88** · 13-10-2009 12:27 AM

انا كنت في السعوديه ..وكان عندي سنتها 4 سنين بس (طفل يعني)
بس افتكر اننا لما نزلنا الاجازه كانت الشقه مقلوبه والحاجات اللي كانت فوق بقيت تحت واللي تحت بقى فوق:POINTI~2[2]:
ومن ساعتها بقينا بنحط التليفزيون على الارض لما نسافر علشان مش ضامنين الظروف

**OlaOsman** · 13-10-2009 07:07 AM

في ايه يا أستاذ أحمد؟ همه الناس هنا كلهم كانوا أطفال وقتها ولا ايه؟

**kh_talaat** · 13-10-2009 10:20 AM

المشاركة الأصلية كتبت بواسطة OlaOsman

في ايه يا أستاذ أحمد؟ همه الناس هنا كلهم كانوا أطفال وقتها ولا ايه؟

لاء ازاي دة أنا كنت كبير قوي ساعتها

، كنت في أولى ثانوي حضرتك

**Michael_Lanos** · 13-10-2009 10:35 AM

واحشنا جدا يا احمد باشا ونفسنا نشوفك فى المقابلات
بس انا عندي سؤال لازم يجي زلزال علشان اخطب
عموما انا مستنى اقرب زلزال بقه علشان زهقت من العزوبيه

**Michael_Lanos** · 13-10-2009 10:37 AM

المشاركة الأصلية كتبت بواسطة kh_talaat

لاء ازاي دة أنا كنت كبير قوي ساعتها

، كنت في أولى ثانوي حضرتك

انا كنت فى ثانيه اعدادي، والزلزال ده جه مصلحه جامد قوى، علشان ما كنتش بذاكر وقالولى 2 اعدادي صعبه وهاتسقط

وجه الزلزال نجدنى، اجازه 3 اسابيع وبعد كده المدرسه (عبد الله النديم الاعداديه) بقت 3 فترات والحصه ثلث ساعه وحاجه تظبيت

والحمد لله نجحت ........

**elassar2010** · 13-10-2009 10:39 AM

وانا مش فاكر حاجة خالص لان كان عندى 5 سنين

**zaza_lanos** · 13-10-2009 10:40 AM

اى مصيبة بتحصل فى البد الحمد لله ببقى فى سابع نومة
واصحى القى اشتغلات بقى عن الزلزال شعب محب للاشتغلات بقى

**A_H_M_A_D** · 13-10-2009 02:52 PM

أنا كنت لسه راجع من المدرسه , و يادوب إتغدينا و دخلنا عشان ننام شويه , لقيت ضلف الدولاب عماله تتهز جامد و اتفتحت و النجف شغال مراجيح
طبعا اتفزعنا كلنا و نزلنا جري على السلم من الدور السادس لمدخل العماره , بس مطلعتش بره و فضلت جوه العمارة لما لقينا الموضوع هدي
اللي فاكره كويس إن بنات جيرانا قعدوا يبصولي و يضحكوا لما شفوني بالبيجامه و طبعا برستيجي ضاع خالص ساعتها في وسط الجيران

الموضوع: زي النهاردة من 16 سنة ...الزلزال .. فاكرين ايه اللي حصل

LinkBack

أدوات الموضوع

عرض

-

-

-

-

-

-

-

المواضيع المتشابهه

إجابة السؤال الشائع: هم اللي في التحرير فاكرين نفسهم الأغلبية؟

إجابة السؤال الشائع (هم اللي في التحرير فاكرين نفسهم الأغلبية؟)

صوت غريب من العجل اللي قداام :( تاني مشكلة النهاردة !

الناس اللي كانت ف مقابلة النهاردة فين؟؟؟

خليكوا فاكرين ""لأهلي و النجم الساحلي "" و الفرافير هما اللي هيروحوا يشجعوا

الكلمات الدلالية لهذا الموضوع

المفضلات

المفضلات

ضوابط المشاركة