الموضوع: تقرير استلام التو 2015 الشكل الجديد

المشاركة الأصلية كتبت بواسطة bassemali

الشيفروليه إسبارك لايت ب 73000 أحسن منها لإنها 1000 سي سي وفل أوبشن وسمعتها كويسه برضه ف البلد .. اللألتو بس عيبها إنها 800 سي سي ضعيقه قوي وكمان صالونها مش ضيق بس لكن كمان القعده فيه مش مريحه أبدا تقطم وسطك ... بس بصراحه هيا جوده وإعتماديه عاليه .. عندك كمان الجيلي باندا ب 65000 فول أوبشن وب 60 الف هاف أوبشن لو ماعندكش عقدة الصيني تبقى هيا أحسن عربيه ف الفئه دي وأحسن كمان من الإسبرانزا 113 لإنها مستورده والإسبرانزا تجميع مصري لكن فكك خالص من الشانا دي ..

متشكر لحضرتك جدا طيب اخبار قطع غيار الباندينو ايه متوفرة في التوكيل وبره التوكيل برضه ؟

المشاركة الأصلية كتبت بواسطة ibrahimahmed

بصراحة مش فاهم السؤال ... صفحات بمعنى ايه ؟؟؟!!!

قصدي صفحات داخل المنتدي تتناول اكسسوار الالتو (او النيو التو)
او حتي صفحات ويب خارج المنتدي

المشاركة الأصلية كتبت بواسطة ibrahimahmed

التكييف معايا مش مؤثر جامد على البنزين ... بدون تكييف اللتر بيعمل 17 كيلو داخل المدينة وبالتكييف بيعمل حوالى 16 كيلو ... يعنى فرق لا يذكر ...
اما فى السفر فى الحالتين كان عامل معايا 18.5 كيلو لللتر الواحد
اما بخصوص عزم العربية فبيقل بشكل ملحوظ مع التكييف لانها 800 سي سي ... بس بتعوض ده بانك تتقل رجلك شوية على دواسة البنزين عشان تعادل فرق السحب
اما اداء التكييف نفسه فهوكويس جدا الحمد لله ( وده اللى مصبر الواحد على موضوع السحب ) ... وانا فى عز الحر اول لما اشغل التكييف بجيبه على 2 و5 دقايق وانزله على 1

...
بخصوص الاستهلاك معايا
النيو التو .... داخل المدينة حوالي 16 كيلو في العادة
وعلي المحور بتوصل الي 17 او 18 كيلو
بس الموضوع مختلف جدا مع التكييف في المتوسط علي السرعة التانية للتكييف بحس ان الاستهلاك بيزيد جدا وقريب جدا جدا من عربية 1500 سي سي .... وتحس ان الاتانك بيبخر البنزين ....

المشاركة الأصلية كتبت بواسطة lord2010

يا جماعة
التو 2015 جديدة ام اسبيرنزا a 113 2013 مستعمله؟؟؟؟

....
انا من مدرسة عدم المقارنة بين الجديد والمستعمل مع اختلاف النوع
فالنيو التو دي سيارة اقتصادية ( 800 سي سي ) الاسبرانزا 1300 سي سي
دي عربية زيرو (والزيرو له تقديره) ودي مستعمله
الكماليات والعزم في النيو التو مش كتير الاسبرانزا a113 فيها الكتير بس من نوعية الصيني الدرجة الثانية

المشاركة الأصلية كتبت بواسطة a_aseda

قصدي صفحات داخل المنتدي تتناول اكسسوار الالتو (او النيو التو)
او حتي صفحات ويب خارج المنتدي

لا بصراحة معنديش فكرة عن الموضوع ده ... ممكن تقلب فى مواضيع المنتدى يمكن تلاقى حاجة

المشاركة الأصلية كتبت بواسطة a_aseda

...
بخصوص الاستهلاك معايا
النيو التو .... داخل المدينة حوالي 16 كيلو في العادة
وعلي المحور بتوصل الي 17 او 18 كيلو
بس الموضوع مختلف جدا مع التكييف في المتوسط علي السرعة التانية للتكييف بحس ان الاستهلاك بيزيد جدا وقريب جدا جدا من عربية 1500 سي سي .... وتحس ان الاتانك بيبخر البنزين ....

التكييف تأثيره بيبان على البنزين لما بشغله على 2 لانى بشغله على 1 لما اكون لوحدى و2 لما يكون معايا ناس فى العربية
فى حالة التكييف المستمر اللتر بيعمل 14.5 للاسف ... مش سئ اوى بس برضو من غير تكييف اللتر بيعمل 17 كيلو .... يعنى فرق ملحوظ بين الحالتين

المشاركة الأصلية كتبت بواسطة ibrahimahmed

الله يبارك فيك يا باشا
1- بصراحة ماقرنتش ... لان كل الناس بتشكر فى وولف فقلت خلينى مع الجماعة
2- لا الكاسيت واخد المساحة كلها ( راجع صور العربية فى الصفحة 3 )
3- سالت على السونى والبيونير والحاجات الماركات دى ... بتبتدى من 750 وانت طالع
4- محل فى المهندسين جنب السلام شوبنج سنتر

راجعت الصورة
كلامك مظبوط
بس ايه رايك بعد ما ركبتهم يعنى بعد التجربة ؟ والتوكيل ركبهم صح ولا فى مشكلة ؟
وبتفكر تركب وحدات رفع على الاقل للابواب الامامية ؟ حسب الفيديوهات للعربية فى بلد المنشأ فى مكان لزرارين للزجاج فى الكونسول عند الفتيس

المشاركة الأصلية كتبت بواسطة lo22a

راجعت الصورة
كلامك مظبوط
بس ايه رايك بعد ما ركبتهم يعنى بعد التجربة ؟ والتوكيل ركبهم صح ولا فى مشكلة ؟
وبتفكر تركب وحدات رفع على الاقل للابواب الامامية ؟ حسب الفيديوهات للعربية فى بلد المنشأ فى مكان لزرارين للزجاج فى الكونسول عند الفتيس

الحمد لله التوكيل ركبهم صح ومفيش مشاكل
وبالنسبة لوحدات الرفع ... الميزانية لا تسمح فى الوقت الحالى .... كفاية اللى الواحد دفعه فى العربية والاكسسوارات والقسط الشهرى ... خبطتين فى الراس توجع ... فما بالك بقى بكذا خبطة:b4_556:
وكمان الموضوع مش فى دماغى اوى ... كفاية اوى رفاهية الزيرو والتكييف ... هاننهب كمان ونفكر فى زجاج كهرباء ووحدات رفع