تقرير استلام التو 2015 الشكل الجديد

**ibrahimahmed** · 23-05-2015 09:48 AM

المشاركة الأصلية كتبت بواسطة جويد

بس العربية فيها فايبريشن وبيبان لما تكون فاتح الباب الأمامي هتلاقيه بيتهز بطريقة تقلق

ماتقلقش يا باشا ... دى مش حاجة خطيرة ... الاهتزاز ده شان العربية صغيرة وصاجها خفيف الى حد ما لانها 3 سلندر .... انما مش عيب .... هو لازم يبقى وزنها خفيف عشان موتورها صغير

**volociximab** · 26-05-2015 01:07 AM

حصلت حاجة طريفة النهاردة---حكيت عربية كورولا و الرفرف الشمال بتعى اتحك جامد شوية
الطريف انى لما ادى اشارة شمال السهم بينور و يطفى بسرعة ازيد من الاول و ازيد من الاشارة اليمين
لا اعلم السبب

**aymanshebl** · 26-05-2015 01:16 AM

المشاركة الأصلية كتبت بواسطة volociximab

حصلت حاجة طريفة النهاردة---حكيت عربية كورولا و الرفرف الشمال بتعى اتحك جامد شوية
الطريف انى لما ادى اشارة شمال السهم بينور و يطفى بسرعة ازيد من الاول و ازيد من الاشارة اليمين
لا اعلم السبب

ده لان عندك لمبة الاشارة الشمال اتحرقت او باظت لما تغيرها هتلاقى المؤشر او السهم اللى فى العداد شغال بسرعته العادية

**volociximab** · 27-05-2015 06:26 PM

فعلا اتحرقت و تم تغييرها و رجعت الامور كما كانت

**ah_kassem** · 30-05-2015 02:27 PM

استاذ ابراهيم
زجاج المرايا اليمين فى العربيه اتكسر وركبتله زجاج عادى بس حاسس انه مش مبين الرؤيا كويس زى الزجاج الحدب يتاعها . ممكن تشور على اعمل ايه اغير الدراع كله واجيب مرايا جديده ولا فى حل وياريت لوممكن السعر يكون كام ومنين ؟؟

**mohamedsamir13** · 30-05-2015 11:07 PM

انا معايا 127 وبفكر ابيعها واجيب الالتو 2015 الناس اللي معاها العربيةرايكم فيها ايه ونظام قطع غيارها موجوده في التوكيل وبره , اسعار قطع الغيار عالية ولا عادية
اشكركم

**ibrahimahmed** · 31-05-2015 12:59 PM

المشاركة الأصلية كتبت بواسطة ah_kassem

استاذ ابراهيم
زجاج المرايا اليمين فى العربيه اتكسر وركبتله زجاج عادى بس حاسس انه مش مبين الرؤيا كويس زى الزجاج الحدب يتاعها . ممكن تشور على اعمل ايه اغير الدراع كله واجيب مرايا جديده ولا فى حل وياريت لوممكن السعر يكون كام ومنين ؟؟

يفضل تجيب مراية جديدة .... بصراحة مش عارف تمنها بس لو نزلت التوفيقية عند محلات السوزوكى هتلاقيها ان شاء الله متوفرة

**ibrahimahmed** · 31-05-2015 01:03 PM

المشاركة الأصلية كتبت بواسطة mohamedsamir13

انا معايا 127 وبفكر ابيعها واجيب الالتو 2015 الناس اللي معاها العربيةرايكم فيها ايه ونظام قطع غيارها موجوده في التوكيل وبره , اسعار قطع الغيار عالية ولا عادية
اشكركم

العربية كويسة وممكن تراجع تعليقات الناس كلها عليها هتلاقى معلومات كتير اوى هاتفيدك
اظن بعض الاعضاء كاتبين بعض اسعار قطع الغيار ممكن برضو تراجع الموضوع من اوله

**rasha adly** · 01-06-2015 12:22 PM

اكتر حاجة قفلتني اني دخلت المنتدى وببص على الموضوع في المثبت وملقتهوش
ليه كده الموضوع فعلا مهم
انا بقالي ساعتين بقرا كل المشاركات اللي فاتتني واستفدت جدا جدا والله
مع اني معايا العربية بعد استاذ ابراهيم علطول
بس في حجات كتير ممرتش عليا ومر بيها ناس تانية معاهم العربية وفادتني
وغيرنا كتير بيدخل عاوز يشوف المشاركات ويستفيد
عيب اوي لما يبقى موضوع مهم اوي كده وينزل من التثبيت
عموما اغلب الاعضاء هنا فعلا هما اعضاء في نادي سوزوكي التو مصر على الفيس
لكن ده ميمنعش انه الموضوع هنا مهم جدا جدا جدا
وشامل لتفاصيل كتير اوي تفيد اي حد عنده العربية او بيفكر يشتريها
اتمنى يرجع يتثبت تاني واشوف منمن والمستبشرة واستاذ ابراهيم وباقي ملاك الالتو على جروب الملاك على الفيس

**mnon_mahmoud** · 02-06-2015 03:08 AM

النهاردة عملت حادثه
--------------------------------
نتيجه مرور عربيه مسرعه قاطعه الطريق فجاءة اثناء مروري علي اخر سرعه فادتها فتخبط في الرصيف..نتج عنه اعوجاج فردة الكاوتش الامامي الل ناحيه السائق واعوجاج بسيط في رفرف العربيه ...الميكانيكي شافها قال المقص اتعوج هنستعدله ونركب الاستبن وبعدين خلي في دماغك تغيري المقص..
طبعا الدنيا اتلمت علي الحادثه وصوت الفرمله وبصراحه ناس كتير ولاد حلال منهم سوائق سوزوكي فان ساعدني كتير كتر خيرة انه هو الل جاب الميكانيكي من شوارع جانبيه لان الحادثه في شارع عمومي.
وواحد تاني بردو اكتر من 3 ساعات واقف علي رجليه ويكلم الميكانيكي ويوصيه..
المفاجاءة بقااا ان بعد مخلص الميكانيكي ومشي نسيت ااقوله يجربها بعد ما اخد 140 جنيه وان الكاوتش بيك جامد ومبيمشيش بسهوله ...حاولت اوصله تاني معرفتش لان الوقت كان متاخر والناس الل كانوا معاي مشيوا بعد مفتكروا انها اتصلحت...
المهم جت سليمه وربنا يسترها علينا وعليكوا وبكرة هروح الجراج الل اضطريت اركنها فيه واشوف عفشجي يعملها ذي مفهمت....