تقرير استلام التو 2015 الشكل الجديد

**omar_saad** · 30-12-2014 11:56 AM

المشاركة الأصلية كتبت بواسطة ibrahimahmed

الدبرياج خفيف على الرجل وناعم ... بس بيبقى فيه عضة خفيفة فى المارشرير ودى موجودة فى كل موديلات الالتو القديمة والجديدة
انا شارى العربية قسط ... دفعت مقدم 20000 والقسط 1000 على خمس سنين

صدقتني اخي الفاضل -- حتي عضة المارشدير الشهيرة موجودة في الجديدة!

مرة اخري -- التغيير من التو القديمة الي الجديدة -- مجرد تغيير في الشكل فقط
- وطبعا الشكل افضل بكتير من القديم
- اما المضمون مش هايغيروا --- ليه --- لان الشركة المحترمة "مودرن موتورز" عايزة تستورد بأقل سعر من هناك و ترفع السعر هنا عشان تحقق اعلي ربح ممكن -- عشان كده ممكن كمان ينزلوا الجديد بأوبشنز اقل من القديم. -- اهم حاجة عندهم هو النصب -- مثلهم مثل باقي التوكيلات وإن اختلفت الدرجة ----
و كم عانيت معهم
هذا ما اقصده
عامة ربنا يبارك لك فيها و يقيك شرها و يوفق الجميع لما فيه الخير

**Pharmacist zt** · 30-12-2014 01:35 PM

المشاركة الأصلية كتبت بواسطة ibrahimahmed

الدبرياج خفيف على الرجل وناعم ... بس بيبقى فيه عضة خفيفة فى المارشرير ودى موجودة فى كل موديلات الالتو القديمة والجديدة
انا شارى العربية قسط ... دفعت مقدم 20000 والقسط 1000 على خمس سنين

بارك الله فيك ع الرد.. انا اتصلت النهارده سالت ع سعر الكماليات زي الكاسيت والانذار والسنتر لوك قالولي هتدفعي م الفين ونص لتلاته فوق تمن العربية.. ازاي كل ده ومن غير تركيب ازاز كهربا.. وايه راي حضرتك فيها حتي الان.. انا لسه ان شاءالله هتعلم السواقه عليها هي.. تنصحني بايه وهل قطع غيارها متوفره.. معلش تقلت عليك وجزاك الله كل خير

**Pharmacist zt** · 30-12-2014 01:45 PM

المشاركة الأصلية كتبت بواسطة ibrahimahmed

الدبرياج خفيف على الرجل وناعم ... بس بيبقى فيه عضة خفيفة فى المارشرير ودى موجودة فى كل موديلات الالتو القديمة والجديدة
انا شارى العربية قسط ... دفعت مقدم 20000 والقسط 1000 على خمس سنين

اسمحلي معلش ده ع كلام حضرتك لو تقسيط تبقي عاملة 20 الف مقدم والف ع 60 شهر يعني 60 الف يعني إجمالي 80 الف.. ده كنير اوي عن سعرها الأصلي ولا ايه

**ibrahimahmed** · 30-12-2014 03:35 PM

المشاركة الأصلية كتبت بواسطة pharmacist zt

بارك الله فيك ع الرد.. انا اتصلت النهارده سالت ع سعر الكماليات زي الكاسيت والانذار والسنتر لوك قالولي هتدفعي م الفين ونص لتلاته فوق تمن العربية.. ازاي كل ده ومن غير تركيب ازاز كهربا.. وايه راي حضرتك فيها حتي الان.. انا لسه ان شاءالله هتعلم السواقه عليها هي.. تنصحني بايه وهل قطع غيارها متوفره.. معلش تقلت عليك وجزاك الله كل خير

هو التوكيل للاسف غالى فى الكماليات ... شغل نصب بقى وكده
ممكن تركبى الحاجات دى برة بس يبقى حد كويس عشان لو فيه لعب فى الكهرباء هاتخرج برة الضمان
او فى اوبشن تانى انك تشترى الحاجات من برة وهما يركبو فى التوكيل .. متهيألى الحل ده اظرف
على حد معلوماتى قطع الغيار متوفرة ... بس انا ما احتكتش الحمد لله بشراء قطع غيار
والعربية كويسة جدا بالنسبة للاستعمال الخفيف داخل المدن ... بس ماتنفعش اسرة كبيرة
وموفرة فى البنزين

**Pharmacist zt** · 30-12-2014 06:05 PM

المشاركة الأصلية كتبت بواسطة ibrahimahmed

هو التوكيل للاسف غالى فى الكماليات ... شغل نصب بقى وكده
ممكن تركبى الحاجات دى برة بس يبقى حد كويس عشان لو فيه لعب فى الكهرباء هاتخرج برة الضمان
او فى اوبشن تانى انك تشترى الحاجات من برة وهما يركبو فى التوكيل .. متهيألى الحل ده اظرف
على حد معلوماتى قطع الغيار متوفرة ... بس انا ما احتكتش الحمد لله بشراء قطع غيار
والعربية كويسة جدا بالنسبة للاستعمال الخفيف داخل المدن ... بس ماتنفعش اسرة كبيرة
وموفرة فى البنزين

ربنا يباركلك فيها ويكفيك شرها وجزاك الله كل خير.. هو حضرتك ركبتلها وحده رفع ورجاج كهربا؟ ؟.. او تعرف بكام ف التوكيل وبره

**محمود نجيب** · 31-12-2014 12:10 AM

كم يتكلف تركيب باور للألتو خارج و داخل التوكيل ؟
ده اهم كماليات العربية و منهم لله التوكيلات اللي بتوفر

**ibrahimahmed** · 31-12-2014 09:23 AM

المشاركة الأصلية كتبت بواسطة pharmacist zt

اسمحلي معلش ده ع كلام حضرتك لو تقسيط تبقي عاملة 20 الف مقدم والف ع 60 شهر يعني 60 الف يعني إجمالي 80 الف.. ده كنير اوي عن سعرها الأصلي ولا ايه

ده حقيقى ... اغلب البنوك الخاصة بتعمل فايدة 10% فى السنة ( هما بيقولو 8% و8.5% على سبيل جر الرجل ... انما هى بتصفصف على 10 % فى الاخر ... واحيانا 10.5% كمان )
وكلمة 10% فى السنة دى يعنى فى الخمس سنين تبقى الفايدة على مبلغ القرض 50%
يعنى لو العربية ب 60 الف مثلا ... وانا دفت 20 الف مقدم ... يبقى مبلغ القرض هايبقى 40 الف جنيه
ال 40 الف جنيه دول لما يكون عليهم فايدة 50 % فى الخمس سنين يعنى ال40 الف عليهم فايدة 20 الف
يبقى اجمالى قيمة القرض بعد الفايدة 60 الف جنيه ... اقسمى بقى ال60 الف جنيه على 60 شهر ( اللى هما 5 سنين ) هايطلع القسط الشهرى 1000 جنيه
وهايبقى اجمالى تمن العربية = المقدم + قيمة القرض + الفائدة = 20 + 40 + 20 = 80 الف جنيه

طبعا كل ما هتزودى المقدم القسط هايقل بالتبعية
مثال : لو دفعتى 30 الف مقدم ... يبقى القرض هو اللى فاضل من ثمن العربية يعنى هايبقى 30 الف جنيه ... اضربى ال 30 الف جنيه فى 50% فائدة ... هيبقى المبلغ بالفائدة 45 الف جنيه
اقسمى بقى ال 45000 دول على 60 شهر هايطلع فى الشهر 750 جنيه فقط
وهيبقى المبلغ الكلى للعربية 30 الف مقدم + 30 الف القرض + 15 الف الفائدة الكلية = 75 الف جنيه ... يعنى الفائدة قلت والمبلغ الكلى قل ... لان المقدم زاد

**ibrahimahmed** · 31-12-2014 09:30 AM

المشاركة الأصلية كتبت بواسطة pharmacist zt

ربنا يباركلك فيها ويكفيك شرها وجزاك الله كل خير.. هو حضرتك ركبتلها وحده رفع ورجاج كهربا؟ ؟.. او تعرف بكام ف التوكيل وبره

لا انا ماركبتش زجاج كهرباء او وحدة رفع ... وبصراح معرفش فى التوكيل بكام ... بس برة الزجاج الامامى حوالى 400 جنيه للبابين اللى قدام ... والخلفى كذلك ... ووحدة الرفع بحوالى 75 للباب الواحد
الاسعار دى تقريبية ومن الذاكرة ايام العربية القديمة من حوالى سنة

**ibrahimahmed** · 31-12-2014 09:32 AM

المشاركة الأصلية كتبت بواسطة محمود نجيب

كم يتكلف تركيب باور للألتو خارج و داخل التوكيل ؟
ده اهم كماليات العربية و منهم لله التوكيلات اللي بتوفر

داخل التوكيل انا سالت وقالولى ماينفعش يركبوه لان العربية نازلة من غيره ... انا للاسف مش عارف مدى صحة الكلام ده ومش عارف برضو لو ينفع اصلا يتركب هايركب بكام

**محمد.صلاح** · 31-12-2014 09:06 PM

كنت فى التوكيل امبارح وحجزت اللون الفضى ان شاء الله وقال التسليم ف شهرين ونص بالكتير
طبعا حالى احباط من شهرين ونص
العربية من وجهة نظرى كويسه جدا على قد سعرها وبـ 2500 انت ممكن تكملها وتعتبر سعرها 60 الف مقابل انك تشترى صينى full option بس مش مضمون (ممكن تفتح طلبات من اول شهر وممكن متصرفش مليم ) او انك تشترى مستعمل ودا انا شخصيا شفت معاه اسوء ايام فى الفيرنا
اللى مقلقنى منها الاتي :-
1-انها مش باور وربنا يستر بقى ومتبقاش تقيلة اوى فى الركن "يا ريت حد يطمنى ف الموضوع ده من حضراتكم خصوصا ان كلكم بتقولوا وهى واقفة تقيلة انا بسأل على الركن يا شباب "فى المنصورة اللى بيلاقى ركنه بينزل يبوس الاسفلت "
2-مقاس الكاوتش 13/145 وهل لو جنطت على 13/70/175 او 13/70/185 هيعمل مشكلة ف العفشة ولا لاء انا حافظ ع المقاس وهزود فى العرض للثبات هل دا ممكن
3-الـ800 cc خايف يبقى 1300 cc اول سنتين وبعد كده يفطس بس اللى مطمنى ان رجالة الالتو القدامى قالوا انها محترمة وبتجرى مبتفطسش "ربنا يستر "
4-ركب اللى انت عاوزه بس متلعبش فى الضفيرة " هل انا لو جبت الكاست اقدر اركبه بنفسى ولا لازم كهربائى هل الفيش موجوده بمجرد اركبها ف الكاست الموضوع خلص ولا لازم كهربائى هيطلع لى مخرج من الضفيرا ؟وهل فى انواع معينة بس اللى تتركب "اقصد السعة الكهربية ولا اى حاجه تركب"

مردتش ارجع من التوكيل وايدى فاضيه بما انكم فعلا افدتونى كتير "ربنا يبارك فيكم " جبت لكم قايمة باسعار التوكيل للاضافات والباكدج كاملة عليها خصم