الموضوع: تقرير استلام التو 2015 الشكل الجديد

المشاركة الأصلية كتبت بواسطة محمد الزناتى

بص يا محمد انا هفيدك على قد معلوماتى
1-موضوع 800 سى سى دا مش هيفرق معاك اوى الا فى التسارع بين السيارات الاخرى ودا مش هتحس بيه الا فى المساحات الواسعة بل انا رايى انك تتفوق على معضم العربيات التانية نظرا لصغر الحجم ودا بيديها مرونة اكتر
وبعدين كل عربية بيبقى قوة وعزم الموتور متناسب مع وزنها
2-طبعا العفشة مقدرش افيدك لانها مش معايا بس اليابانى اغلبيته عفشته متينة وحلوة بس ممكن تلاقى فيها شوية نشفان خفيف
3- الكاوتش بيبقى مكتوب على العربية جمب الباب المساحات المسموحة فى الكاوتش حد ادنى وحد اقصى
4- الثبات والاتزان هو اليابانى كله بيمتاز بالثبات بس وفقا وبيانات العربية اقدر اقولك ان معاك ل 140 او 150 على الطرق الزراعية و120 او 130 على الصحراوية لان معدل الرياح بيبقى شديد اوى فى معظم الطرق الصحراوية فهيخلى الاتزان خفيف
5- الكاسيت ممكن تغييره بعد اما تشترى بدقيقة لانه كبل بيركب من ورا اى كاسيت فى اى عربية من 1اصغرها لاكبرها وصلاته هما كبلين من ورا وبس فدا امره سهل جدا
6- المساحة بقى الله اعلم

فى الاخر هيا وفقا وسعرها المعروض وانها يابانى وشكلها ممتازه جدا

دا المعروف عن اليابانى بس انا عاوز اعرف عن الالتو بالذات ... كلامك ممكن يتفق مع اللانسر والتويوتا بس السوزوكى الصغير ده زى الماروتى والالتو ليه حسابات تانيه ... بينى وبينك خايف اجيبها الاقى الـ 800 cc عاملين 1000 cc اول سنه ولا اول سنتين وبعد كده تفيص فكل ده هيبان من ردود واجوبة اللى ركبها وجربها على الطريق فعلا
منتظر الاجوبة بفارغ الصبر

المشاركة الأصلية كتبت بواسطة midoamro

حد يرد يا اهل الخير ماهي ابعاد التو 2015 وهل اكبر من اسبيرانزا a 113

اسف يا باشا على التأخير فى الرد
عرض العربية بالظبط 151.5 سم
وده لينك :
Alto 800 Features, Price ,Specs, Review, Mileage, colors and Pictures
فيه كل تفاصيل العربية بما فيها ابعادها كلها

المشاركة الأصلية كتبت بواسطة محمد.صلاح

ان شاء الله ناوى اشترى سوزوكى التو بس بصراحه متردد جدا خصوصا اني نازل من فيرنا "يعنى موتور قوى وبصراحه غاوى جرى" بعتها وناوي اشترى زيرو وهى اقرب اختيار "مليش فى الصينى لا باندينو ولا شنجان مينى ولا سبرانزا "وعندى كم استفسار من حضراتكم يا ريت الاقى اجوبة هتكون سبب فى قرارى
1-سحب العربيه عامل ايه مع الـ 800 cc واخبار الشد بالعربيه ايه يعنى اقصى سرعتها كام وهل تجيب على الاقل 100 ك مرتاح ولا بتعافر
2-سوزوكى ماروتى والتو 800 cc ايه الفرق بينهم (بصراحه بحس ان الماروتى شلل ماشى على الطريق ) هل هى كده برضه ؟
3-العفشة .. اخبارها ايه مع المطبان والطرق الترابية والنقر اللى فى الطريق خصوصا انى فى طريقى ما يقرب من 2 كيلو من النوعية دى
4-الثبات والاتزان ,, وهل الكاوتش 13/145 عامل مشكلة فى ثباتها ولا لاء ( ولا هى كده كده مبتجريش فمش فارقه ؟؟) وهل يمكن تجنيطها (13/70/185 ) ام لا؟
5-الكاست هل يمكن تركيب كاست بمجرد شراءه ولا لازم كهربائى ( فيشه الكاست جاهزة بمجرد الشراء ممكن يتركب ولا هيبقى فى شغل فى الضفاير ).
هى زى ما بيقولوا ماروتى متنضفه ولا تفرق ؟؟ وايه حجم الفرق فى ( الحجم - الارتفاع - الاتساع - القوة -الثبات على الطريق).
6-صوت الموتور الحكم فيه متفاوت بين حضراتكم ,,,طب لو اتقارن بالفيرنا ؟
7-الاتساع هل هو معقول ولا هى منفخه على الفاضى ومن جوه ضيقه ( عارف انها صغيره بس مقارنتا باالاسبرانزا a113 )

اسف جدا على الاطالة ومنتظر ردودكم بفارغ الصبر

1- السحب فى السرعات البطيئة كويس ... زيها زى اى عربية ... اما على السرعات العالية بيبان فرق ال سى سى ... وعامة هى لغاية 80 او 90 كم بتبقى كويسة فى التسارع ... بعد كده هتاخد وقت اكتر من الفيرنا عشان توصل ل 120 او 140 ... وانا عن نفسى اكتر سرعة وصلتلها لغاية دلوقتى 145 كم وماطولتش عليها ... انما السرعة الغالبة عندى فى الطرق السريعة هى من 100 ل 120
2- الفرق ان الموتور بتاع الالتو انجكشن انما الالماروتى كاربراتير ... وفى التسارع الالتو افضل طبعا
3- العفشة حمولة جدا ... ومستحملة معايا مطبات كتير الحمد لله ماشتكتش منها
4- الثبات على السرعات العالية مش اوى ( 120 وانت طالع ) لانها فى الاول وفى الاخر عربية صغيرة برضو ... وطبعا كاوتش عريض هايفرق فى الثبات
5- الكاسيت جاهز مكانه وله فيشه جاهزة للتركيب
6- صوت الموتور اعلى من الفيرنا حاجة بسيطة اوى
7- الاسبيرانزا اوسع منها بس حاجة بسيطة برضو ... مش الوسع اللى هو ... يعنى لو هتقارن بالفيرنا هيبقو الاتنين ضيقين

اخيرا بما انك كان معاك فيرنا يبقى اساسى هاتحس بفرق كبير جدا فى السحب والشد على السرعات العالية .... وهاتحس بالضيق فى المساحة ... متهيألى دول الحاجتين الاساسيتين اللى هايضايقوك من العربية

ممكن اعرف مصاريف الترخيص لمدة 3 سنين كام ؟؟؟؟؟

الف شكرا "ابراهيم احمد " على الرد والمعلومات اللى لحد ما طمنتنى
مش مشكله انها تتاخر 10 ثوانى لما تجمع العزم وتبدا فى التسارع بعد الـ 120 المهم لما توصل 120 متكونش بتعافر ( طريقى مش مؤهل للسرعات بعد الـ 120 بس فى بعض الكيلو مترات الكل بيشد فيها ) كان الاهم عندى انى مبقاش ع الطريق والكل بيعديك وانت جايب اخر العربيه وبرضه مفيش فايده

هل فى الكتالوج موجود مقاسات الجنوط حد ادنى وحد اقصى ؟
الكاست لو ركب اخرج من الضمان ولا لاء وهل لو ركبته قبل ما اتم الـ 1000 ك ورحت الصيانه هيطلعنى من الضمان ولا ايه رايك ؟