تقرير استلام التو 2015 الشكل الجديد

**ibrahimahmed** · 02-06-2015 10:43 AM

المشاركة الأصلية كتبت بواسطة mnon_mahmoud

النهاردة عملت حادثه
--------------------------------
نتيجه مرور عربيه مسرعه قاطعه الطريق فجاءة اثناء مروري علي اخر سرعه فادتها فتخبط في الرصيف..نتج عنه اعوجاج فردة الكاوتش الامامي الل ناحيه السائق واعوجاج بسيط في رفرف العربيه ...الميكانيكي شافها قال المقص اتعوج هنستعدله ونركب الاستبن وبعدين خلي في دماغك تغيري المقص..
طبعا الدنيا اتلمت علي الحادثه وصوت الفرمله وبصراحه ناس كتير ولاد حلال منهم سوائق سوزوكي فان ساعدني كتير كتر خيرة انه هو الل جاب الميكانيكي من شوارع جانبيه لان الحادثه في شارع عمومي.
وواحد تاني بردو اكتر من 3 ساعات واقف علي رجليه ويكلم الميكانيكي ويوصيه..
المفاجاءة بقااا ان بعد مخلص الميكانيكي ومشي نسيت ااقوله يجربها بعد ما اخد 140 جنيه وان الكاوتش بيك جامد ومبيمشيش بسهوله ...حاولت اوصله تاني معرفتش لان الوقت كان متاخر والناس الل كانوا معاي مشيوا بعد مفتكروا انها اتصلحت...
المهم جت سليمه وربنا يسترها علينا وعليكما وبكرة هروح الجراج الل اضطريت اركنها فيه واشوف عفشجي يعملها ذي مفهمت....

معلش ... قدر الله وماشاء فعل .... اهم حاجة ان انتى كويسة .... طبيعى طالما ماشية فى شوارع بلدنا يحصل واكترمن كده كمان ... قضا اخف من قضا

**mnon_mahmoud** · 02-06-2015 09:59 PM

المشاركة الأصلية كتبت بواسطة ibrahimahmed

معلش ... قدر الله وماشاء فعل .... اهم حاجة ان انتى كويسة .... طبيعى طالما ماشية فى شوارع بلدنا يحصل واكترمن كده كمان ... قضا اخف من قضا

الحمد الله ..بس عاوزة اغير المقص لانه اتعوج وتم استعداله وبردو بيحك في الكاوتش ...فياريت الل عنده فكرة عن تجربه يقولي سعرة ونوعه ... عشان سالت ميكانيكي قالي يعمل 700 جنيه في التوكيل وعاوز يمشيني بالمقص الل تم استعداله وانا خايافه بصراحه لان غير الحك في الكاوتش تحس ان مفيش ثبات ... وسالت في محل ميدو سوزوكي قالي 90 جنيه جديد تيواني..
فمش عارفه اتصرف ازاي ..اخلينيف بالقديم واعمل ضبط زوايا ولا اجيب التيواني ولا اروح التوكيل ...ياريت تفيدووووني ...بس بسرعه عشان العربيه في جراج في الشارع ومش بتمشي ومش عارفه اعمل ايه؟؟؟

**ahmed_moeaz** · 03-06-2015 07:35 AM

غيري المقص طبعا بس المهم انك لازم تشوف عفشجى محترم علشان يظبتلك تركيب المقص ويشوف ظبته العربية وتتفقى معاه متخلصيش حسابه الا لما تخلصي ظبط زوايا وتطلع تمام وربنا يستر طريقنا جميعا يا رب

**volociximab** · 03-06-2015 05:50 PM

حادثة للمرة الثانية
طالع من تحت البيت باحرك العربية و ماخدش بالى دخلت بضهرى فى اكصدام كامرى جديده خربشتها

هذه ثانى حادثة غلطان فيها و رابع عربية تتخربش منى
الاولى كورولا
الثانية لاندكروزر
الثالثة راف فور و هو الغلطان
و الرابعة الكامرى
قلت للراجل عاوز اى تعويض قال الله يحفظك و مشينا

**volociximab** · 03-06-2015 07:31 PM

بعد حركات الشقاوة امبارح و مشيي فوق ال100 على دائرى زحمة و غير مستقيم قررت عدم تخطى حاجز ال70 الا فى المواقف الملحة

و انا على مستوى نظرى شفت ركب بنى ادم

**mnon_mahmoud** · 03-06-2015 09:36 PM

المشاركة الأصلية كتبت بواسطة ahmed_moeaz

غيري المقص طبعا بس المهم انك لازم تشوف عفشجى محترم علشان يظبتلك تركيب المقص ويشوف ظبته العربية وتتفقى معاه متخلصيش حسابه الا لما تخلصي ظبط زوايا وتطلع تمام وربنا يستر طريقنا جميعا يا رب

شكرا لسرعه الرد..
-------------------------
فعلا اشتريت النهاردة مقص جديد تيواني ب90 جنيه من محل ميدو سوزوكي فرع احمد حلمي
والحمد الله ركبه ميكانيكي واخد مصنعيه 70جنيه واشتري علبه شحم ووردة للكوبلن ب25 جنيه والعربيه مشيت الحمد الله بس بتحدف شمال..
قالي ظبط زوايا وكله يبقي تمام وبردو العربيه محتاجه سمكرة عشان الرفرف اخد خبطه
وان شاء الله هشوف موضوع ظبط الزوايا وموضوع العفشجي دااا والله بردو مش مطمنه وبفكر اروح التوكيل يشيكوا علي العربيه كلها واحكيلهم الل حصل واسالهم المقص الل اتركب دا كويس ولا الل عندهم احسن..بس ناس خوفوني من كدا قالوا هتطلعي برة الضمان...بصراحه معنديش ثقه في صنايعي...
وانتوا ايه رايكوا بعد مخلص السمكرة وظبط الزوايا والعفشجي ..اروح بيها التوكيل ولا اكتفي بكدا بصراحه مش مطمنه.......مستنيه ردودكم واقتراحتكم الل اكيد هتكون مفيدة...

**mnon_mahmoud** · 03-06-2015 09:43 PM

المشاركة الأصلية كتبت بواسطة volociximab

بعد حركات الشقاوة امبارح و مشيي فوق ال100 على دائرى زحمة و غير مستقيم قررت عدم تخطى حاجز ال70 الا فى المواقف الملحة

و انا على مستوى نظرى شفت ركب بنى ادم

انا بمشي ع 100و120 بس اهم حاجه انك تاخد بالك مممكن حاجه تطلع فجاءة من اي حته او حد يكسر عليك ويطلعك انت الل غلطان...بصراحه مفيش حاجه مضمونه اليومين دول ..وااقل خبطه بتتكلف ..يعني انا من يومين قطع علي موتوسيكل فجاءة لقيت نفسي داخله في رصيف واتكلف علي الموضوع دا لحد دلوقتي 140جنيه ميكانيكي استعدل المقص القديم ومصنعيه وبردو منفعش واضطريت اركنها في جراج قريب من مكان الحادثه ب20جنيه جراج والنهاردة 90جنيه مقص جديد ووحوالي مائه جنيه مصنعيه تركيب وشحم وكدا...
وبالرغم من دة كله بردو لسه ناقص ظبط زوايا وسمكرة وعفشجي ...عموما خد بالك وربنا كريم...

**mnon_mahmoud** · 03-06-2015 09:50 PM

المشاركة الأصلية كتبت بواسطة volociximab

حادثة للمرة الثانية
طالع من تحت البيت باحرك العربية و ماخدش بالى دخلت بضهرى فى اكصدام كامرى جديده خربشتها

هذه ثانى حادثة غلطان فيها و رابع عربية تتخربش منى
الاولى كورولا
الثانية لاندكروزر
الثالثة راف فور و هو الغلطان
و الرابعة الكامرى
قلت للراجل عاوز اى تعويض قال الله يحفظك و مشينا

معلش اهم حاجه انك بخير
-------------------------------
واحسن حاجه عجباني في كلامك ثقافه الاعتذار...لما انت عرضت علي الراجل التعويض وكمان اخدت دعوة حلوة منه ان ربنا يحفظك ورفض انك تراديه باءي حاجه..
انا بردو بعمل كدا لما احس اني الل غلطانه وبعتذر مفيهاش حاجه ولا تنقص مني حاجه
تعالوا نرجع قيمنا الجميله تاااني بثقافه الاعتذار الل كتيرر مننا افتقدها واستبدلها بسياسه الصوت العالي والكبر والمكابرة وفرض الامر الواقع ولا كلمه ...انت متعرفش انا مين؟ هههه

**aymanshebl** · 04-06-2015 12:04 AM

المشاركة الأصلية كتبت بواسطة mnon_mahmoud

شكرا لسرعه الرد..
-------------------------
فعلا اشتريت النهاردة مقص جديد تيواني ب90 جنيه من محل ميدو سوزوكي فرع احمد حلمي
والحمد الله ركبه ميكانيكي واخد مصنعيه 70جنيه واشتري علبه شحم ووردة للكوبلن ب25 جنيه والعربيه مشيت الحمد الله بس بتحدف شمال..
قالي ظبط زوايا وكله يبقي تمام وبردو العربيه محتاجه سمكرة عشان الرفرف اخد خبطه
وان شاء الله هشوف موضوع ظبط الزوايا وموضوع العفشجي دااا والله بردو مش مطمنه وبفكر اروح التوكيل يشيكوا علي العربيه كلها واحكيلهم الل حصل واسالهم المقص الل اتركب دا كويس ولا الل عندهم احسن..بس ناس خوفوني من كدا قالوا هتطلعي برة الضمان...بصراحه معنديش ثقه في صنايعي...
وانتوا ايه رايكوا بعد مخلص السمكرة وظبط الزوايا والعفشجي ..اروح بيها التوكيل ولا اكتفي بكدا بصراحه مش مطمنه.......مستنيه ردودكم واقتراحتكم الل اكيد هتكون مفيدة...

والله انا راى انك كنتى و ديتيها التوكيل من الاول هو غالى بس هترتاحى من عك الميكانيكية الجهلة و برده الحاجة مبتبقاش مظبوطة بعد كده من العك بتاعهم و قطع الغيار المضروبة

**mnon_mahmoud** · 04-06-2015 01:20 AM

المشاركة الأصلية كتبت بواسطة aymanshebl

والله انا راى انك كنتى و ديتيها التوكيل من الاول هو غالى بس هترتاحى من عك الميكانيكية الجهلة و برده الحاجة مبتبقاش مظبوطة بعد كده من العك بتاعهم و قطع الغيار المضروبة

اوديه ازاي والعربيه اصلا مبتمشيش والعجله الشمال الل جنب السواق ماسكه ومكلبشه ..عشان كدا اضطريت اتكلفت مرتين مصنعيه..مرة استعدال المقص القديم ومنفعش ومرة شراء مقص جديد ..زدلوقتي بفكر اروح التوكيل بس بعد موديها لعفشجي وظبط زايا علي الاقل اقدر اوصل بيها بس يارب يكون التكلفه مش كبيرة ومتكونش طلعت من الضمان زي مناس بيقولوا..