كنت فى التوكيل امبارح وحجزت اللون الفضى ان شاء الله وقال التسليم ف شهرين ونص بالكتير
طبعا حالى احباط من شهرين ونص
العربية من وجهة نظرى كويسه جدا على قد سعرها وبـ 2500 انت ممكن تكملها وتعتبر سعرها 60 الف مقابل انك تشترى صينى full option بس مش مضمون (ممكن تفتح طلبات من اول شهر وممكن متصرفش مليم ) او انك تشترى مستعمل ودا انا شخصيا شفت معاه اسوء ايام فى الفيرنا
اللى مقلقنى منها الاتي :-
1-انها مش باور وربنا يستر بقى ومتبقاش تقيلة اوى فى الركن "يا ريت حد يطمنى ف الموضوع ده من حضراتكم خصوصا ان كلكم بتقولوا وهى واقفة تقيلة انا بسأل على الركن يا شباب "فى المنصورة اللى بيلاقى ركنه بينزل يبوس الاسفلت "
2-مقاس الكاوتش 13/145 وهل لو جنطت على 13/70/175 او 13/70/185 هيعمل مشكلة ف العفشة ولا لاء انا حافظ ع المقاس وهزود فى العرض للثبات هل دا ممكن
3-الـ800 cc خايف يبقى 1300 cc اول سنتين وبعد كده يفطس بس اللى مطمنى ان رجالة الالتو القدامى قالوا انها محترمة وبتجرى مبتفطسش "ربنا يستر "
4-ركب اللى انت عاوزه بس متلعبش فى الضفيرة " هل انا لو جبت الكاست اقدر اركبه بنفسى ولا لازم كهربائى هل الفيش موجوده بمجرد اركبها ف الكاست الموضوع خلص ولا لازم كهربائى هيطلع لى مخرج من الضفيرا ؟وهل فى انواع معينة بس اللى تتركب "اقصد السعة الكهربية ولا اى حاجه تركب"
مردتش ارجع من التوكيل وايدى فاضيه بما انكم فعلا افدتونى كتير "ربنا يبارك فيكم " جبت لكم قايمة باسعار التوكيل للاضافات والباكدج كاملة عليها خصم
المفضلات