ما خاب من استشار تحت امركم فى اى استشارات مالية او عقارية

**help4me** · 09-08-2014 07:27 AM

ربنا يكرمك و يبارك فيك و ييسر لك الخير
الحقيقة انا كنت عايزة استشارة
لو ممكن اسم شركة موثوق فيها بتقدم شقق بمقدم بسيط و قسط معقول و منطقة كويسة كاستثمار او للسكن
معلومة انا مدعلمة في الحكومة و المبلغ المتوفر كمقدمة 40 الف .
او اذا كان عند حضرتك فكرة تانية للاستثمار اكون شاكرة كتيير

**egyptawy2010** · 09-08-2014 07:48 AM

طيب انا عايز مكتم هادىء وراقى ويكون كمبوند

وفى نفس الوقت سعره يزيد

ترشحلى الشيخ زاييد ولا القاهرة الجديدة

**wael** · 09-08-2014 10:01 AM

صباح الخير يا د محمد و ربنا يعينك علينا, بعد اذنك و اذن الاخوة الاعزاء... انا شايف ان كل الاسئلة تصب في اتجاة الاستثمار العقارى و اعتقد لو حضرتك شرحت لنا الاستثمار العقارى بطريقة الاستثمار قصير المدى او طويل المدى و مردود كل منهما و الفرص المتاحة حاليا او المتوقع لها فى المستقبل تكون فرص جادة بامثلة لاماكن او المشروعات فدة هيوفر على حضرتك مشقة الاجابة على كل سؤال بداء يتكرر بس باسلوب مختلف علشان الكل يستفيد و يحاول يطبق دة على حالتة الشخصية..... و مجهود مشكور اخى الكريم مقدما.

**minicooper20** · 09-08-2014 12:51 PM

معلش اول سوال
المرحله التانيه فى مراسى الساحل بيقولو بدات بعتولى ميل
بيقولى بتبدا من ٦ مليون هو ده بجد

**buisnessman** · 09-08-2014 01:54 PM

دكتور محمد
أنا خسرت فلوس كتير في الفوركس الحمد لله
خسرت قبل كدة في البورصة المصرية ايضا
أنا معايا 40000 الف جنيه وأنا مهندس كهرباء أعمل في مجال المصاعد
بس ظروف شغلي مش هتخليني عندي وقت أشرف على مشروع الا لو مشروع يدار اونلاين (فيه حاجة كدة؟)
فأنا بفكر أرجع اشغل الفلوس في البورصة بس أي بورصة غير البورصة المصرية
هل ممكن أشغل فلوسي وأنا في مصر في بورصة أجنبية أو عربية وأنا قاعد في مصر هنا ولا تنصحني بايه
وايه رأيك في البورصة المصرية ؟
وشكرا لسعة صدرك

**mfe** · 09-08-2014 11:33 PM

المشاركة الأصلية كتبت بواسطة ibrahim sallam

البند السابع

يقر الطرف الاول( البائع) بانه يتعهد بتقديم مستندات الملكيه عن العقار الذي يقع فيه المكان المباع والتوقيع على العقد النهائي امام مصلحة الشهر العقاري المختص او المثول امام هيئة المحكمه للتصديق على صحة هذا العقد او الاقرار بتوقيعه وانه في حال امتناعه في معاد اقصاه سنه يكون ملزما بان يدفع للطرف الثاني المشتري مبلغ وقدره10اللاف كتعويض متفق عليه من الان وذلك بعد مضي ثلاث ايام من انذاره كتابة بموجب خطاب موصي عليه بعلم الوصول دون ذلك

لو جالك منه انذار قضائى وكل محامى و خليه يبعتله انذار بالتسجيل لو جالكش منه لا خطاب و لا انذار قضائى مفيش اى مشكلة الا لو فيه تلاعب يبقى لازم توكل محامى

**mfe** · 09-08-2014 11:38 PM

المشاركة الأصلية كتبت بواسطة zamtrans

دكتور محمد عندي كمان سؤال ومحتاج نصيحة حضرتك وآسف ع الازعاج

أنا محتاج نصيحة من حضرتك لاني متردد جدا طبعا لانها المرة الأولى ليا في شراء عقار .... مش عارف اوصل لقرار وبصراحة لما شوفت الموضوع بتاع حضرتك سجلت في المنتدى مخصوص عشان اتواصل معاك

أنا باختصار شغال في دبي وعندي شقة في مصر بس بفكر اشتري شقة في القاهرة الجديدة لاستخدامها للسكن مستقبلا او الاستثمار اذا تغيرت الظروف لتامين مستقبل الاولاد... روحت طبعا طلعت مصطفي في دبي وخلال أجازتي السنة اللي فاتت شوفت الرحاب ومدينتي ع الطبيعة وكمان روحت شركات بتبنى شقق تحت الانشاء والاستلام بعد سنتين او تلاتة وكانت تحديدا في منطقة اللوتس مقابل الجامعة الأمريكية ده لأني مش مستعجل ع السكن لاني عندي شقتي وبنزل مصر شهر واحد ف السنة.... وطبعا خلصت الاجازة ولم اتوصل لقرار في الموضوع بسبب قلة الخبرة والخوف ف نفس الوقت ان الواحد يحط فلوسه ف المكان غير المناسب

أنا إمكانياتي حوالي 700 أو 800 ألف بالتقسيط ومقدم وممكن زيادة شوية فكنت عايز اعرف ايه افضل الأماكن في القاهرة الجديدة المناسبة للسكن والاستثمار سواء في كمبوند أو عمارات أو شيء من ترشيحك

وآسف تاني ع الازعاج وربنا يجعله في ميزان حسناتكم

اشترى شقة فى التمر حنة او القرنفل فى اول اجازة ليك الشقة ٢٠٠ متر او اكتر فى حدود ٨٠٠ او٩٠٠ الف و هتبقى استثمار هايل
احسن كتير من اللوتس

**mfe** · 09-08-2014 11:45 PM

المشاركة الأصلية كتبت بواسطة help4me

ؤبنا يكرمك و يبارك فيك و ييسر لك الخير
الحقيقة انا كنت عايزة استشارة
لو ممكن اسم شركة موثوق فيها بتقدم شقق بمقدم بسيط و قسط معقول و منطقة كويسة كاستثمار او للسكن
معلومة انا مدعلمة في الحكومة و المبلغ المتوفر كمقدمة 40 الف .
او اذا كان عند حضرتك فكرة تانية للاستثمار اكون شاكرة كتيير

هحاول اسال لحضرتك و بالنسبة لافكار الىستثمار سوف يكون هناكحديث مطول ان شاء الله

**mfe** · 09-08-2014 11:47 PM

المشاركة الأصلية كتبت بواسطة egyptawy2010

طيب انا عايز مكتم هادىء وراقى ويكون كمبوند

وفى نفس الوقت سعره يزيد

ترشحلى الشيخ زاييد ولا القاهرة الجديدة

على حسب سكن سيادتك فين و بصفة عامة انا برشح التجمع كاختيار اول و شماليات اكتوبر كاختيار تانى

**mfe** · 09-08-2014 11:58 PM

المشاركة الأصلية كتبت بواسطة wael

صباح الخير يا د محمد و ربنا يعينك علينا, بعد اذنك و اذن الاخوة الاعزاء... انا شايف ان كل الاسئلة تصب في اتجاة الاستثمار العقارى و اعتقد لو حضرتك شرحت لنا الاستثمار العقارى بطريقة الاستثمار قصير المدى او طويل المدى و مردود كل منهما و الفرص المتاحة حاليا او المتوقع لها فى المستقبل تكون فرص جادة بامثلة لاماكن او المشروعات فدة هيوفر على حضرتك مشقة الاجابة على كل سؤال بداء يتكرر بس باسلوب مختلف علشان الكل يستفيد و يحاول يطبق دة على حالتة الشخصية..... و مجهود مشكور اخى الكريم مقدما.

بص ياباشا الاستثمار العقارى بطبعه استثمار طويل الاجل مكسبه ممتاز بس عيوبه هى
مكسبه على المدى الطويل من ارتفاع سعر العقار
العائد الدورى ليه منخفض يعتبر من اقل العوائد فى الاستثمار عامة لا يتعدى ٦٪ فى افضل الاحوال
صعوبة تسييله بسرعة يعنى متقدرش تبيعه بشكل سريع الا لما تبيعه باقل من قيمته السوقية
مزاياه
نسبة المخاطره فيه منخفضة يعنى مينفعش تشترى عقار و تلاقى نفسك خسرت نصف تمنه مثلا
عائده على المدى الطويل مرتفع جدا اعلى من كل الاستثمارات التانية قد يتعدى ١٠٠٠٪ فى عشر سنوات لاراضى المناطق الجديدةمثلا
يبقى الى هيحتاج الفلوس او عائدها الدورى ما يشتريش بيها عقار
الى عنده فائض مدخر مش هيحتاجه او هيحتاج عوائده يبقى الاستثمار العقارى جيد له