الموضوع: ما خاب من استشار تحت امركم فى اى استشارات مالية او عقارية

المشاركة الأصلية كتبت بواسطة buisnessman

دكتور محمد
أنا خسرت فلوس كتير في الفوركس الحمد لله
خسرت قبل كدة في البورصة المصرية ايضا
أنا معايا 40000 الف جنيه وأنا مهندس كهرباء أعمل في مجال المصاعد
بس ظروف شغلي مش هتخليني عندي وقت أشرف على مشروع الا لو مشروع يدار اونلاين (فيه حاجة كدة؟)
فأنا بفكر أرجع اشغل الفلوس في البورصة بس أي بورصة غير البورصة المصرية
هل ممكن أشغل فلوسي وأنا في مصر في بورصة أجنبية أو عربية وأنا قاعد في مصر هنا ولا تنصحني بايه
وايه رأيك في البورصة المصرية ؟
وشكرا لسعة صدرك

ليه البورصة المصرية لا
البورصة المصرية هتفضل تعلى لغاية ميعاد الدورة الصعودية الى شغالة فيها ما تخلص و ده مش متوقع قبل نهاية ٢٠١٥
معلش ممكن الجماعة بتوع التحليل الفنى يزعلوا منى ىبس اكبر خطا فى البورصة ان احنا نختار الاسهم بالتحليل الفنى
التحليل الفنى يفيد فى تحليل وقت البيع و الشراء فقط اما الاختيار يجب ان يكون مالى بحت
على فكرة انا اكبر عائدبحققه بيكون فى البورصة المصرية
بلاش الفوريكس مخاطرة كبيرة و ربحه قليل
عايز تخاطر زى ما انا شايف انت بتحب المخاطرة اشتغل او لاين فى الاوبشنز نفس مخاطر الفوريكس او اقل و عائدها اعلى بكتير
بس اقرا فيها الاول و انا تحت امرك فى اى حاجة

المشاركة الأصلية كتبت بواسطة mfe

ليه البورصة المصرية لا
البورصة المصرية هتفضل تعلى لغاية ميعاد الدورة الصعودية الى شغالة فيها ما تخلص و ده مش متوقع قبل نهاية ٢٠١٥
معلش ممكن الجماعة بتوع التحليل الفنى يزعلوا منى ىبس اكبر خطا فى البورصة ان احنا نختار الاسهم بالتحليل الفنى
التحليل الفنى يفيد فى تحليل وقت البيع و الشراء فقط اما الاختيار يجب ان يكون مالى بحت
على فكرة انا اكبر عائدبحققه بيكون فى البورصة المصرية
بلاش الفوريكس مخاطرة كبيرة و ربحه قليل
عايز تخاطر زى ما انا شايف انت بتحب المخاطرة اشتغل او لاين فى الاوبشنز نفس مخاطر الفوريكس او اقل و عائدها اعلى بكتير
بس اقرا فيها الاول و انا تحت امرك فى اى حاجة

ربنا يبارك فيك يا دكتور
يعني الأوبشنز أفضل ولا البورصة المصرية ؟
وهل فيه مواقع حضرتك ترشحها لي ممكن أعتمد على اختيار الأسهم من خلالها (مالياً زي ما حضرتك تفضلت وأتفق معاك).
بالنسبة للبورصات الأجنبية والعربية ، للمعرفة فقط ممكن أحول فلوس وأشتغل وأنا في مصر فيهم ولا لا ؟ ولو فيه ما هى هذه البورصات ؟

المشاركة الأصلية كتبت بواسطة buisnessman

ربنا يبارك فيك يا دكتور
يعني الأوبشنز أفضل ولا البورصة المصرية ؟
وهل فيه مواقع حضرتك ترشحها لي ممكن أعتمد على اختيار الأسهم من خلالها (مالياً زي ما حضرتك تفضلت وأتفق معاك).
بالنسبة للبورصات الأجنبية والعربية ، للمعرفة فقط ممكن أحول فلوس وأشتغل وأنا في مصر فيهم ولا لا ؟ ولو فيه ما هى هذه البورصات ؟

بص ياباشا لو هتشتغل في بورصة يبقي مصر او امريكا بس
المواقع لا انصح بها الا لو حضرتك كان في الاول عندك دراية كافية و قريت في الموضوع كويس قوي و بعد كده بدات
اضربلك مثل احنا بندرس ١٦ سنة علشان ناخد شهادة تشغلنا بكام الف في الشهر فيما بالك بمجال ممكن يخليك ثري في شهور قليلة ما يستهالش ان انت تدرسه كام شهر الاول علي الاقل علشان تقدر تحكم علي التوصيات
انت ممكن تشتغل اون لاين في بورصة امريكا من خلال عدة شركات بس بصراحة انا خايف عليك علشان كدة ادرس الاول و استعد ووعد مني انا معاك في كل خطوة
البورصة المصرية اقولك علي فكرة اشتري اسهم المؤشر بنفس متوسط حجم تداولها اخر شهر اقولك ازاي
يعني كل يوم بيكتبوا قيمة التداول لاسهم المؤشر اجمع اكبر عشر اسهم هيطلع مجموع معين و بعدين اقسم قيمة تداول كل سهم علي المجموع هيطلعلك نسبة لكل سهم اعمل كده كل يوم لمدة ٣٠ جلسة و خد متوسط النسبة دي
و قسم فلوسك بعد كده علي النسب دي
كده كانك استثمرت في انشط اسهم المؤشر بنسبهم هتاخد ارتفاع اعلي من ارتفاع المؤشر نفسه
لو كلامي مش واضح استي اما ارجع و هشرح مثال عملي

المشاركة الأصلية كتبت بواسطة mfe

ايوه هتلاقيها و اكتر منها بكتير كمان
بص الاختيارات كتير بس دى تفضيلات شخصية انا مثلا بطبعى بحب الهدوء باختار الاماكن الى تقريبا مفيهاش ناس لانى مبحبش السلوكيات الى بقيت اشوفها فى معظم المصريين
انا بقيت باكره الرحاب من زحمتها تخيل و ناوى اسيبها ان شاء الله و كنت بفكر فى ماونتن فيو لقيتها خلصت فى النموذج الى انا عاوزه طبعا انا بتكلم عن السكن الخاص بيا مش الاستثمار لانى ممكن ارجع بيت العائلة فى مصر الجديدة لو سيبت الرحاب
قولى بس دماغك فيها ايه و انا هقولك احس اختيار يعنى عايز سكن و لا استثمار و لا الاتنين
يهمك مكان راقى و لا مكان راقى جوه كومباوند
شغلك فى انهى منطقة
و برضه على فكرة لسة فى مشروعات فى المتطقة دى هتبقى احسن من الرحاب و مدينى

انا زيك بالضبط ساكن فى الرحاب من 2006 و دلوقتى مش طايقها بسبب الزحمة و المياة و المستأجرين السلوكهم مش تمام.
عايز اروح حتة هادية و نفسى فى منزل خاص بس للاسف امكنياتى اخرها 150 كاش + سعر الشقة الانا قاعد فيها الممكن تكون فى حدود 700-730
شغلى فى مدينة نصر و بحاول انقله فى التجمع

انا روحت اتفرجت على السليمانية لانها الحاجة الوحيده اللقيت فيها حاجة فيها خصوصية و هدوء و سعرها حنيين و الجو العام هماك جميل بس الشغل بتاعى هو العقبة , ايه رأيك فيها
و ترشحلى ايه فى الميزانية بتعتى للسكن الشخصى و فى نفس الوقت تحتفظ بقيمتها وسط الحجات الحوليها. هل القاهرة الجديد ممكن الاقى ح
لان والدى رحمه الله كان بنا فيلا فى كيلو 23 السحل الشمالى (ابوتلات) و للاسف عايز ابيعها مش بتجيب سعر كويس و سوقها تقيل و بصراحة مش عايز اكرر الغلطة دى تانى .

تحياتى

عندي عقار عبارة عن عمارة 3 ادوار في برج العرب- اسكندرية, على الطوب الأحمر. سعر السوق حالياً مليون جنيه, هل تنصحني ابيعها؟ لإنّي خايف من الندم بعدين.
مشكلة برج العرب انها بعد الثورة حالها اصبح سئ مع الأسف وبقى فيها تكاتك واهمال في النظافة, والأمرّ من كده ان مسكو المكان بلطجية عرب بياخدوا إتاوة كل شهر مقابل انه يحرسلك المكان.
ما رأيكم؟

المشاركة الأصلية كتبت بواسطة mfe

بص ياباشا لو هتشتغل في بورصة يبقي مصر او امريكا بس
المواقع لا انصح بها الا لو حضرتك كان في الاول عندك دراية كافية و قريت في الموضوع كويس قوي و بعد كده بدات
اضربلك مثل احنا بندرس ١٦ سنة علشان ناخد شهادة تشغلنا بكام الف في الشهر فيما بالك بمجال ممكن يخليك ثري في شهور قليلة ما يستهالش ان انت تدرسه كام شهر الاول علي الاقل علشان تقدر تحكم علي التوصيات
انت ممكن تشتغل اون لاين في بورصة امريكا من خلال عدة شركات بس بصراحة انا خايف عليك علشان كدة ادرس الاول و استعد ووعد مني انا معاك في كل خطوة
البورصة المصرية اقولك علي فكرة اشتري اسهم المؤشر بنفس متوسط حجم تداولها اخر شهر اقولك ازاي
يعني كل يوم بيكتبوا قيمة التداول لاسهم المؤشر اجمع اكبر عشر اسهم هيطلع مجموع معين و بعدين اقسم قيمة تداول كل سهم علي المجموع هيطلعلك نسبة لكل سهم اعمل كده كل يوم لمدة ٣٠ جلسة و خد متوسط النسبة دي
و قسم فلوسك بعد كده علي النسب دي
كده كانك استثمرت في انشط اسهم المؤشر بنسبهم هتاخد ارتفاع اعلي من ارتفاع المؤشر نفسه
لو كلامي مش واضح استي اما ارجع و هشرح مثال عملي

يا سلام على الجمال
اديني بس طرف الخيط وقوللي أبدأ أقرا منين ، المصادر يعني اللي تثق فيها وأنا هدرس ولو لسنوات
بس بالنسبة للبورصة المصرية ممكن أبدأ فيها على خفيف طبقا لكلام حضرتك
ومستني المثال العملي وكلي آذان صاغية

ايه اقل مبلغ ممكن ابدء فيه فى بورصة الاسهم لو عايز كده استكشف؟ وهل هى شبيهة بالفوركس ولا الاسهم لها دراسة مستقلة؟
وسؤال تانى
هو مش الاوبشنز ده اللى هو توقع حركة السعر لفترة محددة ولو توقعك صح بتكسب 80% من فلوسك ولو غلط بتخسر النسبة اللى انتا دخلت بيها الصفقة بس ولا ايه؟