تقرير استلام التو 2015 الشكل الجديد

**aymanshebl** · 04-06-2015 09:49 AM

المشاركة الأصلية كتبت بواسطة mnon_mahmoud

اوديه ازاي والعربيه اصلا مبتمشيش والعجله الشمال الل جنب السواق ماسكه ومكلبشه ..عشان كدا اضطريت اتكلفت مرتين مصنعيه..مرة استعدال المقص القديم ومنفعش ومرة شراء مقص جديد ..زدلوقتي بفكر اروح التوكيل بس بعد موديها لعفشجي وظبط زايا علي الاقل اقدر اوصل بيها بس يارب يكون التكلفه مش كبيرة ومتكونش طلعت من الضمان زي مناس بيقولوا..

كان ممكن تشوفى ونش يوديها التوكيل انا عارف ان التكلفة هتكون كبيرة بس صدقينى هترتاحى من المشكلة لان ما فيش حد عمل حاجة مع اى ميكانيكى الا و كان زبون عنده نظره لجهله و قطع الغيار المضروبة اللى بتضرب حاجات تانية كتير جنبها بس خلاص اللى حصل حصل حاولى توديها التوكيل يشوف فيها ايه

**volociximab** · 04-06-2015 06:14 PM

حطيت سائل تنظيف البخاخات من نوع تويوتا بستين ريال خلى ريحة العربية بنزين
و سألت عن فلتر البنزين عشان اغيره قالولى العربية دى فلتر البنزين بيبقى مش لوحده و لكن مع طرمبة البنزين فى قلب التانكى
منتظر نتيجة سائل التنظيف ده

**mnon_mahmoud** · 06-06-2015 11:32 PM

للاءفادة ..التقرير التفصيلي والتكلفه الفعليه لحادث ارتطام برصيف ...
---------------------------------------------------------------------------
نظرا للسرعه العاليه وقطع موتوسيكل الطريق حدث ارتطام السيارة برصيف نتج عنه تغيير للمقص وسمكرة وظبط زوايا وترصيص وميكانيكي ...وفيما يلي التكلفه الفعليه ربما يفيد البعض...
1- ميكانيكي لمحاوله استعدال المقص القديم وتركيبه 120 جنيه - السعر مبالغ فيه لان الوقت كان متاخر 10 مساءا .
2- سعر مقص جديد من ميدو سوزوكي تيواني 90 جنيه .
3- مصنعيه الميكانيكي لتركيب المقص الجديد 70 جنيه .
4- زرجينه وسمكرة 400 جنيه - اعتقد ان السعر مبالغ فيه بردو لان مخدتش ااقل من ساعه والذرجينه عبارة عن ربط السيارة في شجرة بسلسله حديد والجزء الاخر في المكان المراد استعداله.. واعادة تركيب الرفرف بعد استعداله بالسمكرة .
5- ظبط زوايا 30 جنيه .
6- ترصيص 35 جنيه .
وبالرغم من كل ذلك هروح التوكيل للكشف عن الحاله العامه للسيارة مع صيانه
5000 نصف رمضان ويتبقي تغيير فردة الكاوتش لانها اتفرتكت واستعدال الجنط
والسؤال الان ..هل كدا العربيه خرجت من التوكيل ؟ لان سمعت كدا..
وسالت السمكري قال لو روحتي التوكيل هيطلبوا تغيير الركبه وحاجه تانيه مش فاكرة اسمها؟
وربنا يسترها علينا وعليكم ...وكل الحذر من السرعات العاليه والملفات لانها هي الل بتجيب المصايب..وربنا يحفظ الجميل ...واهلا بالتعليقات والردود...

**volociximab** · 06-06-2015 11:39 PM

المشاركة الأصلية كتبت بواسطة volociximab

حطيت سائل تنظيف البخاخات من نوع تويوتا بستين ريال خلى ريحة العربية بنزين
و سألت عن فلتر البنزين عشان اغيره قالولى العربية دى فلتر البنزين بيبقى مش لوحده و لكن مع طرمبة البنزين فى قلب التانكى
منتظر نتيجة سائل التنظيف ده

نتيجة سائل التنظيف هو ان السيارة اصبحت انعم بمعنى انى لو ماشى على نقلة غلط الثالث مثلا و المفروض اكون على الاول السيارة كانت تتفتف --الحكاية دى قلت كتير
يعنى بدل ما كانت بتشتم بقت بتتقمص بس
عزم السيارة لم يتحسن
يذكر انى رحت الاول اشترى سائل اى كلام لقيت مكتوب عليه بالانجليزي لا يوضع فى تنك البنزين-دلقته فى نص الشارع عشان العيال مش يشربوه و رحت اشتريت سائل تويوتا الاصلى

**مستبشرة** · 09-06-2015 05:02 PM

المشاركة الأصلية كتبت بواسطة mnon_mahmoud

النهاردة عملت حادثه
--------------------------------
نتيجه مرور عربيه مسرعه قاطعه الطريق فجاءة اثناء مروري علي اخر سرعه فادتها فتخبط في الرصيف..نتج عنه اعوجاج فردة الكاوتش الامامي الل ناحيه السائق واعوجاج بسيط في رفرف العربيه ...الميكانيكي شافها قال المقص اتعوج هنستعدله ونركب الاستبن وبعدين خلي في دماغك تغيري المقص..
طبعا الدنيا اتلمت علي الحادثه وصوت الفرمله وبصراحه ناس كتير ولاد حلال منهم سوائق سوزوكي فان ساعدني كتير كتر خيرة انه هو الل جاب الميكانيكي من شوارع جانبيه لان الحادثه في شارع عمومي.
وواحد تاني بردو اكتر من 3 ساعات واقف علي رجليه ويكلم الميكانيكي ويوصيه..
المفاجاءة بقااا ان بعد مخلص الميكانيكي ومشي نسيت ااقوله يجربها بعد ما اخد 140 جنيه وان الكاوتش بيك جامد ومبيمشيش بسهوله ...حاولت اوصله تاني معرفتش لان الوقت كان متاخر والناس الل كانوا معاي مشيوا بعد مفتكروا انها اتصلحت...
المهم جت سليمه وربنا يسترها علينا وعليكما وبكرة هروح الجراج الل اضطريت اركنها فيه واشوف عفشجي يعملها ذي مفهمت....

قدر الله و ما شاء فعل وحمدا لله على سلامتك منون
معلش ربنا يؤجرك ويعوضك
الناس فعلا واخده السواقة عافية تبقى ماشية صح و يخبطوك.. الله المستعان

**مستبشرة** · 09-06-2015 05:04 PM

الموضوع مفيد جدا وسعادني من قبل ما أشتري العربية
وبرجع له دائما لما فيه من معلومات مفيدة
جزا الله صاحب الموضوع و كل من شاركوا فيه خيرا وأرجو من الإدارة إعادة تثبيته

**mnon_mahmoud** · 09-06-2015 11:38 PM

المشاركة الأصلية كتبت بواسطة مستبشرة

قدر الله و ما شاء فعل وحمدا لله على سلامتك منون
معلش ربنا يؤجرك ويعوضك
الناس فعلا واخده السواقة عافية تبقى ماشية صح و يخبطوك.. الله المستعان

الله يسلمك والله المستعان...

**ahmedfor3** · 18-06-2015 07:03 PM

ياريت اخونا الافاضل يقوله رايهم عن العربيه واستخدمهم ليها فى ايام الحر وخصوصا التكيف وتاثيره على المتور وهل العربيه
طلعت عمليه وكانت اختيار موفق وكل عام وانتم بخير

**volociximab** · 18-06-2015 10:57 PM

التكييف بؤثر على العربية بصورة ملحوظة
قثوة التكييف متوسطة بالنسبة لحر السعودية مع تركيب عازل حرارى
العربية فى رأيي عملية-هى عربية مدينة مزدحمة فى المقام الاول-لا بتاعت جرى و لا سفر و لا طلوع و نزول
عربيتى 2009 1000 سي سي
يمكن يكون فيه اختلاف فى الجديد