الموضوع: تقرير استلام التو 2015 الشكل الجديد

هل تحتاج العربية لعمل ظبط زوايا وترصيص بعد صيانة الألف كيلو ؟؟
ولا المفروض انها زيرو وجاية من المصنع متظبطة والمفروض ان الواحد مايلعبش فيها ويسيبها كدا لحد لو اذا ظهرت مشكلة من وحدفت مثلا يمين او شمال يبقي يظبط زوايا ولو رجرجت يبقي نرصص ؟؟!!!

طالما العربية تمام معاك يبقى ماتعملش فيها حاجة ... خليها زى ما هى ... ولما تبقى تظهر اى مشكلة ابقى دور حلها فين

باركولي ...اشتريت نيو التو 2015 وسعرها الان في معرض القرش 62000 وسمير ريان بردو بنفس السعر والتسليم فوري....واختارت اللون النبيتي لانه كان عجبني اووي..

بالنسبه للالوان المتوافرة كانت الابيض والنبيتي...ومع اني كنت بفضل الابيض الا واختارت النبيتي بعد مخدت رائي ناس كتيرة ..ولا انتوا ايه رائيكوااا بس انا خلاص اشتريت هههه

تعالوا ننتكلم عن اطرف المواقف في السوزوكي نيو التو2015
وهبتدي بنفسي...بعد الشراء ودفع الفلوس ركناها في الجراج لمدة اربعه ايام وخفت امشي بيها عشان مفيهاش نمر وبعد مرخصتها ..ثالث يوم بعد الترخيص دخل في الكاوتش مسمار كبير وفرتك الكاوتش علي الاخر وستر ربنا كنت واقفه بجنب بنزينه وفيها بتوع كاوتش قالي مش نافع تاني وركب الاستبل وبعديها روحت اشتريت فردة كاوتش جديد هاتش كوك كوري 270 جنيه ومش لقيت مقاس الاطارات بعد مسئلت في اكتر من محل فشتريت ااقرب مقاس وهو 13/145/180 ...انا شايفه ان اطارات الكاوتش صغيرة كدا ورفيعه زي التوكتوك...هههه
فبفكر اجيب كاوتش ياباني بريد جستون 5 فرد مقاس عريض ويعلي العربيه شويه فعاوزة اعرف اجيب مقاس كام وميكونش ياثر علي العفشه وفي نفس الوقت مياثرش علي سرعه العربيه ويكون مناسب للعربيه ...ترشحوللي ايه؟

علاج مشكله الدبرياج في نيو التو2015
في يوم ركبت عادي العربيه وبعد مدورت ادوس دبرياج لقيت نازل علي الاخر ..في حاجه غريبه ... عليها..يا جماعه مش عربيتي الدبرياج مكانش كدااا.....المهم جبت ميكانيكي بعد مجرب قالي مفيهاش حاجه وكمان مشي بيها..قولتله لاء فيها ..فتح الكبوت وبص قال الاسطوانه والدسك ..روحي التوكيل طالما زيرو..
روحت التوكيل وبردو نفس النتيجه بس يمكن يكون علا الدبرياج شويه بس صوت نقلات السرعات الفتيش بقت ليه صوت وبعد جدال وكلام كتير فهمت علاج الدبرياج
وذلك بضبط كرسي السواق سواء للامام او للرجوع للخلف مما يحسن فعليا وضع الدبرياج ويكون مريح جداا هو ممكن يكون الدبرياح نازل شويه بس هو دا العلاج بتاعه ..عشان كدا قولت يمكن يفيد حد ..

معلش ياجماعة بالنسبة للناس اللي عملت صيانة الالف كيلو في التوكيل ياريت ينقلولنا خبراتهم فيما يخص الموضوع دا تحديدا .
يعني الواحد يتصل بالتوكيل يحجز قبليها بقد ايه ؟؟
وهل هم اللي بيحددودا اليوم اللي انت لازم تروحلهم فيه ؟؟؟
ولا مش شرط ؟؟ يعني انا بالنسبة لي مثلا مش بعرف اخد اي اجازات الا يوم الجمعة والسبت فقط
فهل انا ممكن احدد اليوم اللي اروح فيه ؟؟ ولا هم بيفرضوا عليا يوم وميعاد محدد ؟
حاجة تانية معلش مهمة جدا هل انا لازم اروح اول ما اعمل الالف كيلو بالظبط ولا ممكن يزيدوا شوية مافيش مشاكل ؟؟
يعني مثلا لو روحتلهم وانا عامل 1200 كيلو ولا مثلا 1300 كيلو هل دا فيه مشكلة علي العربية او موتور العربية ؟؟؟ ولا ماتفرقش كتيير ؟؟
وياريت كمان لو الناس تقولنا اللي تم معاهم في التوكيل في صيانة ال1000 كيلو وتكلفة تغيير زيت 10 الاف بالفلتر باجمالي الصيانة بتاع الالف كيلو يتكلف كام في التوكيل ؟؟!!
نرجو النصيحة حتي تعم الافادة علي الجميع .
وشكرا

المشاركة الأصلية كتبت بواسطة mnon_mahmoud

علاج مشكله الدبرياج في نيو التو2015
في يوم ركبت عادي العربيه وبعد مدورت ادوس دبرياج لقيت نازل علي الاخر ..في حاجه غريبه ... عليها..يا جماعه مش عربيتي الدبرياج مكانش كدااا.....المهم جبت ميكانيكي بعد مجرب قالي مفيهاش حاجه وكمان مشي بيها..قولتله لاء فيها ..فتح الكبوت وبص قال الاسطوانه والدسك ..روحي التوكيل طالما زيرو..
روحت التوكيل وبردو نفس النتيجه بس يمكن يكون علا الدبرياج شويه بس صوت نقلات السرعات الفتيش بقت ليه صوت وبعد جدال وكلام كتير فهمت علاج الدبرياج
وذلك بضبط كرسي السواق سواء للامام او للرجوع للخلف مما يحسن فعليا وضع الدبرياج ويكون مريح جداا هو ممكن يكون الدبرياح نازل شويه بس هو دا العلاج بتاعه ..عشان كدا قولت يمكن يفيد حد ..

فعلا انا لما بنقل نقلات الفتيس بسمع صوت فيها