تقرير استلام التو 2015 الشكل الجديد

**elkingg36** · 16-05-2015 09:47 PM

المشاركة الأصلية كتبت بواسطة ibrahimahmed

هو مالوش مكان ثابت لانه على حسب اللى بيثبته .... بس عموما هو بيبقى فى مكان ما جنب دراع فتح الكبوت ... ( تحت التابلوة ناحية الشمال )... انزل بدماغك تحت كده فى المنطقة دى وبص هتلاقيه بيبقى ملزوق بلزق دبل فيس

متشكر جدا لاهتمام حضرتك انا فعلا عملت زى مانت قلت ولاقيته بس مفيش فيه مفتاح للضبط مجرد فيوز ابيض متوصل بيه

**ibrahimahmed** · 17-05-2015 09:44 AM

المشاركة الأصلية كتبت بواسطة elkingg36

متشكر جدا لاهتمام حضرتك انا فعلا عملت زى مانت قلت ولاقيته بس مفيش فيه مفتاح للضبط مجرد فيوز ابيض متوصل بيه

ازاى الكلام ده ... اكيد فيه حاجة غلط ... اى سينسور انذار بيبقى فيه بكرة تعلى وتوطى منها حساسية الانذار ... دور تانى كده او استشير كهربائى

**مستبشرة** · 18-05-2015 11:58 AM

المشاركة الأصلية كتبت بواسطة mnon_mahmoud

التوفيقيه ..ماليانه محلات كتير اوي فيها فرش سيارات للكراسي بس حاولي تشتري من محل اضمن بلاش البياعين الل ع الارصفه ...اسم المحل بصراحه مش فاكراه بس المحلات كتير ...وحاولي تفاصلي انا اخدت اخر سعر كان 160 جنيه وقوليلله عاوزة حد يركبه وخدي العربيه معاكي بحيث تشتري وتركبي في نفس الوقت وانا دفعت في التركيب 70 جنيه واخد من الوقت نصف ساعه .
فرش الكبوت فايدته حرارة الموتور بتهبب الصاج الداخلي وتغير لون بويه الفابريكه فالفرش دا ميزته في كدا ...وبخصوص سخونه الموتور لا مفيش سخونه طالما العربيه زيرو ودورة التبريد شغاله وانا مركباه من حوالي شهر ومفيش اي حاجه...
اما الضمان ..مع صيانه الالف ولازم يكون صاحب العربيه نفسه معاكي ورخصه العربيه كمان بيطلع عليها عشان يديكي الضمان.
ومدة الضمان 3 سنوات او100000كيلو وايهما اقرب .
ولو في اي استفسارات تانيه انتي تؤمري بس ....

المشاركة الأصلية كتبت بواسطة mnon_mahmoud

اه طبعا كلوا مع بعض وفي نفس اليوم ....
يعني تعملي بالترتيب الل هقولك عليه-
---------------------------------------------
- تتصلي وتاخدي موعد لصيانه 1000 كيلو فرع ابورواش .
- تروحي بدري ..يعني 9 صباحا كويس ....
- تقولي عاوزة اعمل صيانه ال1000 واخد الضمان وهركب سنتر وانذار عشان يعملوا حسابهم في الوقت يخلصوكي الاول وميركنوش العربيه تاخد دورها..وهما عارفين ان السنتر والانذار بيخدوا 3او 4 ساعت ..وتروحي عند استاذ/ معتز - مسئول قسم الاستكسوارات وتقوليلله بعمل صيانه ال1000 وعاوزة اركب سنتر وانذار فهو هيروح معاكي لبتوع الصيانه ويقولهم يا تخلصوا صيانه بسرعه ولا ابتدي انا في السنتر والانذار الاول...
ودة الل حصل معااي...انا رحت 9 صباحا وخلصت 5 المغرب...
واي استفسارات تانيه تحت الامر ...

ربنا يكرمك يا منون على الرد الوافي
جزاك الله خيرا
الاكصدام اتخبط واتطبق و دا خلاني محبطة جامد.. الله المستعان
الحمد لله على كل حال

**pepo2011** · 18-05-2015 12:40 PM

بالظبط كده الله ينور ع الافادة بس بالنسبة لموضوع فرش الكبوت بلاش يبقي جلد علشان السخونة والصهد بتاعت الماتور لان الجلد بيحفظ السخونة جوا العربية لكن في خامة كده معروفة لفرش الكبوت عازلة للصوت والحرارة زي الصوف اسمها لباد دي الافضل للكبوت طبعا وبتتباع بالمتر وبتتقص علي المقاس بالظبط

**ibrahimahmed** · 18-05-2015 03:41 PM

المشاركة الأصلية كتبت بواسطة مستبشرة

ربنا يكرمك يا منون على الرد الوافي
جزاك الله خيرا
الاكصدام اتخبط واتطبق و دا خلاني محبطة جامد.. الله المستعان
الحمد لله على كل حال

معلش حصل خير ... حاجة بتفدى حاجة .... وكويس انها جت فى اكصدام يتغير ويركب غيره وخلاص ... الصاج اهم لانه يبيقى استعدال بقى او تغيير ولحام ورش داخلى وشغلانة
الحمد لله على كل شىء

**mahmoud_allam** · 19-05-2015 02:09 PM

السلام عليكم ورحمة الله وبركاته

اولا شكرا جدا ع الموضوع الاكثر من رائع

ثانيا : انا قلبت الدنيا في التوفيقيه علي فرش الكراسي ومش لاقي ابداااااااااااا ففمكن اي حد يوصف لي حد جاب منه الفرش ولكم جزيل الشكر

**mnon_mahmoud** · 19-05-2015 05:58 PM

المشاركة الأصلية كتبت بواسطة mahmoud_allam

السلام عليكم ورحمة الله وبركاته

اولا شكرا جدا ع الموضوع الاكثر من رائع

ثانيا : انا قلبت الدنيا في التوفيقيه علي فرش الكراسي ومش لاقي ابداااااااااااا ففمكن اي حد يوصف لي حد جاب منه الفرش ولكم جزيل الشكر

لاء الدنيا متقلبتش ولا حاجه.....فرش العربيه مليان في التوفيقيه وانا لسه جايباه من حوالي شهر بس مش فاكرة اسم المحل ..انت خد العربيه معاك ويكون يوم الاحد عشان تعرف تدخل بيها شارع التوفيقيه واشتري من محل بعد متختار اللون وهو هيشوف العربيه هينقيلك مفاسها وانت تختار اللون وسعره بعد الفصال160 جنيه وقوله هات حد من عندك يركبه وهياخد 60 جنيه ...في اقل من نص ساعه وكلوا يبقااا تمام..........
ولو حابب فرش الل هوة يعني خامه وكدا وجلد فاخر وميهمكش الفلوس ممكن تروحد عند سبير كا ر او جينز كار والاسعار بتبتدي من 900 لحد 2000 حسب خامه الجلد والتفصيل..
واتمني اكون افدتك..

**mnon_mahmoud** · 19-05-2015 06:01 PM

المشاركة الأصلية كتبت بواسطة مستبشرة

ربنا يكرمك يا منون على الرد الوافي
جزاك الله خيرا
الاكصدام اتخبط واتطبق و دا خلاني محبطة جامد.. الله المستعان
الحمد لله على كل حال

معلش عادي وبتحصل ..بسيطه ان شاء الله

**mnon_mahmoud** · 19-05-2015 06:03 PM

المشاركة الأصلية كتبت بواسطة pepo2011

بالظبط كده الله ينور ع الافادة بس بالنسبة لموضوع فرش الكبوت بلاش يبقي جلد علشان السخونة والصهد بتاعت الماتور لان الجلد بيحفظ السخونة جوا العربية لكن في خامة كده معروفة لفرش الكبوت عازلة للصوت والحرارة زي الصوف اسمها لباد دي الافضل للكبوت طبعا وبتتباع بالمتر وبتتقص علي المقاس بالظبط

شكرا علي الافادة ..تمام الله ينور عليك..

**mahmoud_allam** · 19-05-2015 09:36 PM

المشاركة الأصلية كتبت بواسطة mnon_mahmoud

لاء الدنيا متقلبتش ولا حاجه.....فرش العربيه مليان في التوفيقيه وانا لسه جايباه من حوالي شهر بس مش فاكرة اسم المحل ..انت خد العربيه معاك ويكون يوم الاحد عشان تعرف تدخل بيها شارع التوفيقيه واشتري من محل بعد متختار اللون وهو هيشوف العربيه هينقيلك مفاسها وانت تختار اللون وسعره بعد الفصال160 جنيه وقوله هات حد من عندك يركبه وهياخد 60 جنيه ...في اقل من نص ساعه وكلوا يبقااا تمام..........
ولو حابب فرش الل هوة يعني خامه وكدا وجلد فاخر وميهمكش الفلوس ممكن تروحد عند سبير كا ر او جينز كار والاسعار بتبتدي من 900 لحد 2000 حسب خامه الجلد والتفصيل..
واتمني اكون افدتك..

شكرا جدا لاهتمام حضرتك المشكله اني جيبت واحد بعد معاناه من اللف والدوران عليه وطلع الفرش صغير علي الكنبه اللي ورا والصنايعي اللي هايركبه من عنده شغله ماعجبنيش فروحت للسلام اللي في الملك الصالح
والف شكر لاهتمامك