تقرير استلام التو 2015 الشكل الجديد

**a_b77710** · 17-12-2014 07:21 PM

استاذ /ah_kassem انا فعلا اقصد زى الماتريكس حضرتك تعرف حد بيركبهم وهو حضرتك استلمت وله لسة

**ah_kassem** · 17-12-2014 09:11 PM

انا للأسف لسه ماستلمتش ولما كلمت التوكيل قالى انت فى الدفعه اللي جايه يعنى تقريبا على الشهر اللي جاي وموضوع الجريدة اللى فى السقف اي مكان بيركب اكسسوارات ممكن يركبه وعموما انا ناوى اركبه ﻻنى عاجبنى جدا وهاقول لحضرتك التفاصيل

**omar_saad** · 18-12-2014 12:43 PM

المشاركة الأصلية كتبت بواسطة a_b77710

هل ممكن تركيب شبكة للنيو التو عبارة عن 2عود فى جناب السقف من غير تخريم فى سقف العربية

السلام عليكم -- ينفع يتركب بدون تخريم في السقف نفسه و يتم التركيب من تحت البرواز الكاوتش المجاور للسقف -- و شفتها في عربيات كتير

**a_aseda** · 19-12-2014 10:08 AM

يا جماعة
انا عندي مشكلة عند تشغيل العربية
عند التشغيل العربية مبتدورش علطول (وده مش دايما - يعني احيانا واحيانا)
لما كنت في صيانة الخمسة الاف ك سألت المهندس ان الموضوع حصل معايا كام مرة
سالني الصوت ناشف ولا ايه
قلت له مش عارف ارد عليك - انا لما ادور العربية مبتدورش
قالي ممكن تكون في حاجة في المارش بس انت ركز مع الصوت والمرة الجاية قلي
انا مش عارف لحد الان اوصف صوت بدء الموتور ... !!!!!! بيفكرني بفيلم اسماعيل ياسين في مستشفي المجانين لما واحد كان عايز يكتب صوت نهيق الحمار !!!!!!
انا لما اجي ادور العربية مبتدورش ... طبعا بيكون في صوت للمارش (بس خشن ولا جاف - مش عارف)
لازم اقفل العربية وارجع من الاول تاني
...
انا قريب هروح صيانة العشرة الاف ك
مطلوب اوصف العطل ازاي للمهندس في مركز الخدمة
انا بروح مركز ابو رواش
؟؟؟؟

**ibrahimahmed** · 20-12-2014 01:33 PM

المشاركة الأصلية كتبت بواسطة a_aseda

يا جماعة
انا عندي مشكلة عند تشغيل العربية
عند التشغيل العربية مبتدورش علطول (وده مش دايما - يعني احيانا واحيانا)
لما كنت في صيانة الخمسة الاف ك سألت المهندس ان الموضوع حصل معايا كام مرة
سالني الصوت ناشف ولا ايه
قلت له مش عارف ارد عليك - انا لما ادور العربية مبتدورش
قالي ممكن تكون في حاجة في المارش بس انت ركز مع الصوت والمرة الجاية قلي
انا مش عارف لحد الان اوصف صوت بدء الموتور ... !!!!!! بيفكرني بفيلم اسماعيل ياسين في مستشفي المجانين لما واحد كان عايز يكتب صوت نهيق الحمار !!!!!!
انا لما اجي ادور العربية مبتدورش ... طبعا بيكون في صوت للمارش (بس خشن ولا جاف - مش عارف)
لازم اقفل العربية وارجع من الاول تاني
...
انا قريب هروح صيانة العشرة الاف ك
مطلوب اوصف العطل ازاي للمهندس في مركز الخدمة
انا بروح مركز ابو رواش
؟؟؟؟

حاول تحدد للمهندس وانت بتوصف العطل بيحصل امتى بالظبط؟؟ ... الصبح بس مثلا ولا لو بطلت ودورت على طول ... والافضل من كده ان تصور العطل فيديو بالموبايل وقت حدوثه ... هاتوفر عليك مجهود كبير فى الشرح وخصوصا انك بتقول انك مش عارف توصف نوع الصوت نفسه

**a_aseda** · 21-12-2014 08:32 AM

المشكلة انه لا يحدث بشكل نمطي ثابت (تكراري ثابت)
فممكن يحصل وانا بدور الصبح
او في وسط اليوم
يعني ملوش وقت محدد
المشكلة الكبري اني محتاج كل ما ادور العربية اكون مشغل كاميرا الموبايل علشان تسجيل صوت المارش والموتور عند التشغيل
لاني مش عارف العربية عتعلق امتي ... ومتدورش
....

**a_aseda** · 21-12-2014 08:38 AM

حاجة تانيه
انا عايز اركب وحدة رفع وسنتر

1- فين وبكام ممكن اعمل كده
2- وهل توجد اجزاء خاصة بالالتو ... ولا دي بتكون حاجة استيراد لعربيات اخري خصوصا وحدة الرفع
وبخصوص السنتر عارف ان في منه جديد ومستعمل (ومش لازم يكون بتاع العربية لان دي حاجات ثابتة في كل العربيات زي الكاسيت مثلا) فهل اشتريه جديد مع الانذار ولا مستعمل مع وحدة الرفع حتي لو كان اغلي من الجديد او بنفس السعر انا كنت سالت في التوفيقية قالولي ايوه في استيراد ياباني
3- وهل عند تركيب وحدة الرفع للزجاج لابد من التخريم في الباب
4- لو في صورة لشكل التخريم بيكون فين وحجمه ايه اكون شاكر لكم
..
وكتر الف خيركم

**محمود نجيب** · 22-12-2014 12:38 AM

متابع

**ah_kassem** · 22-12-2014 08:15 PM

علي الرغم ان تعليق حضرتك ده مالوش عﻻقه بطبيعة المنتدى لكن انا اؤيد كﻻمك وبقول مضيعش المسلمين غير فرقتهم اخوانى سلفي سنى واﻻسﻻم برئ من كل التقسيمات دى ( وﻻ تفرقوا فاتفشلوا وتذهب ريحكم )صدق الله العظيم

**محمود نجيب** · 22-12-2014 11:10 PM

اعتقد انه في القريب العاجل سوف تظهر ألتو كاملة مانيوال و لون اﻹكصدام نفس لون العربية و بزيادة في السعر زي ما كان في الشكل القديم فئتان الفاضية كان اكصدامها اسود و الكاملة اكصدامها بنفس لون السيارة